İqtisadi nəzəriyyə
ECONOMICS
64
Mövzu 8. ABŞ iqtisadiyyatinda xüsusi (özəl) və dövlət
bölmələrinin fəaliyyəti
8.1 Xüsusi sahibkarlıq fəaliyyəti və onun formaları
8.2 ABŞ iqtisadiyyatında dövlət bölməsi və hakimiyyət orqanları
8.3 Maliyyə və vergi orqanlarının fəaliyyəti
8.4 ABŞ-ın beynəlxalq iqtisadi-ticarət əlaqələri
8.1. Bazar münasibətləri iqtisadi sistemi sahibkarlıq fəaliyyəti ilə six bağlı olub, onun
fərqləndirici xüsusiyyətlərindən biridir. Xüsusi mülkiyyətə, tələb-təklif prinsiplərinə,
sərbəst iqtisadi fəaliyyətə, dəyişkən bazar qiymətlərinə, rəqabət mübarizəsinə əsaslanan bir
iqtisadi sistemdə sahibkarliq fəaliyyəti, onun hüquqi bazasinin fomalaşması, təşkilat-
quruluş müxtəlifliyi, habelə rastlaşdıqları ayrı-ayrı problemlərin hakimiyyət orqanları
səviyyəsində həlli, mühüm əhəmiyyətə malikdir.
Elmi-nəzəri baxımdan sahibkar bazar rəqabəti mühitində yaradıcı iqtisadi, təşkilati,
idarəetmə qabiliyyətlərinə malik, ən mürəkkəb və çətin vəziyyətlərdə belə düzgün qərarlar
qəbul edən, ağıllı risk etməyi bacaran təşəbbüskar iş adamıdır. Cəmiyyətdə sahibkarlıq
fəaliyyətini müəyyən cəhətlərinə hələ çox qədim vaxtlardan rast gəlinsə də, lakin insan
fəaliyyətinin bu təsərrüfatçılıq növü (formasi, tipi), bəşəriyyət tarixində üçüncü əmək
bölgüsünün yaranmasi ilə bağlı olub, tacirlər təbəqəsinin meydana çıxmasıyla əlaqədardır.
Bu mənada sahibkarlıq xüsusi bir iqtisadi fəaliyyət sahəsi kimi müxtəlif təyinatlı əmtəə-
xidmətlər bazarında tələblə-təklif arasında tarazlıq yaradılması işinə xidmət edir.
Sahibkarlıq fəaliyyətinin obyekti – müxtəlif təyinatlı əmtəələrin istehsalı, xidmətlərin
göstərilməsi və onların satışıdır. Bu geniş fəaliyyət növünün konkret obyekti avtomobil
istehsalından başlamış meyvə-tərəvəz yetişdirilməsinə qədər və bank-sığorta xidmətindən,
gözəllik salonuna, əyləncə mərkəzlarinə, internet klublarına kimi müxtəlif sahələr ola bilər.
Bazar münasibətləri sistemində insanların müxtəlif təsərrüfatçılıq fəaliyyəti ilə
sərbəst məşğul olmaq hüququ təmin edildiyindən, rəsmi sürətdə müəyyənləşdirilmiş
qayda-qanunlara («iqtisadi oyun» prinsiplərinə) əməl edən hər bir şəxs sahibkarlığın
subyekti sayıla bilər. Şübhəsiz, bu hüquq müəyyən məsuliyyət, səriştə, bacarıq, maliyyə
imkanları ilə birləşdikdə konkret səmərəli iqtisadi nəticələr verə bilər. Mütəxəssislərin
fikrincə, hər 100 nəfərdən yalnız 5-7 nəfəri əsl biznes-sahibkarlıq fəaliyyəti qabiliyyətinə
malik olurlar. Bu mənada sahibkarlıq fəaliyyəti də bir istedaddır.
Müasir dövrdə sahibkarlığın müxtəlif formaları vardır. Bu formalar ilk növbədə
fəaliyyət növünə (istehsal, xidmət), mükiyyətə (xüsusi, dövlət, bələdiyyə, qarışıq), istehsal
həcminə (kiçik, orta, iri, nəhəng) görə bir-birindən fərqlənirlər. Bu fərqlənmə
meyarlarından asılı olmayaraq, sahibkalığın bütün formalarının təşkilati-iqtisadi forması
müəssiələridir, şirkətlərdir, iri birliklərdir. Onların əsas məqsədi və fəaliyyətlərinin
hərəkətverici qüvvəsi (motivi), yüksək mənfəət əldə etməkdir.
