78
Kitabxananın KAA şöbəsi bu il 30
abonentə xidmət göstərmiş, 64 adda sənəd
göndərmiş, 25 nüsxə sənəd almışdır. (8, 2002.- s. 8)
2002-ci ildə kitabxananın 7126 nəfər oxucusu olmuşdur. Onlardan: a)
professor-müəllim heyəti-176 nəfər; b) aspirantlar və elmi işçilər-502 nəfər; c)
kənd təsırrüfatı mütəxəssisləri-210 nəfər təşkil edir.
Hesabat ilində kitabxanalar bu oxuculara 321.892 nüsxə ədəbiyyat vermişdir
ki, bunların da 2.132 nüsxəsi ictimai-siyasi, 204.896 nüsxəsi tədris, 4600
nüsxəsi isə xarici dildə elmi ədəbiyyat olmuşdur (8).
Təqdiredici haldır ki, kitabxanada elmi ədəbiyyat verilişinin istər
Azərbaycan, istərsə də xarici dillərdə xüsusi çəkisi xeyli artmışdır.
Bu ildə məlumat-biblioqrafiya şöbəsi
məlumat günü keçirmişdir ki, burada
da nümayiş etdirilən 231 ədəbiyyatın 170-i oxuculara verilmişdir. Bundan
başqa şöbə 3 kafedra günü də keçirmişdir. 2002-ci ildə şöbə 24 adda məlumat
vərəqi hazırlamış və kafedralara göndərilmişdir. Bundan əlavə şöbə Gəncə
şəhər Elmi İnformasiya İnstitutunun göndərdiyi məlumat vərəqlərini də
kafedraların profilinə müvafiq olaraq paylaşdırır.
Əvvəldə qeyd etdiyimiz kimi akademiyanın
professor-müəllim və elmi
işçilərin ən aktual ictimai-siyasi və elmi məlumatla operativ şəkildə təmin
edilməsində kitabxananın oxu zalı əvəzedilməz rol oynayır. Əsaslı kitabxana
oxu zallarının işi barədə ən qabaqcıl iş təcrübəsinə əsaslanaraq dissertasiya
avtoreferatlarını, referativ jurnalları, qəzetləri və digər məlumat nəşrlərini
professor-müəllim heyəti üçün oxu zalında açıq nümayiş etdirir. Bundan başqa
kitabxanaya daxil olan ən yeni elmi və tədris ədəbiyyatı kitabxana qaydası ilə
işləməzdən əvvəl məhz bu oxu zalında nümayiş etdirilir. Oxu zalında
“Əlamətdar günlər” adlı daimi mövzu sərgisi də fəaliyyət göstərir. Bütün
bunların nəticəsidir ki, oxu zalına gəliş və buradan ədəbiyyat verilişinin
miqdarı və keyfiyyəti ildən-ilə artır.
Ümumiyyətlə, ədəbiyyat verilişinin miqdarına görə kitabxananın
oxu demək
olar ki, həmişə birinci yerdə gedir.
Bəhs olunan dövrdə akademiyanın professor-müəllim heyətinə və elmi
işçilərə kitabxana xidmətinin təşkili sahəsində xarici ədəbiyyat və KAA
şöbəsinin də fəaliyyəti genişlənmişdir. Bu ildə şöbə oxuculara 3400 nüsxə elmi
ədəbiyyat verilmişdir. 2002-ci ildə KAA-nın 35 daimi oxucusu və abonenti
olmuş, şöbə 76 nüsxə ədəbiyyat sifariş etmiş və 35 adda kənd təsərrüfatı
ədəbiyyatı göndərmişdir (8, 2002.- s. 7).
2003-cü ildə AKTA-nın kitabxanasında vahid oxucu biletinə görə oxucuların
miqdarı 7382 nəfər olmuşdur. Onlardan: a) professor-müəllim heyəti-194
nəfər; b) Elmi işçilər- 539 nəfər; c) kənd təsərrüfatı mütəxəssisləri-211 nəfər
olmuşdur .
