75
mağı və onu ziyarət etməyi Kəbəni və ya Haqqı ziyarət kimi
dərk edirdilər.
Nəsiminin:
Kəbə üzündür, ey sənəm, üzündədir sücudumuz!
Yaxud da:
Kəlamım, Quranım, zikrim, kitabım, tövhidim, fikrim,
Nəmazim, səcdəm, nazim, niyazım, cümlə ərkanım. –
deməsi həmin ideyanın bədii ifadəsi idi ki, hürufiməslək poezi-
yada geniş şəkildə intişar tapmışdı. Bu poeziyada insana və
onun hüsnünə səcdə Kəbəyə, Qurana və xaliqə səcdə ilə eyni
tutulurdu. Qiblə rolunu oynamaq mənasında gözəl insan üzü
Kəbəni əvəz edirdi. İnsana və onun camalına səcdə etməmək
nadanlıq, cəhl, küfr, imansızlıq və şeytani əməl sayılırdı
(Madam ki, insan Haqq zatının təcəllisidir, insana səcdə elə
Haqqa səcdədir! – Hürufilərin qənaəti belə idi). Hürufi məfku-
rəli poetik deyimlərdə birbaşa qiyas və bənzətmələrdə gözəlin
üzünün «surəti-Rəhman»a, «lövhi-məhfuz»a, «Müshəf»ə və
«Fürqan»a («Quran»a), «ərşi-həqq»ə, «rövzeyi-rizvan»a,
dodağının isə «çeşmeyi-heyvan»a, «abi həyat»a və s.-ə təşbeh
edilməsi ilə tez-tez rastlaşırıq. Nəimi «təriqi-əsrar»ı, «nuri-
ilahi»ni gözəlin üzündə aşkar edirdi:
Həqqin kərəmilə cün o üzdə
Cəm oldu bütün təriqi-əsrar.
...Həqq surətidir yarın cəmalı,
Bu, nuri-ilahidir, nə ki var.
F.Nəimidə hüsn və eşq (gözəllik və məhəbbət) bir-
birindən ayrılmazdır. Biri digərindən asılıdır və onu
tamamlayır. Eşq varlıqdakı hər şeyi bir-birinə bağlayan qüvvə,
76
hərəkət və qarşılıqlı dəyişilmələr üçün stimuldur. Məxluqu
Xaliqə bağlayan ən ali hissdir.
Ona görə də insan Haqqa
məhəbbətdən başqa bütün hissləri tərk etməlidir. Kainatda nə
varsa, hamısı insanın gözəlliyinə vurğundur və bu gözəlliyin
əbədi əsiridir. «Cavidannamə»də deyilir: «Afetab və səyyarat və
əflak aşeğ camale-adəmənd ke əz xake təcəlli mikonəd və dər in
eşğ əz əhde əzəl ta əhde-əbəd sərkəşte və sərkərdanənd».
(«Cünəş, planetlər, göylər, fələklər torpaqdan təcəlli tapmış
insanın gözəlliyinə aşiqdir. Hansı ki, əzəli əhddən əbədi olaraq
sərkəştə və sərkərdandırlar»).
Fəzlullah həmin gözəlliyi 28 və 32 hərfin yaratdığı ilahi el-
minin əksi, zühuru hesab edirdi: «An hüsn və cəmal elme-
kəlmeyi-ilahəst» («Bu hüsn və camal ilahi kəlmənin (hərflərin)
elmidir.
Hürufiliyin banisi insanın simasındakı xətləri və gözəllik
atributlarını da buraya əlavə edir: «Hüsn və camal və çeşm və
əbru və xətt və xal, muye-zülf elme-kəlmeye-ilahəst» («Hüsn və
camal, göz, qaş, xətt, xal, başın tükü ilahi kəlmənin (hərflərin)
elmidir».
Eşq və hüsnə münasibətdə hürufilərin baxışları, demək olar
ki, təsəvvüfçülərin görüşləri ilə uzlaşırdı. Fərq, əsasən, hürufi-
lərin mətləbləri, son nəticədə 28 və 32 hərfə bağlamasında
özünü göstərirdi. Hürufilərdə də ilahi eşqin və sevginin vəcd və
nəşəsindən nəşət tapan məstlik və xumarlıq əzəli, əbədi Tanrı
lütfü, ilahi feyz mənbəyi kimi təqdir və qəbul edilir. F.Nəiminin
«saqiyi-vəhdət»dən mey dolu cam istəməsi və məstlik arzusu
da belə bir ideyanın ifadəsindən doğurdu:
Gətir, ey saqiyi-vəhdət, mənə ol mey dolu cami,
Bizə onsuz nə lazımdır həyatın işrəti, kami.
Gətir, saqi, o camı ki, ona canım nisar etdim,
Tapır insan nisar etmək təriqin məstlik əyyamı.
