113
XƏLQİ BİRLİK
Xalq bir olanda Diri olur.
Xalq bir olmayanda Ölü olur.
İMTİNA QANUNU
Ehkama İnanma, Cəmiyyətə baş əymə, Boyunduruqdan çıx, Zora
əyilmə!
GÜCSÜZLÜK
Ehkamda Həqiqət gücü yoxdur!
Cəmiyyətdə Ədalət gücü yoxdur!
Boyunduruqda Vəhdət gücü yoxdur!
Zorda Ruhaniyyat gücü yoxdur!
BİLDİYİMİZ
Həyatın Mənası – Amal.
Bugünün Mənası – Sabah.
EVLAD MÜSTƏQİLLİYİ
Atadan başqa heç kimdən asılı deyiləm.
Amaldan başqa heç nədən asılı deyiləm.
Sabahdan başqa bugünüm yoxdur!
ÖZÜNƏİNAM MÜDRİKLİYİ
Özünə tam inananda özünü tam dərk etmiş olursan.
Tutalım ki, Zəifsən – Ruhun ki Zəif deyil, o ki səndən artıqdır.
Ruhuna çat!
Tutalım ki, Naqissən – Ruhun ki Naqis deyil, o ki səndən artıqdır.
Ruhuna çat!
Tutalım ki, Naşısan – Ruhun ki Naşı deyil, o ki səndən artıqdır!
Ruhuna çat!
RUHANİ CAR
İnamla İnamsızlığı məğlub etmək!
İdrakla İdraksızlığı məğlub etmək!
Mənəviyyatla Mənəviyyatsızlığı məğlub etmək!
İradəylə İradəsizliyi məğlub etmək!
MÜQƏDDƏS ƏMƏL ÜSLUBU
Şər İdrakına Sığmayan!
Şər İradəsinə Sığmayan!
114
BİLİK BİRLİYİ
“Hər şeyi bilən” heç şeyi bilmir.
Həqiqət Birdir. Biri Bilməli!
EVLAD FƏALİYYƏTİ
Müqəddəs Kitabları öyrənmək,
Özünüdəyişmək,
Ata Ailələri yaratamaq!
GÖRDÜYÜMÜZ
Xalq Həyatının Üzündə Bugün üzür.
Xalq Həyatının Daxilində Sabah bitir.
İDRAK QANUNU
Üzdəkində qalma!
Daxildəkini Üzə çıxart!
9 Ümid günü, Ata Ayı, 8-ci il. Bakı.
ÖZÜNÜTƏRBİYƏ ƏHVALI
İnam tərbiyəsi: Mütləq olmayana inanma!
İdrak tərbiyəsi: Həqiqi olmayanı var olan sayma!
Mənəviyyat tərbiyəsi: Kamil olmayanı Mənəvi sayma!
İradə tərbiyəsi: İmkansızlığa inanma!
10 Dözüm günü, Ata Ayı, 8-ci il. Bakı.
TƏRBİYƏSİZLİK MƏRHƏLƏLƏRİ
Pioner tərbiyəsizliyi.
Komsomol Tərbiyəsizliyi.
Partiya Tərbiyəsizliyi.
TƏZƏ KÖHNƏLİK
Məlum oldu ki, yeni sosialist iqtisadiyyatı Böhran qədər köhnəymiş!
Yeni sosialist ictimaiyyəti Ədalətsizlik qədər köhnəymiş!
Yeni sosialist Mənəviyyatı Əxlaqsızlıq qədər köhnəymiş!
Yeni sosialist İdrakı Yalan qədər köhnəymiş!
ADAM GÜNAHI
Adam günahkardır!
Cəmiyyət Adama doy gələ bildi!
Adam Cəmiyyətə doy gələ bilmədi!
Adam İnsan ola bilmədi!
115
“SƏRBƏSTLİK” YÖNÜ
Rəisi döy ki, Cəmiyyəti döyməyəsən!
Yalançını Döy ki, Ehkamı döyməyəsən!
