78
infrastrukturunun yaranmasını, müasir vəziyyətini
və modernləşdirilməsi
yollarını tədqiqata cəlb edilərək ümumiləşdirilməsinə ciddi ehtiyac duyulur.
Buna görə də Azərbaycan Respublikasının Şəki-Zaqatala iqtisadi
regionunun kitabxana-informasiya infrastukturunun təkamülü, mövcud
vəziyyəti, başlıca problemləri və prioritetləri, modernləşdirilməsi yollarının
kompleks tədqiqatına ilk növbədə regionun sosial-iqtisadi və mədəni
infrastrukturunun təhlilindən başlanılması,
fikrimizcə, daha məəqsədəuyğun
olardı. Regionun kitabxana-informasiya infrastrukturunun qeyd etdiyimiz
kompleks xarakterli tədqiqatı və ümumiləşdirilməsi, ilk növbədə, sosial-
iqtisadi və mədəni vəziyyətin əsasları fonunda aparılması elmi obyektivlik və
nəzəri-metodoloji prinsipiallıq baxımından ciddi vəzifə kimi qarşıda durur.
Odur ki, regionun iqtisadi-coğrafi mövqeyi, əhalisi, sosial-mədəni təsisatları,
ekoloji-coğrafi
xüsusiyyətləri, nəqliyyat-turizm potensialı və s. kimi mühüm
komponentlərinin təhlili və ümumiləşdirilməsi başlıca aktuallıq kəsb edir.
Beləliklə, qeyd etdiyimiz kimi, Azərbaycan Respublikasının zəngin
bölgələrindən sayılan Şəki-Zaqatala iqtisadi rayonu Balakən, Qax, Qəbələ,
Oğuz, Zaqatala, Şəki inzibati rayonlarının ərazisini əhatə etməklə
Azərbaycanın şimal-qərbində - Böyük Qafqaz dağlarının cənub yamacında
yerləşir. Şəki-Zaqatala iqtisadi rayonunun ən inkişaf etmiş şəhəri Şəkidir.
İqtisadi rayonun ərazisinin ümumi sahəsi 8,96 min kv.km olmaqla ölkə
ərazisinin 10,3%-ni təşkil edir. Bölgənin relyefi yüksək dağlıq
və dağətəyi
hissələrə bölünür. İqtisadi rayon məhdud torpaq ehtiyatına malikdir. Ərazinin
yüksəklik fərqinin böyük olması təbii şəraitin müxtəlifliyinə səbəb olmuşdur.
Zona mülayim iqlim şəraitinə malikdir. İqtisadi rayonun əhalisinin ümumi sayı
531,9 min nəfər olmaqla, ölkə əhalisinin 6,5%-ni təşkil edir. Əhali əsasən
dağətəyi hissədə yaşayır. [10, s.199]
Rayon ərazisi faydalı qazıntılarla zəngindir. Azərbaycan Respublikasının
mis ehtiyatlarının hamısı, kükürd kolçedanın 90%-i, sinkin 99%-i bu iqtisadi
rayonun payına düşür. Qafqaz regionun iri polimetal yataqlarından olan
Filizçay yatağı bu rayonun ərazisində yerləşir. Dağlıq və dağ ətəyi yerlərdə
çınqıl, qum və digər tikinti materialları mövcuddur. Şəki-Zaqatala iqtisadi
rayonunun ərazisinin 27%-ni meşə massivləri təşkil edir. Onların əsas hissəsi
Balakən və Zaqatala rayonlarının ərazisindədir. İqtisadi
rayon bol su
ehtiyatlarına malikdir. [11, s.389]
Rayon iqtisadiyyatının əsasını kənd təsərrüfatı təşkil edir. Ölkə üzrə
kənd təsərrüfatı məhsullarının əmək bölgüsündə rayon tütünçülük,
baramaçılıq, çayçılıq, gülçülük, çəltikçilik, meyvəçilik, taxılçılıq, üzümçülük,
qoyunçuluqla təmsil olunur. Azərbaycanda istehsal olunan tütünün 75
faizdən
çoxu, taxılın 17 faizi, baramanın 35 faizi, yaşıl çay yarpağının 2 faizi bu
iqtisadi rayonun payına düşür.
