285
sərhədlərin yatım
dərinliyini, buzlaqların orta temperaturunu, bəzən onların
hərəkət sürətini təyin edirlər. Bundan əlavə, həmin üsulun vasitəsilə buzlaqlarda
dəniz sularının infiltrasiya zonasını və gizli hissələri aşkar edirlər. Buzlaqların
qalınlığının təyininin yüksək dəqiqliyi (
h=Vt/2, burada
V=300/
nis
(m/mks)
buzda radiodalğaların yayılma sürəti;
nis
– buzun nisbi dielektrik keçiriciliyi;
t
– əks olunan impulsların gecikmə vaxtıdır)
buz üçün
nis
daimi qiymətinin
3,1,3,5-ə bərabər olması ilə izah olunur. Buz kəşfiyyatı zamanı RDZ üsulu
böyük dərinlikləri (4-5 km-ə qədər) öyrənmək qabiliyyətinə malikdir. Bu da
buzun yüksək müqavimətli olması və radiodalğaları az udması ilə izah olunur.
RDZ üsulu ilə Antarktidada, Qrenlandiyada örtük buzların xeyli sahələri,
Arktika buz günbəzləri və əksər dağ buzlaqları tədqiq edilmişdir.
12.4.2.Hidrogeoloji və mühəndisi-geoloji tədqiqatlarda
aerokosmik üsullar
Mühəndisi-geoloji tədqiqatlarda aero və kosmik informasiyanın
istifadəsi-
nin artan əhəmiyyəti bir çox rus və xarici alimlərin işlərində qeyd edilmişdir
(V.K.Kuçaya, A.L.Revzon, A.V.Sadov, V.C.Fedorenko və b.).
Toplanmış məlumatların nəticələrinə, aşağıdakı mühəndisi – geoloji
məsələlərin həlli zamanı, kosmik şəkillərin tətbiqinin labüdlüyü aydın olur:
1) ərazinin fəal xalq təsərrüfatı istifadəsi sahələrində yaradılan ərazi sə-
naye komplekslərinin mühəndisi – geoloji şəraitinin qiymətləndirilməsi və
proqnozu;
2) mühəndisi – mühafizə və ərazinin səmərəli istifadəsi ilə bağlı ətraf
mühitin qorunması;
3) eksterimal şəraitdə sürüşmələrin, uçqunların, sellərin,
sahil yuyulma-
larının və s. fəallaşmasını vaxtında proqnozlaşdırmaq məqsədi ilə rayonlarda
metiohidrogeoloji vəziyyətin sistematik (rejim) və təcili müşahidəsi.
Aerokosmik şəkillərdə spesifik əksetdirmə kimi alınan mühəndisi –
geoloji şərait mühəndisi – geoloji xəritələmənin obyekti rolunu oynadığına
görə, aerokosmik şəkillərin deşifrələnməsi süxurların mühəndisi – geoloji
formasiyanın yayılması sərhədləri və onların struktur – tektonik xüsusiyyəti,
örtük və ana süxur litoloji – stratiqrafik formasiya komplekslərinin yayılma
sahələrini aşkar etmək və fərqləndirmək, onların qarşılıqlı əlaqələrinin xarakte-
rini
aşkar etmək, ekzogen – geoloji proseslərin inkişafında sahəvi qanuna-
uyğunluğu tapmaq və mühəndisi-geoloji şəraitin formalaşmasında struktur –
tektonik amilin rolunu digər üsullara nisbətən xeyli dərinlikdə qiymətləndirmək
haqqında məlumat almağa imkan yaradır.
286
12.4.2.1. Ekzogen - geoloji proseslərin
öyrənilməsində kosmik şəkillərin tətbiqi
Ekzogen – geoloji proseslərin öyrənilməsinin əsas
məqsədi zonal və regional
qanunauyğunluqların aşkarı, onların fəallığının, intensivliyinin və dinamikasının
öyrənilməsi və həmçinin insanın mühəndisi – təsərrüfat fəaliyyəti olan obyektlərə
təsirinin qiymətləndirilməsindən ibarətdir. Digər üsullarla həlli mümkün olmayan
bu məsələlərin həllində müxtəlif dərəcəli dəqiqliklə və generalizasiya ilə (lokal,
regional və hətta qlobal) ekzogen proseslər haqqında obyektiv və operativ
informasiyanı təmin etdikdə distansion üsul əsas rol oynayır.
Qlobal səviyyəli generalizasiyaya malik olan kosmik şəkillərdə əsas qrup
ekzogen proseslərin inkişafı üstünlük təşkil edən iri əyalətlər (akkumulyativ,
denudasion və qravitasion) və parametrik assossiasiyalar ayrılır. Burada əsas
deşifrələmə əlaməti təsvirlərin rəng ahəngidir.
Regional səviyyəli kosmik şəkillərdə müxtəlif dərəcəli morfostrukturlar
(plato,
dağ silsilələri, dağarası çökəkliklər, uvallar, dairəvi çökəkliklər) və
onların elementləri (tağlar, qanadlar, əyilmə sahələri) ayrılır və onların ekzogen
proseslərin genetik tipləri ilə əlaqəsi təyin edilir. Bu da onların özünəməxsus
indikatorlarıdır. Bu səviyyəli generalizasiyaya malik olan kosmik şəkillərdən
alınmış informasiya, ekzogen prosesləri tiplərə ayırarkən və onların yayıl-
masının ümumi xəritəsini tərtib edərkən istifadə edilir. Burada əsas deşifrələmə
əlamətləri rolunu fototəsvirlərdə ekzogen proseslərin görünüşü oynayır. Lokal
səviyyəli aero, yüksəklik və kosmik şəkillər əsas morfoskulptur tipləri (eroziya,
sürüşmələr, uçurum tökülmələr və s.)
aşkar etməyə, ekzogen proseslərin genetik
tiplərinin yayılma xüsusiyyətlərini öyrənmək üçün lazımi informasiyanı
almağa, müxtəlif formaların yaş generasiyasını təyin etməyə, geoloji süxur
komplekslərini və onların litoloji tərkiblərini deşifrə etməyə imkan yaradır.
Deşifrələmənin nəticələri ekzogen proseslərin hazırki vəziyyətinin və
şəraitinin xüsusi xəritələrinin tərtib edilməsi, miqdari göstəricilər əsasında
onların yaranmasının intensivliyinə görə ərazinin rayonlaşdırılması və digər
məqsədlər üçün istifadə edilir. Bu səviyyəli şəkillərdə deşifrələmə əlaməti kimi
obyektin konfiqurasiyasının rolu azalır, fototəsvirlərdə isə görünüşün rolu artır.
Burada relyefin bir çox formaları (təpəciklər, boşqab və qıf formalı çökəklər,
çay yataqları və s.) müxtəlif formalı zolaqlıq, fototəsvirlərin
ləkəli və dənəli
görünüşlərini əmələ gətirərək, kosmik şəkillərdə inteqral ifadə formalarını alır.
Görünüşün böyüməsi ilə əlaqədar olaraq, təsvirin rəng ahənginin rolu da artır.
Yadda saxlamaq lazımdır ki, təsvirin şəkli və rəng ahənginə görə,
relyefin ekzogen formalarını dərk edərkən, adətən, sterioskopik şəkillərin istifa-
dəsinə nisbətən, xeyli müqdarda səhvlər ortaya çıxır. Bu səhvlərdən yayınmaq
və geomorfoloji deşifrələmənin dəqiqliyini artırmaq məqsədilə,
kompleks land-
şaft indikatorlarının daha geniş istifadəsi və onların əsasında landşaft indikator
sxeminin tərtibi məsləhət görülür.