136
Bütün
uçurumların təbiətində isə bir
virtuallıq gizlənib. Və əksinə: virtual dünyanın özü
uçurum kimi bir şey. Hüseyn Cavidin bədii məkanı da
virtual səciyyəli uçurumlar zonası. Bu virtuallığın
sahibi canlı insanlar yox, ideyalardır, simvollardır,
ruhlar və kölgələrdir. Odur ki, mən bica və təsadüfi
saymıram professor Timuçin Əfəndiyevin öz tədqiqatını
“Hüseyn Cavidin ideyalar aləmi” adlandırmasını. Cavid
əfəndi dramaturq olmamışdan əvvəl Azərbaycanın filosofu
idi, fikir adamı idi və onun pyeslərində qurduğu bədii-
intellektual sistem müəllifin ideyalarını estetik
formalarda şəkilləndirirdi. Mən bu pyesləri Platonun
ideyalar dünyasınin
dramaturji təzahürü qismində
görürəm. Platon elə hesab edirdi ki, hər nəsnənin
ideyası var və onlar fəza boşluğundakı ulduzlar kimi
sayrışıb gerçəkliyi virtualcasına güzgüləndirirlər.
Düşüncə tarixində virtual dünya obrazını yaratmış
əvvəlinci filosof məhz Platondur. Pyesləri də Cavidin
virtuallığa proyeksiya edilmiş, sanki fotoneqativlərdə
zühura gəlmiş fikir oyunlarıdır.
Fotoneqativ səni
həmişə uçurumda göstərir. O, insanın ruhunun, predmetin
ideyasının “mistik” surətidir. Cavidin fikir
oyunlarının sonu isə UÇURUM. Onun qəhrəmanları da
müəyyən ideyaların qiyafəsi olub uçurum ruhlarına,
uçurum kabuslarına bənzərlər, varlıqla heçliyin, işıgla
kölgənin sərhəd zolağında qərarlaşarlar. Hüseyn Cavidin
pyeslərini oxuyarkən mənim emosional yaddaşım mənə
nədənsə həmişə Rixard Vaqnerin
“Nibelunqların üzüyü”
operasını xatırladır.
“Ah, aman, ya rəbbim! hər iki tərəfim təhlükəli
uçurum...” Maral söylər bunu, ölümündən bir az öncə.
Şeyx Sənan donuz otarıb, Quranı odda yandırıb,
boynundan xaç asıb axırda demədimi ki,
“uçurumdur
pənahgah ancaq”.
Cavid əsərlərinin hamısında bir UÇURUM mənzərəsi.
Və bu azmış kimi onun şeirlərinə də, “Azər”
poemasına da gizli bir “uçurum” leytmotivi hakim.
137
Elə isə istərdim diqqətinizi müəllifin “Bu
gecə” adlı bir şeirinə yönəldim:
“Dərin-dərin uçurumlar, vərəmli fırtınalar,
Bütün-bütün sıxıb əzməkdə ruhumu bu gecə”.
İndi də ayrı bir şeirə fikir verəlim:
“Uçar, uçar, yenə ruhum diyari-hüznə qoşar;
Uzaq, uzaq, çox uzaq bir mühit içində yaşar.
Soyuq, soyuq!.. Gecə keçmiş, bütün cahan susmuş,
Uzaqda inləyir ancaq zavallı bir bayquş”.
Cavid əfəndinin hər misrasından bir UÇURUM
hayqırır:
“Önümdə dalğalanır teyflər, qızıl qanlar,
Başımda patlayır atəşli, sisli vulkanlar”
(“Hərb və fəlakət” şeiri).
“Azər” poemasının ovqatı da bir uyqarlıq şəhərinin
uçurumunu göz önündə canlandırar:
“Onlar qoşacaq, çarpışacaqlar,
Bir çox uçurumlar aşacaqlar”.
Hüseyn Cavidin bədii dünyasına sakin personajların
monoloqları, dialoqları, nidaları, mahnı
və
zümzümələri, əsəbi gülüşləri, hıçqırtıları sanki
uçurumlardan səslənir: onların replikaları eləsən işıq
ili qədər məsafə qət edib
kosmik fəzaya göndərilmiş
siqnallar qismində bir-birinə çatır. Bu qəhrəmanlar
qədim yunan tanrıları kimi səmada uçuşub danışar,
söhbətləşər, sonradan isə uçurumlarda məhv olarlar.
Cavid
əfəndinin obrazları
mənə
nədənsə bizim
qalaktikada hərlənən planetləri xatırladır. Hər bir
səyyarənin isə öz uçurum parametrləri mövcuddur.
PLANETLƏR UÇURUMDAN ASILMIŞ YOLKA OYUNCAQLARIDIR: bir
ritmə köklənib uçduqca uçarlar.
138
Hüseyn
Cavid
əsərlərində zühura gələn
virtuallığın qayəsi də elə bu. Uçmaq onun
personajlarının ruhsal təbiətinin nişanəsi:
“Uçarız həqqə doğru bərgasa”... Və ya:
“Uçalım,
haqqa doğru, gəl uçalım”... Şeyx Sənanın ucuruma
atılmamışdan öncəki bəyanatı. Haqqa doğru “getmirlər”,
yalnız müqəddəsləşib “uçurlar”. Bu, cəmi
peyğəmbərlərdən və Allahın
sonuncu elçisi Muhamməddən
qalma bir ənənə deyilmi? Qüds şəhərinin əl-Əqsa
məscidindən merac zamanı göylərə yüksəldiyi bir məqamda
Muhamməd rəsulullahın mindiyi mifik at “BURAQ”
adlanırdı ki, bunun da kökü “BƏRQ” sözündəndir.
Bərqasa, yəni işıq qığılcımı ilə ani olaraq. Qədim
türklər də cənnəti uçmaq bilərlər. Quşların uçmağını
seyr etmək insanlar üçün bir cənnət həzzi. Quşlar
uçduqca insanlar sanki cənnəti görərlər. Təsadüfi deyil
ki, mifik təfəkkür quşları ruhlar və mələklərlə yanaşı
qoyar. Və heç o da təsadüfi deyil ki,
ucalmaqda bir
uçmaq, yüksəlmək, pərvazlanmaq, qanad çalıb yuxarı
qalxmaq əlaməti var.
Öz poetik duyğuları müstəvisində Cavid əfəndi Şeyx
Sənanı peyğəmbər dərəcəsinə qədər ucaldar. Nəinki
mistik sevgilər Şeyxi, bu ədibin bütün qəhrəmanları
uçmağa meylli,
uçmaqdan ötrü dəli-divanə. Yahu, bəlkə
də elə bu həvəsdəndir ki, onların leksikonunda
“MƏLƏK”
kəlməsi yamanca bol işlənər? Cavid dünyası mələk dolu
bir dünya.
Burada kəpənəklərə, göyərçinlərə də xeyli
yer ayrılıb. “Şeyda” pyesində Rauf yatıb yuxusunda
ganadlı mələklər görər; görər ki, dostu Şeyda da
göylərin ənginliklərində uçduqca uçur. Yenə həmin
faciədə Anjel söylər:
“Mən öncə bir mələkdim,
Yüksəklərdə uçardım”.
“Mələklər”, “yıldızlar”, “kəbələklər”,
“gövərçinlər”... Ruhlar aləminin simvolları. Hüseyn
Cavidin bədii şərtilik sisteminin əsas eyhamları.