Şəki-Zaqatala iqtisadi rayonunda heyvandarlıq məhsullarının tədakürü
ölkə üzrə həmin məhsulların tədakürünün 10 faizdən çoxunu təşkil edir. [8,
s.38]
79
Şəki-Zaqatala iqtisadi rayonunun sənayesi nisbətən zəif və birtərəfli
inkişaf etmişdir. Ölkə üzrə sənaye məhsulunun 3%-dən bir az çoxu bu rayonun
payına düşür. İqtisadi rayonun sənayesi əsas etibarilə kənd təsərrüfatı
məhsullarını emal edən yüngül və yeyinti sənaye sahələri üzrə ixtisaslaşmışdır.
Bu sahələr iqtisadi rayonun sənaye məhsulunun 95%-dən çoxunu verir.
Yeyinti sənayesi bağçılıq, tütünçülük və heyvandarlıq məhsullarının emalına
əsaslanır. Şəki yeyinti kombinatı və şərab zavodları, Qəbələ, Qax, Balakən,
Nic meyvə-tərəvəz konserv zavodları, Zaqatala fındıq və qızıl gül yağı zavodu,
çay fabriki, Şəki ət kombinatı yeyinti sənayesinin əsas müəssisələridir. Bundan
başqa, yerli tələbatı ödəyən çörəkbişirmə, şərq şirniyyatı,
spirtsiz içkilər
istehsal edən kiçik müəssisələr də fəaliyyət göstərir. Yüngül sənayenin əsasını
ipəkçilik təşkil edir. Bütün rayon mərkəzlərində müxtəlif ölçülü tikiş sənayesi
müəssisələri fəaliyyət göstərir. Şəkidə kustar üsulla bəzəkli toxumaları olan
ipək parçalar, pərdələr, kəlağayılar, yaylıqlar toxunur. Tütünçülüyün inkişafı
ilə əlaqədar Şəki, Qəbələ, Balakən və Zaqatala tütün fermentasiya zavodları
fəaliyyət göstərir. Sənayenin digər sahələrinə yerli xammal bazasına əsaslanan
Zaqatala mebel fabrikini, kərpic zavodunu, Balakən
tarla müəssisəsini aid
etmək olar. [4, s.339].
Şəki-Zaqatala iqtisadi rayonunun gözəl təbiəti, onu Azərbaycanın
mühüm istirahət-turizm regionuna çevirmişdir. Qəbələdə, Şəkidə, Zaqatalada
istirahət-turizm müəssisələri fəaliyyət göstərir.
Ərazidən Gürcüstana beynəlxalq turizm marşrutu keçir. İqtisadi rayon
inkişaf etmiş nəqliyyat şəbəkəsinə malikdir. Avtomobil nəqliyyatı inkişaf
etmişdir. Əsas yol Yevlax-Balakən şossesi və 80-ci illərin ikinci yarısında
istifadəyə verilən dəmir yoludur. Balakənin Bakı ilə hava nəqliyyatı əlaqəsi
var. [3, s.98]
İqtisadi rayonun sosial infrastrukturuna ümumtəhsil və orta ixtisas
məktəbləri, ali məktəblərin filialları, mədəni-maarif və səhiyyə ocaqları,
muzey və teatrlar daxildir. [4, s.499]
2004-2008-ci, həmçinin 2009-2013-cü illəri əhatə edən “Regionların
sosial-iqtisadi inkişafı üzrə” iki Dövlət Proqramında Şəki-Zaqatala İqtisadi
rayonunda sosial-iqtisadi inkişafla bağlı kompleks tədbirlər nəzərdə
tutulmuşdur. Bu tədbirlər uğurla həyata keçirilir. Nəzərdə tutulmuş tədbirlərin
məqsədyönlü həyata keçirilməsi nəticəsində 2004-2011-ci
illər ərzində Şəki-
Zaqatala iqtisadi rayonunda təxminən 54 min yeni iş yeri, həmçinin 1,4
mindən artıq yeni müəssisə yaradılmışdır. İqtisadi rayonda 12158 kiçik biznes
subyekti fəaliyyət göstərir. Bu təqribən Azərbaycanda olan kiçik biznes
subyektlərinin ümumi sayının 6%-dir. Onların əksəriyyəti üç inzibati rayonda:
2837 kiçik biznes subyekti fəaliyyət göstərən Şəkidə, Zaqatalada (2734) və
Qəbələdə (2226) cəmlənmişlər. [9, s.80]
İpəkçiliyə (Balakən, Qax və Şəki rayonları üçün aktualdır) və güllərin
yetişdirilməsinə (Zaqatala rayonu üçün aktualdır) yatırımlar ağıllı sərmayə ola
bilər, çünki bu sahələr məqsədyonlü inkişaf proqramına düşür.