237
XII. MÜASİR GEOLOJI PROSESLƏRİN TƏDQİQATINDA
KOSMİK İNFORMASİYANIN TƏTBİQİ
12.1. Zəlzələlərin öyrənilməsi
Yerin seysmikliyinin öyrənilməsində kosmik informasiyanın tətbiqi İ.V.
Ananin, Ek.Bonçev, V.V.Kozlov, V.İ.Makarov, Y.D.Sulidi-Kondratyev,
V.Q.Trifonov, S.Şanov və başqa tədqiqatçıların işlərində öz əksini tapmışdır.
Kosmik şəkillərin köməyi ilə seysmik proseslərin tədqiqatında lineament
yanaşması geniş tətbiq olunur.Bu isə kosmik şəkillərdə deşifrə olunmuş
lineamentlərlə seysmiklik arasında sahəvi əlaqənin təyinindən ibarətdir.
Seysmotektonikada, seysmik rayonlaşdırmada və zəlzələlərin proqnozlaş-
dırılmasında geoloji,geofiziki və seysmoloji materialların köməyi ilə müxtəlif
məsələləri həll etmək mümkündür:
l. Cavan (üst pleystosen-qalosen) tektonik pozulma və deformasiyaların
(seysmodislokasiya) morfologiyasını və kinematikasını diaqnozlaşdırmaq,
seysmik rejimlərin müxtəlifliyi ilə bağlı olan cavan pozulmaların morfoloji
fərqini və kinematikasını təyin etmək: məlumdur ki, güclü zəlzələlər adətən fəal
üstəgəlmə zonalarında çox,fəal yerdəyişmə zonalarında nisbətən az, aralanma
və qırılıb-düşmə zonalarında isə nadir hallarda rast gəlir.
2. Ayrı-ayrı zəlzələlərin pleystosen əyalətlərinin quruluşunu, morfologi-
yasını və ölçülərini dəqiqləşdirmək. Məsələn, 1960-cı il fevralın 29-da baş
vermiş Aqadir zəlzələsinin (M-5,75; E-10
13
coul; H-2-3 km) əmələ gəlməsinin,
yerüstü tədqiqatların nəticələrinə görə, suben dairəsi istiqamətli Cənubi Atlas
qırılması boyu hərəkətlərlə əlaqədar olduğunu söyləmişlər. Kosmik şəkillərin
təhlili suben dairəsi istiqamətli Cənubi Atlas və submeridional Periatlantik
lineament zonalarının kəsişmə zonasında yerləşən, yüksək tektonik fəallıqla
bağlı olan iki pleystosen zəlzələ zonasının inkişafını aşkar etmişdir (şəkil100 a).
3. Kosmik şəkillərdə deşifrə olunmuş lineamentlər və zəlzələlərin episen-
trinin yerləşməsi arasındakı asılılığı aşkar etmək. Məsələn, Şərqi Qafqazın cə-
nub yamaclarındakı episentri zəif, dərin olmayan (5-10 km) zəl-zələlər, kosmik
şəkillərdə ayrılmış regionun zolaqlı strukturlarını müxtəlif istiqamətlərdə kəsən
və «Süpürgə»strukturu əmələ gətirən lineamentlərə meyl edir
(şəkil 100b).
4. Seysmik zonaların dinamik şəraitini təyin etmək (onlarda üstünlük
təşkil edən horizontal, şaquli və kompleks hərəkətlərin kinematikasını və
istiqamətini təyin etmək hesabına) və güclü zəlzələlərin mənbə mexanizminin
müxtəlif tiplərini öyrənmək. Beləliklə, kosmik şəkillərdə əks olunan müxtəlif
mexanizmli güclü zəlzələ zonalarının müqayisəsi belə nəticəyə gətirib çıxardı
ki, mənbələrində şaquli hissələr olan güclü zəlzələlər irimiqyaslı fotoşəkillərdə
zona boyu nazik zolaq kimi, kiçikmiqyaslı skaner təsvirlərində isə uzunluq
lineamentləri kimi özünü büruzə verir. Əgər zəlzələlərin mənbəyində horizontal
238
hərəkətlər üstünlük təşkil edirsə, onda kosmik şəkillərdə seysmik zonaların
təsvirinin bu və ya digər tipi arasında fərq olmur.
Şəkil 100. Seysmotektonik tədqiqatlarda KŞ-n istifadəsinin variantları:
a – zəlzələlərin pleystoseyst zonalarının quruluşunun dəqiqləşdirilməsində:
1 – Aqadir zəlzələsinin izoseystləri, balla; 2–geoloji xəritələmə zamanı səthdə izlənilən qırılma
pozulmaları; 3- səthi strukturda dəqiq ifadə olunan fleksurlar; 4–Periatlantik qırılma zonası;
5–Cənubi Atlas qırılma zonası; b–KŞ-də deşifrə olunan, zəlzələnin episentri ilə (müxtəlif
diametrli çevrələr) lineamentlərin (bütöv və qırıq xətlər) yerləşməsi arasında asılılığın müəyyən
edilməsində; v–seysmonəzarətedici strukturların ayrılması və istiqamətinin təyin edilməsində:
1–seysmonəzarətedici lineament zonaları, 2–zəlzələnin normativ intensivliyi zonaları arasında
sərhəd, balla; 3-5–40 km -ə qədər dərinlikdə zəlzələ ocaqlarının mümkün yaranma zonaları: 3-
M≥8,1; 4- M=7,1-8,5; 5- M=6,1-7,0, 6- həmçinin, 200 km-ə qədər dərinlikdə (M≥7,1). Seys-
monəzarətedici lineament zonaları: I–Budapeşt-Lbob, II–Azov-Cənubi Ural, III–Pontiysk-
Kizlar, IV–Palmir-Abşeron-Qərbi Ural, V–Reşt–Şərqi Aral, VI–Meşxed-Daşkənd.
