Microsoft Word Lokaútgáfa í einu skjali
Yüklə 0,81 Mb. Pdf görüntüsü
|
- Bu səhifədəki naviqasiya:
- Samgöngur og fjarskipti
- Verslun og þjónusta
- Sameining, samstarf
- Stoðkerfi, byggðastefna Stoðkerfið
- Tækifæri til eflingar
Samfélag, atvinnulíf og íbúaþróun í byggðarlögum með langvarandi fólksfækkun 102
Samgöngur og fjarskipti: Talsvert var rætt um áhrif Héðinsfjarðarganga á fundunum. Til dæmis um það hvort Siglfirðingar séu tilbúnir til að taka á móti auknum straumi ferðamanna, hvort grunngerðin sé klár. Strákagöng og Múlagöng eru flöskuhálsar og erfitt fyrir stóra bíla að fara í gegn. Héðinsfjörður er allur í einkaeign og deildar meiningar um hvort einhver uppbygging eigi að vera þar. Sumir vilja hafa svæðið sem mest óbreytt. Göngin munu breyta miklu fyrir þjónustu í þessum byggðum tveimur og hafa þegar haft áhrif á atvinnulíf bæjanna, t.d. eru ákveðin fyrirtæki að hugsa til sameiningar. Grýtubakkahreppur lét leggja ljósleiðara fyrir nokkrum árum og hitaveita var lögð í leiðinni. Ljósleiðarinn er líka í sveitinni að hluta. Samgöngur eru ágætar.
Í þjónustukönnuninni var spurt um 15 þætti varðandi verslun og þjónustu. Öllum þáttum var svarað játandi, nema að ekki er til staðar stórmarkaður eða lágvöruverðsverslun. Líklega sækja íbúar Ólafsfjarðar marga þessa þjónustuþætti á Siglufjörð þótt þess sé ekki getið í svörunum. Til dæmis er vínbúð og bakarí á Siglufirði, sem og tölvuþjónusta og múrari, en ekkert af þessu á Ólafsfirði. Íbúar á Grenivík sækja þjónustu til Akureyrar. Þar er þó matvöruverslun, tvær hárgreiðslustofur, bókhaldsstofa, vélsmiðja, trésmiðja og bifreiðaverkstæði og næsti múrari er á Svalbarðsströnd. Rekstraraðili matvöruverslunarinnar á Grenivík tekur að sér verkefni eins og að sjá um póstinn. Verslunin gengur m.a. vegna þess að heimamenn versla þar.
Menntun Tölur í þessum kafla eru frá skólaári 2010-2011. Eftirfarandi kom fram á fundunum: - Í Fjallabyggð er einn skólastjóri, einn leikskólastjóri, en leikskóladeild á báðum stöðum. Börn í grunnskóla eru keyrð á milli. Með þessu næst fram hagræðing og sparnaður. Skólinn var í fjórum byggingum en er núna í tveimur. Í grunnskóla eru 270 nemendur en um 140 í leikskóla. Yngri krakkarnir voru á Ólafsfirði en eldri börnin á Siglufirði. Núna eru yngstu börnin á báðum stöðum en þrír (sex) árgangar sitt á hvað, sem þýðir að börnum er ekið í þrjú ár í stað fimm. Það er ekki einhugur meðal íbúa um þetta. - Í Grýtubakkahreppi eru tæplega 60 börn í grunnskóla og um 24 börn í leikskóla. Það er jákvætt fyrir börn að vera í litlum skóla, þau fá svo mörg tækifæri. Grunnþjónusta í sveitarfélaginu er mjög góð, góðir skólar, gott tómstundastarf og góð þátttaka og öflugt íþróttastarf. - Samstarf var meðal sveitarfélaga við utanverðan Eyjafjörð um framhaldsskóla á Tröllaskaga, Dalvík er með í þessu samstarfi. Skólinn er staðsettur á Ólafsfirði. Nemendur verða 170 talsins skólaveturinn 2011-2012. Krakkarnir úr Fjallabyggð fara nánast 100% í þennan skóla. Unglingar úr Grýtubakkahreppi sækja framhaldsskóla alfarið til Akureyrar.
