73
Akif CƏFƏROV
Baş müəllim
AZƏRBAYCAN KƏND TƏSƏRRÜFATI AKADEMİYA
KİTABXANASINDA PROFESSOR-MÜƏLLİM HEYƏTİNƏ
KİTABXANA XİDMƏTİNİN TƏŞKİLİ
Müasir elmi-texniki tərəqqinin əsas vəzifələrindən biri də budur ki, o yalnız
istehsalata deyil, insanların şüuruna və formalaşmasına əsaslı təsir göstərir.
Buna görə də insan amilinin rolunu gücləndirilməsi qarşısında qoyulan
vəzifələrin həyata keçirilməsinin başlıca vasitələrindən biri kimi
qiymətləndirilir.
Müstəqil Azərbaycan dövlətinin həyata keçirdiyi mühüm sosial iqtisadi
vəzifələr respublikada mütəxəssis hazırlığı səviyyəsinin
yüksəldilməsini də ön
plana çəkir. Başqa sözlə, ölkənin sosial-iqtisadi inkişafının sürətləndirilməsinə
dair proqram vəzifənin yerinə yetirilməsi mütəxəssislərin peşə hazırlığını
kökündən yaxşılaşdırmağı
tələb edir. Bu həmçinin Azərbaycan
Respublikasında dövlət təhsil siyasəti milli təhsilin dünya standartlarına uyğun,
milli zəmin və ümumbəşəri dəyərlər, demokratika,
hümanist prinsiplər üzrə
qurulmasına xidmət edir(1). Kadrların ixtisası, səriştəliyi və onların yüksək
vətəndaşlıq məsuliyyəti və elmi-texniki tərəqqinin, xalq təsərrüfatının
intensivləşdirməsinin miqyasını və sürətini xeyli dərəcədə müəyyən edir.
Ulu öndərimiz H.Əliyev Azərbaycan Respublikasında təhsil problemləri ilə
bağlı çıxışı zamanı demişdir: “Savadlı, iradəli, bilikli, bacarıqlı, dəyanətli,
mərd gəncləri olmayan bir ölkənin gələcəyi də ola bilməz.
Təhsil millətin
gələcəyidir”(2).
Azərbaycan Respublikasının Prezidenti İ.Əliyev cənabları isə təhsillə bağlı
belə demişdir: “Biz maddi dəyərlərimizi, iqtisadi potensialımızı insan
kapitalına çevirməliyik. Çünki insanın savadı, biliyi onun gələcək həyatını
müəyyən edir, ölkənin hər tərəfli inkişafına xidmət edir və beləliklə, ölkənin
intellektual potensialı da möhkəmlənir”(5).
Məlumdur ki, mütəxəssis hazırlığında başlıca yeri ali və orta ixtisas təhsili
müəssisələri tutur. Ali və orta ixtisas təhsili sisteminin hazırlığı mütəxəssis
kadrları dövlət
quruculuğu, ölkənin güclü müasir iqtisadi, elmi-texniki və
müdafiə potensialını yaratmaq sahəsində ən mürəkkəb vəzifələri yerinə
yetirməyə imkan vermişdir. Respublikamızda ali və orta ixtisas məktəblərinin
şaxəli şəbəkəsi fəaliyyət göstərir.
Hazırda ali məktəblər nəinki xalq təsərrüfatının ixtisaslı kadrlarla təmin
edilməsinin mənbəyi, həm də ölkənin elmi-tədqiqat
kompleksinin mühüm
tərkib hissəsi kimi çıxış edir. Müasir dövrün alimləri və mühəndis texniki
işçiləri elmin bir sıra yeni istiqamətlərinin inkişafında, texnika və