77
Hürufilik təlimində başlıca məsələlərdən biri də 4 ünsürə
münasibət problemidir. Bu təlimə görə, 4 ünsür (od, su, hava,
torpaq) bütün real maddi varlığın əsasında dayanır. Yer
üzündəki bütün cansız və canlı aləm – mədənat, nəbatat və
heyvanat, o cümlədən insanat həmin ünsürlərdən nəşət
tapmışdır. Lakin başqa məsələlərdə olduğu kimi 4 ünsürün və
ondan təşkil olunmuş maddi gerçəkliyin varlığı da 28 və 32
hərfə, yəni sözə bağlanırdı. «Cavidannamə» müəllifi iddia
edirdi ki: «İn 32 morəkkəb əz cəhar təbaye. Kəlmeye həqiqi ke
ebarətəst əz vücude-bəşəreyyəte» (Bu 32 4 ünsürdən təşkil
olunmuşdur. Kəlmənin (hərflərin) həqiqəti isə bəşəriyyətin
(vücudundan) varlığından ibarətdir».
Nəimi göstərirdi ki, 28 hərfdən ibarət sözlərdən yazılmış
Quran elə torpaq, hava, su və oddur. Hansı ki, həm Quran, həm
də hürufi elmi yaranmazdan əvvəl həmin 4 ünsür mövcud idi.
«Cavidannamə»də və Nəiminin başqa əsərlərində dəfələrlə
qeyd edilir ki, söz (hərf) real varlığın mücərrəd ifadəsindən iba-
rətdir.
İlahi kitab olan Quranın ayələri də 4 ünsürün kəlmə ilə ifa-
dəsindən başqa bir şey deyil: «Hər ayəti-çəhar kəlmeənd: Kəl-
meye-ab və kəlmeye-xak və kəlmeye-bad və kəlmeye-atəşi».
(«Hər ayət 4 kəlmədən (hərfdən) ibarətdir. Suyun hərfləri,
torpağın hərfləri, havanın hərfləri, odun hərfləri»).
Nəiminin əqidəsincə, Tanrı zatının insan bədənindəki bir
nur parçası olan ruh da hərflə eyniyyət təşkil edir: «Məlum
bebi ke be estelahe-xodayi ruh və kəlmə hər do yekənd».
(Məlum olacaq ki, Xuda istilahına görə ruh və hərf birdir»).
Müəllif onu da israr edir ki, həmin ruh və hərf eyni zamanda
maddi varlıq və onu təşkil edən cismlərdir.
Məkana və zamana münasibətdə də Nəimi panteizm nöq-
teyi-nəzərindən çıxış edir. Mütəfəkkirə görə, Allah 6 cəhətdir
(«Xodavənd şeş cəhət bu») və istər bu, istərsə də o birisi aləmdə
Xuda zamandan xaricdə deyil («İlahi dər in cəhan və ya dər an
cəhan əz zəmani xaric nəkame bin»).
78
Fəzlullah
belə hesab edirdi ki, Allah hərflərə aid elm və bi-
liyi yalnız ilk insan olan Adəmə öyrətmişdir. Elə buna görə də
bəşər övladı yaradılmış bütün canlı məxluqatdan, hətta mələk-
lərdən belə üstündür. Çünki bu elmi bilməyə qadir olan yalnız
bəşər övladıdır. İnsanın nitqi, ağlı, idrakı, danışmaq, eşitmək,
anlamaq qüdrəti onun üstünlüyünə dəlalət edən amillərdir.
Hürufilər varlığı donuq və statik vəziyyətdə götürmür. On-
ların nəzərincə, varlıq və ondakı hər şey daimi dialektik inki-
şafda, hərəkətdədir. Həyatda mütəmadi dəyişmələr baş verir.
Cism və hadisələr qarşılıqlı əlaqədədir. Biri digərinə çevrilir və
ya biri digərini əvəz edir. Hərəkət isə varlığın öz təbiətindədir:
«Mah və afetab və səyyare be təbiət xu dər hərəkət həsti» («Ay,
günəş və planetlər öz təbiətinə görə hərəkətdədirlər»). Hərəkət
isə dövridir. Yəni bir hərəkət və ya varlığın sonu onunla bağlı
digər bir hərəkət və varlığın başlanğıcı və ya əksinə, bir hərəkət
və varlığın başlanğıcı mütləq digər bir hərəkət və varlığın sonu
deməkdir.
Başqa sözlə, cism yaranır, inkişaf edir, sonra məhv olur və
yenidən əmələ gəlir. Bu mənada Nəimi eşqin və imanın məs-
kəni sayılan qəlbin hərəkətini pərgarın hərəkəti ilə müqayisə
edirdi. İnsanın mərkəzi üzvü olan ürəkdən qan çıxır hərəkət
edib qapalı bir dövrə ilə yenidən ürəyə qayıdır. Bir varlığın
fənası, yəni yox olması, başqa bir varlığın aşkara çıxmasına
səbəb olur:
Ətrafa həyat saçdı zərrə,
Tapdı nə zaman buna o imkan.
Ol vaxt ki, özün verir fənaya
Varlıq o zaman olur nümayan.
Hürufilikdə makrokosmos və mikrokosmos arasında
mütləq, ayrılmaz və əbədi bir əlaqə olduğu qəbul edilirdi.
Bütöv kainat makrokosmos, insan isə mikrokosmos kimi
götürülürdü. F.Nəimi insan və kainatdakı varlıqlar