Margt er svipað í svörum fyrir þéttbýlisstaðina í Fjallabyggð í þjónustukönnuninni. Leikfélag starfar t.d. á báðum stöðum, fleiri kórar en kirkjukór einnig. Samstarf er í flestum málaflokkum eftir sameiningu og stutt að fara eftir opnun Héðinsfjarðarganga. Þó svo menningarlíf á Grenivík hafi ekki verið sagt öflugt (á fundi okkar) þá er þar þó starfandi leikfélag. Á fundunum kom eftirfarandi fram: - Menningarlíf í Fjallabyggð er blómlegt, mikil tónlist og myndlist, sýningar, námskeið. Gallerí og listvinnustofur eru á Siglufirði og Listhúsinu á Ólafsfirði. Leikfélög er starfandi á báðum stöðum en líklegt að þau verði sameinuð. Kórar eru starfandi á báðum stöðum. Á Siglufirði eru söfn eins og Síldarminjasafnið og Þjóðlagasetur sem er með ýmis verkefni, m.a. í
Samfélag, atvinnulíf og íbúaþróun í byggðarlögum með langvarandi fólksfækkun 103
samstarfi við Norðurlönd. Síðastliðið sumar opnaði Ljóðasetur Íslands á Siglufirði. Á Siglufirði eru hátíðir eins og Jónsmessuhátíð, Þjóðlagahátíð, Síldarævintýri, Reitir, alþjóðlegt verkefni skapandi greina og Ljóðahátíð. - Í Ólafsfirði er sjómannadagshelgin haldin hátíðleg og Blúshátíð og Berjadagar eru árlegir viðburðir. Náttúrugripasafn er í Ólafsfirði. - Menningarlíf í Grýtubakkahreppi er ekki eins öflugt og það gæti verið, trúlega er nálægð við Akureyri áhrifavaldur á það. Hins vegar er þar öflug félagsstarfsemi. Sameining, samstarf Talsverðar breytingar hafa orðið á þjónustu í Fjallabyggð við sameininguna, til dæmis varðandi skólahald eins og þegar er nefnt. Samstarf er um íþrótta- og félagsstarf. Heimaþjónusta var sameinuð, en starfsmenn eru á báðum svæðum. Samstarf við önnur sveitarfélög breyttist einnig nokkuð. Dregið hefur úr samstarfi við Dalvíkurbyggð. Samstarf er við Skagafjörð um málefni fatlaðra og Dalvík er með í því. Í Grýtubakkahreppi er samstarf um félags- og skólaþjónustu og málefni fatlaðra með þjónustusamningi við Akureyrarbæ, samstarf með minni sveitarfélögum við Eyjafjörð (Eyþing), samstarf um AFE, byggingarfulltrúa, tónlistarskóla o.fl. Svo er aðild að framhaldsskólunum með því að greitt er hlutfallslegt gjald til MA og VMA. Þetta kom fram á fundunum: - Héðinsfjarðargöng munu breyta miklu fyrir þjónustu í Fjallabyggð. Með sameiningu er hægt að halda uppi þjónustustigi og samstarf eykst. Viss samdráttur hefur orðið vegna hagræðingar við sameininguna. - Það getur verið erfitt að ákveða staðsetningu nýrra þjónustuþátta í Fjallabyggð og stundum eru þeir settir á báða staði. Það er tvennt af ýmsu, tvær slökkvistöðvar, tvær bæjarskrifstofur o.fl. Það er vissulega óhagræði að þessu, en það er samt gott fyrir íbúana. - Í Fjallabyggð er ekki áhugi á frekari sameiningu, en öðru gegnir um aukið samstarf. Verið er að skoða hvernig standa eigi að samstarfi Fjallabyggðar við Dalvíkurbyggð og vilji er til að auka samstarf við Skagafjörð. Það þarf að starfa á stærra svæði, það er ekki nóg að vera bara inn á við eða í samstarfi á Eyjafjarðarsvæðinu. Samstarf í ferðaþjónustu beinist líka mikið vestur á við og búið er að stofna samtök ferðaþjónustuaðila á svæðinu. - Áhugi íbúa í Grýtubakkahreppi á sameiningu er ekki mikill. Menn telja samfélagið sjálfbært þrátt fyrir íbúaþróunina og óttast að fá lakari þjónustu ef sameinað yrði. Sameining yrði þá við Akureyri, það er svo mikið samstarf nú þegar. Frumkvæði á staðnum hyrfi, menn færu bónveg að reyna að ná peningum. Félagið sem á aflaheimildirnar og fjármagnar eitt og annað færi inn í hítina. Mögulega hefur samstarfsleiðin fjarlægt sameiningarþörf. Stoðkerfi, byggðastefna Stoðkerfið: Fjallabyggð er nýtt svæði hjá AFE (Atvinnuþróunarfélagi Eyjafjarðar), þ.e. Siglufjörður var áður á starfssvæði SSNV (Samtaka sveitarfélaga á Norðurlandi vestra) en Ólafsfjörður var fyrir á starfsvæði AFE. AFE hefur unnið með Grýtubakkahreppi að stefnumótun, uppbyggingu PharmArctica og málum sem tengjast ferðaþjónustu o.fl.
Á fundunum komu fram eftirtaldar hugmyndir:
Unnið hefur verið að því að laða fjárfesta á svæðið með opnun siglingaleiða um norðurheimskautið í huga. Kínverjar vilja leggja ljósleiðara norður fyrir. Þá snýr þetta einnig að leit að olíu og námavinnslu á zinki á Grænlandi (Sítrónufirði). AFE hefur gert úttekt og kortlagt þjónustu við ferðamenn og framboð á afþreyingu og möguleika tengda höfnunum. Verið er að skoða uppbyggingu á Siglufirði í tengslum við þetta, þar er autt húsnæði og tankar Yüklə 0,81 Mb. Dostları ilə paylaş:
|