Bu ildə kitabxana öz oxucularına 322.558 nüsxə ədəbiyyat verilmişdir ki,
bunlardan da 200705 nüsxə kənd təsərrüfatına aid ədəbiyyat və bilavasitə tədris
79
ədəbiyyatı 66328
nüsxə ictimai-siyasi, 3816 nüsxə bəddi, 2326 nüsxə xarici
elmi ədəbiyyat, qalanları isə başqa elm sahələrinə aid ədəbiyyat olmuşdur (8,
2003.- s 4). Bu ildə KAA-nın daimi oxucularının miqdarı 37 nəfər olmuş, 4
kənar şəhər təşkilatlarına xidmət göstərilmişdir. 54 adda sənəd alınmış, 28 adda
sənəd isə kitabxananın fondundan göndərilmişdir (8, 2002.- s 4).
Hər il olduğu kimi 2003-cü ildə də kitabxananın ixtisaslaşmış oxu zalının
fəaliyyəti diqqətəlayiq olmuşdur.
2004-cü ildə əsaslı kitabxananın oxucularının sayı 7523 nəfər olmuş, onlara
325.578 nüsxə ədəbiyyat verilmişdir (8, 2004.- s 3). Kitabxananın
müxtəlif
şöbələrində professor-müəllim heyətinə kitabxana və məlumat-biblioqrafiya
xidməti işinin səviyyəsi xeyli yaxşılaşmışdır.
2005-ci ildə AKTA kitabxanasında oxucuların cəmi vahid oxucu biletinə
görə 7552 nəfər olmuşdur (8, 2003.- s 3). Kitabxananın müxtəlif şöbələrində
professor-müəllim heyətinə kitabxana xidməti nəzərə çarpacaq dərəcədə
yaxşılaşmışdır. Amma çox təəssüf ki, kitabxananın
bu ildəki iş göstəriciləri
ümumiləşdirilib elmi dövriyyəyə daxil edilməmişdir. Buna baxmayaraq ayrı-
ayrı şöbələrin hesabatları əsasında demək olar ki, 2005-ci il üçün kitabxananın
işi ilə tam tanış olmaq olar. Belə ki, həmin il oxuculardan; a) professor-
müəllim heyəti-201 nəfər; b) Elmi işçilər- 539 nəfər; c) kənd təsərrüfatı
mütəxəssisləri-215 nəfər olmuşdur. Onlara 331.462 nüsxə ədəbiyyat
verilmişdir (8, 2005.- s 4).
Ali məktəblərdə demokratik prinsiplər əsasında müəyyən dəyişikliklər
edilməsi, təhsildə də yeni sistemə keçirilməsi qarşısında duran ən başlıca
vəzifələrdən biridir.
Məlumdur ki, ali məktəblərin tədris-tərbiyə və elmi-
tətqiqat işlərinin təşkilində, bu tətqiqatların nəticələrinin istehsalata tətbiq
edilməsində ali məktəb kitabxanalarının da rolu vardır. Məhz buna görə də ali
məktəblərin işinin dəyişdirilməsi ali məkətb kitabxanalarının da fəaliyyətinin
dəyişdirilməsini tələb edir. Əks təqdirdə kitabxanalar ali məktəblərin artıq,
lüzumsuz struktur bölməsinə çevrilər və beləliklə də qaşıda
duran mühüm
vəzifələrin öhdəsindən layiqincə gələ bilməz.
Qeyd edək ki, kitabxananın oxucularının miqdarı 2001-ci illə müqayisədə
2005-ci ildə nisbətən az artsa da kitabxanada oxuculara xidmət işinin
səmərəliliyi artmışdır. 2005-ci ildə kitabxananın bütün oxucu kateqoriyalarının
əhatə edilmə faizi 96,4% olmuşdur ki, bunu da qənaətbəxş hesab etmək olar.
AKTA-nın əsaslı kitabxanasında müxtəlif oxucu qruplarına xidmət işinin
daha səmərəli təşkili üçün kitabxana və məlumat-biblioqrafiya xidmətinin
bütün üsullarından geniş şəkildə istifadə edilir. Professor-müəllim heyəti üçün
ayrıca fəaliyyət göstərən oxu zalı onlara fərqli xidməti
həyata keçirməyə imkan
verir. Ümumiyyətlə, əsaslı kitabxanada ümumi kitab verilişinin əsas hissəsi
oxu zallarının payına düşür.