Zorbanı Döy ki, Zoru döyməyəsən!
Şərçini Döy ki, Şəri döyməyəsən!
SAHİBLİK
Üzdə nə varsa – Sizin!
Daxildə nə varsa – Bizim!
Bina Sizin – Ailə Bizim!
Məktəb Sizin – İdrak Bizim!
Mətbuat Sizin – Həqiqət Bizim!
Var Sizin – Amal Bizim!
Zaman Sizin – İnsan Bizim!
Ürəklərin qapısını üzümüzə kim bağlayacaq?!
Zəkaların qapısını üzümüzə kim bağlayacaq?!
Arzuların qapısını üzümüzə kim bağlayacaq?!
FƏRASƏT
“Adamda təqsir yoxdur, təqsir cəmiyyətdədir” – deyirdilər, – Kapitalizmi
məhv etmək üçün.
“Cəmiyyətdə təqsir yoxdur, təqsir adamdadır!” – deyirlər, – Sosializmi
xilas etmək üçün.
QÜVVƏTLƏNƏN İNSAN AMİLİ
Yaxşı Dolansın ki, Yaxşı Davransın!
Yaxşı Dişləsin ki, Yaxşı İşləsin!
Yaxşı Təmin olunsun ki, Yaxşı İstifadə olunsun!
MİLLİ SİYASƏTİN “DİALEKTİKASI”
Müstəqil olmağa haqqın var, ancaq Müstəqil olmağın nahaqdır.
VƏTƏNDAŞLIQ BORCU
Möhtəşəm Dövlət naminə Zavallı qal!
MƏQSƏD
Məqsəd Ehkamı xilas eləməkdir.
Ehkam – Şərdir.
Məqsəd Cəmiyyəti xilas eləməkdir.
Cəmiyyət – Şərdir.
Məqsəd “Xeyirləşmə” vasitəsiylə Şərləşmədir.
116
SƏBƏB – NƏTİCƏ
Yalana – “Doğru” dedilər!
Oğurluğu doğrultdular!
Əyriliyi “Düzəltdilər!”
Oğru Cəmiyyət yarandı.
Əyri Cəmiyyət yarandı.
İndi Oğru cəmiyyəti Oğru şəxslərdən “təmizləyirlər”.
İndi Əyri cəmiyyəti əyri şəxslərdən “təmizləyirlər”.
Xalqı cəmiyyətdən təmizləmək əvəzinə.
MADDİYYATÇI ƏXLAQI
Mənəviyyatdan danışırlar, çünki maddiyyat geriləyib!
İdrakdan danışırlar, çünki maddiyyat geriləyib!
Ədalətdən danışırlar, çünki maddiyyat geriləyib!
Həqiqətdən danışırlar, çünki maddiyyat geriləyib!
Ruhaniyyatdan danışırlar – maddiyyat naminə!
FƏND
Həqiqəti cəmiyyətləşdirirlər – Yalanlaşdırırlar.
Ədaləti cəmiyyətləşdirirlər – Ədalətsizləşdirirlər.
Xeyiri cəmiyyətləşdirirlər – Şərləşdirirlər.
“MÖHTƏŞƏM ƏMƏLİYYAT”
Şərə Xidmət eləyən Xeyir yaratmaq.
HÜDUD ŞƏRİ
Həm Doğruçu ol, həm də Yalandan kənara çıxma!
Həm Cəsarətli ol, həm də Qorxudan kənara çıxma!
Həm Ədalətli ol, həm də Zülmdən kənara çıxma!
Həm Xeyirçi ol, həm də Şərdən kənara çıxma!
SÜRƏTLİ CƏHD
İsgəndərlərdən Şeyx Nəsrullahçı hazırlamaq.
DÖVRAN BÖYÜKLƏRİ
Alqışla gəlib Qarğışla gedənlər.
POZULAN TARİX
Bugünkü Tarix kitablarında Tarix yazılmır – pozulur!
Dostları ilə paylaş: |