Ayrı-ayrı ölkələrin malik olduqları təbii sərvətlərdən, iqtisadi resurs imkanlarından,
keçdikləri tarixi təkamül yolunun özünəməxsus xüsusiyyətlərindən, çatdıqları sosial-
iqtisadi inkişaf səviyyəsindən, əhalisinin peşə-ixtisas istiqamətindən, adət-ənənələrindən,
milli mentalitetindən asılı olaraq, təbiidir ki, çoxcəhətli sahibkalrlıq fəaliyyətinin
növlərinin təsərrüfat həyatında tutduğu mövqe və oynadiğı rol xeyli fərqli formalaşmışdır.
İqtisadi nəzəriyyə
ECONOMICS
65
Dünyanın yüksək inkişaf etmiş dövlətlərində iri və nəhəng biznes-sahibkarlıq
fəaliyyəti ölkə iqtisadiyyatında öz istehsal həcmi göstəriciləri baxımdan həlledici sayılsa
da, kiçik və orta sahibkarlığın inkişafı problemlərinə də ciddi qayğı göstərilir. İnkişaf
etməkdə olan ölkələr qrupuna gəldikdə, kiçik və orta sahibkarlıq fəaliyyəti, dövlət bölməsi,
xarici şirkətlərlə birgə (müştərək) qarşılıqlı əməkdaşlıq, habelə hakimiyyət orqanlarının
nəzarəti altında inkişaf edir. Postsosialist və postsovet ölkələrində isə bazar münasibətləri
iqtisadi sisteminin təməli sayılan xüsusi mülkiyyətin mürəkkəb, habelə ziddiyətli
formalaşması prosesi getdiyindən, sahibkarlıq-biznes fəaliyyətinin kiçik, orta, iri
istiqamətlərinin optimal nisbətləri hələ tam sabitləşməmiş, başa çatmamışdır.
ABŞ-da xüsusi (özəl) bölməyə ev təsərrüfatları və şirkətlər, dövlət (ictimai) bölməyə
isə mərkəzi (federal), bölgə (region) və yerli (bələdiyyə) səviyyəsində hakimiyyət
orqanlarının iqtisadi fəaliyyəti daxildir. XXI əsrin əvvəllərinə ABŞ iqtisadiyyatında xüsusi
bölmənin payı 88-90%, dövlət bölməsinin payı isə 10-12% olmuşdur. Ölkənin bütün
iqtisadi resurslarının (maddi-əmək-maliyyə) son təchizatçısı (göndərəni) və əsas istehlakçı
sturkturlarından (qruplarından) sayılan ev təsərrüatları bir yaxud bir neçə nəfərdən ibarət
təşkil olunaraq fəaliyyət göstərirlər. Əksər hallarda ailəvi xarakter daşıyan ev
təsərrüfatlarının sayı hazırda ABŞ-da 110 milyona yaxındır. Bu təsərrüfat vahidləri əmək
haqqı, mülkiyyət, əmanət, səhm sahibləri kimi əldə etdikləri gəlirin (mənfəətin) müəyyən
hissəsini müxtəlif vergilər şəklində ödəyir, yerdə qalan hissəsini isə şəxsi istehlaka və
yığıma yönəldirlər. XXI əsrin əvvəlləridə ABŞ-da ev təsərrüfatlarının gəlirləri aşağıda
verilmiş sxemdəki müxtəlif mənbələr hesabına formalaşmişdır.
ABŞ-da
ev
təsərrüfatları
arasında
onların
ümumi
(məcmu)
gəlirlərinin
bölüşdürülməsi
öz
qeyri-bərabərliyi
ilə
fərqlənmişdir. Ölkədə ev təsərrüfatlarının
20%-i gəlirlərin 50,2%-inə sahib olduğu
halda, 80%-inə isə bu gəlirin 49,8%-i çatır.
Həmin ev təsərrüfarlarının 4 qrupa bölsək
belə bir mənzərə alınır:
a) birinci qrupa (20% ev təsərrüfatlarına)
gəlirlərin 23%-i;
b) ikinci qrupa (20% ev təsərrüfatlarına)
gəlirlərin 14,6%-i;
c) üçüncü qrupa(20% ev təsərrüfatlarına)
gəlirin 8,7%-i;
ç) dördüncü qrupa (20% ev təsərrüfatlarına)
gəlirin 3,5%-i düşür.
XXI əsrin birinci onilliyə ABŞ-ın ev təsərrüfatlarının gəlirlərinin orta hesabla 84%-i
şəxsi istehlaka getmiş, 3%-i yığıma yönəldilmiş və 13%-i isə isə gəlir vergisi kimi
ödənilmişdir. Qeyd etmək lazımdir ki, əgər XX əsrin 40-cı illərində ev təsərrüfatları öz
gəlirlərinin cəmi 3-4%-ini, yaxud 3,3 milyard dollar həcmində gəlir vegisi ödəmişdilərsə,
artıq XXI əsrin əvvəllərində bu məbləğ onların gəlirlərinin 14-16%-ini təşkil edərək, 1
trilyon dolları ötmüşdür.
Dostları ilə paylaş: |