5. Seysmik nəzarət olunan strukturları ayırmaq, izləmək (şək.64v) və
onların, seysmotəhlükəli regionlarda yer qabığının dərinlik quruluşu ilə
əlaqəsini təyin etmək. Məsələn, Mərkəzi Qızıl qumda Qazli seysmofəal
rayonun kiçikmiqyaslı kosmik şəkillərinin deşifrəsi zamanı submeridional və
suben dairəsi istiqamətli tektonik zonalar aşkar edilmişdir, nisbətən irimiqyaslı
təsvirlərdə isə 1976-cı ildəki zəlzələ zonasının episentrini doğrayan şimal-şərq
və şimal-qərb istiqamətli lineamentlər çox aydın aşkar olunur (şəkil 101).
239
Məlum geoloji və geofiziki məlumatlar V.Q. Trifonova və V.N.Makarova
submeridional istiqamətli lineamentləri yer qabığının ən dərin qatlarında və üst
mantiyada özünü fəal göstərən deformasiyanın; şimal-şərq istiqamətləri
Mərkəzi Qızılqumda kristallik özülün pozulmasının, şimal-qərb istiqamətliləri
isə yer qabığının ən üst hissəsinin pozulmasının əksi kimi interpetasiya etməyə
imkan verdi.
6. Dərinlikdə gizlənmiş tektonik fəal zonaların aşkar edilməsi hesabına
uzunmüddətli seysmik proqnozun geoloji əsasını yaratmaq. Onlar litosferin iki
və ya daha çox qatının dishormonik (bir-birinə nisbətən) deformasiyası zamanı
əmələ gəlir. Bununla belə, gərginliyin daha çox konsentrasiyası litosfer qatının
sərhədlərində əmələ gəlir. Bu hadisə, xüsusən müxtəlif istiqamətli cavan
hərəkətləri səciyyələndirən yer qabığı və litosfer bloklarının (elementlərinin)
təmas zonalarında baş verir.
7. Zəlzələnin növbəti proqnoz imkanlarını təyin etmək. Bunun üçün
seysmik əyalətlərin tipik sahələrinin kompleks zondlanması tələb olunur. Bu
kompleksə MKF-6 tipli kamera ilə çoxzonalı fotoplanalma, lidar, infraqırmızı
və radiolokasiya planalmaları aiddir. Bu onunla izah olunur ki, əgər çoxzonalı
və radiolokasiya planalması əsasən cavan strukturların morfologiyasının öyrə-
nilməsində tətbiq edilirsə, infraqırmızı və s. planalma növləri və ölçülərin kö-
məyi ilə bu strukturlarda nəmliyin dəyişməsi, istilik axımının variasiyası, yeraltı
suların kimyəvi tərkibi və onunla əlaqədar qaz emanasiyası öyrənilir. Bu
tədqiqatlar havadan qravimetrik və maqnitometrik müşahidələrlə birlikdə apa-
rıldıqda, güclü zəlzələlərin distansion əlamətlərinin (əvvəlcədən xəbərver-
mənin) dəstini aşkar edə bilər ki, bu da öz növbəsində, seysmotəhlükəli əyalət-
lərdə aerokosmik monitorinq (növbə çəkmək) sisteminin yaradılması məsələsini
qarşıya qoyur.
Kosmik vasitələrlə seysmoproqnoz işləri hazırda təmərküzləşmə səviyyə-
sindədir, lakin zəlzələlərin növbəti proqnoz sistemində kosmik informasiyanın
rolunu qiymətləndirərkən, ESP-ni yerüstü seysmik və geofiziki,o cümlədən
avtomatik stansiyalardan məlumatların operativ toplanması, işləmə və xəbər-
darlıq mərkəzlərinə ötürülmə vasitəsi olduğunu nəzərə almaq lazımdır.
Lineament və onların sistemlərinin zəlzələ mənbələrinin yerləşmə xüsu-
siyyətləri ilə sahəvi əlaqələrinin tədqiqi göstərir ki, zəlzələlərin əksəriyyətinin
episentri: a) lineament və onalrın zonaları boyu yerləşir; b) iki və daha çox
lineamentlərlə əhatə olunmuş blokların daxilində lokallaşır; v) lineamentləri öz
aralarında (bir-biri ilə) və ya geoloji təsdiq olunmuş qırılmalarla kəsişmə
sahələrinə (yeni tektonik pozulmaların kəsişmə düyünlərinə) aid edirlər.
Dostları ilə paylaş: |