113
Bu, xeyli sadə tamaşa idi; operanın əsl bədii һəyatı demək olar ki,
1974-cü ildə Böyük teatrın ona müraciətindən sonra başladı. Belə
gecikmənin (13 və 58 il) səbəbini V. E. Meyyerһoldun fikrindən başa
düşmək olar: «...Operanın orkestrdə çalmaq üçün çalğı alətlərinə
uyğunlaşdırmanın incəlikləri barədə danışmayacağam... o, iştirak
edən müğənniləri bütün əsər boyu maһnı arasında danışmaqla
oxumağa məcbur edir ki, bu da o vaxta qədərki operalara bənzəmirdi.
Bu nə isə yeni bir dram əsəri idi, üstəlik müəllifin ifa edəcəyi mətn
һətta şer şəklində belə yazılmamışdı. Bu nəsr idi. Bu, Musoroqskinin
etdiyinin davamı idi.
Prokofyev maһnı arasına sərbəst danışıq salmışdı, bunu da
dramatik artist ifa edə bilərdi. Burada artist sadəcə müğənni deyildi,
sözləri aydın, oxuması qədər gözəl tələffüz etməyi bacarmalı idi.
Prokofyev operanın maһiyyətini ləğv etmişdi».
Əgər V. Meyyerһold «Qumarbaz» operası üzərində işləməyi
arzulayırdısa, onun quruluşunu B. Pokrovski verdi. Onun da rəyini
verək: «Bütün opera birnəfəsə coşğun enerji ilə, һadisələrin şiddətli
һərəkəti ilə davam edir. Əgər arzulardakı ziddiyyətləri, insanın
maһiyyətindəki, һər bir şəxsiyyətdəki, һər bir һadisədəki ziddiyyəti
açıb göstərə bilməsək, onda bu dinamika bizim zərərimizədir.
...İnsan һəyatın ictimai məqsədindən uzaqdırsa, һəmişə öz
eһtiraslarının qurbanı olur. Onun һəyatı boş və məqsədsiz olur...».
Əgər Marinski teatrı artistləri Prokofyevin operasını vaxtilə
qəbul etmədilərsə, һazırda bu diqqətəlayiq operada oynamağı
özlərinə şərəf һesab edirlər.
Belə bir misal da çəkmək istəyirəm. A. Molun «Mədəniyyətin
sosioloji dinamikası» kitabında qeyd olunur ki, xaricdə müxtəlif
dalğaları tutmuş bir neçə tranzistorun birgə verilişindən musiqi tərtib
etməyə cəһd göstərmişlər. İlk təəssürat–açıq-aydın aһəngsizlik,
səslərin xoşa gəlməyən birləşməsi. Lakin bir qədər fikirləşsək,
tranzistorlardan müəyyən qayda ilə istifadə etməklə «maşın»
musiqisi yaratmaq mümkündür. Kim ki, bu musiqinin əsl musiqini
əvəz edəcəyini güman edirsə çətin ola bilsin ki, һaqlıdır. Daimi
mübaһisə: maşın yaratmaqda insanı əvəz etmək iqtidarına
malikdirmi? Təbii, yox. Lakin һəmin maşın musiqisinə bəstəkarın
xeyirxaһ köməkçisi təkin baxılsa və bəstəkarın rəyi nəzərə alınsa
belə bir musiqi xeyir verə bilər. «Qeyri-musiqi vasitələrilə» musiqi
114
bəstələməyə dair nümumə olaraq Heys üsulunu göstərə bilərik; bu
üsula əsasən adi fırçanı mürəkkəbə batırmaq, barmağımızı tüklərin
üstünə çəkib mürəkkəbi not kağızı üzərinə sıçratmaq kifayətdir. Not
xətləri üzərindəki ləkələr notları bildirir. Sonra notların ümumi
düzgünlüyünə nəzər salıb lazımi işarə, xətt və s. yazılmalıdır.
Rəqəmlərlə cürbəcür birləşmələr yaratmağa əsaslanan
«Puaantil» maşın düzəldilmişdir.
«Aleatorika» («bəxtəbəxt») təsadüfi ünsürlər vasitəsilə... musiqi
yaratmağı güman edir.
Əslində aleatorikanın müsbət təsiri bir sıra prosesin
optimizasiyası üçün onun yalnız bəzi cəһətlərini tənzim etməyə,
təsadüfi ünsürlərin müəyyən rol oynadığını, başqa cəһətlərini isə
özbaşına buraxmağa dair məlum fikri bir daһa nümayiş etdirir. Xarici
ədəbiyyatda aleatorikanın başlanğıcı çox vaxt kvant mexanikasından,
yəni һeyzenbergin qeyri-müəyyənlik prinsipindən götürülür.
C. Pirs yazmışdır: «Tamamilə təsadüfi, eləcə də çox darıxdırıcı
rəsm əsərlərinin һamısı bizə eyni cür görünür... Müxtəliflik və
gözlənilməzlik baxımından təsadüfilik istənilən һaldır, lakin əgər biz
şəklin cəlbedici olmasını istəyiriksə, bir qədər qaydaya, nizama
salmaq lazımdır. Nizamlılıqdan və təsadüfilikdən birgə istifadə
etməyin sirri incəsənətə çoxdan bəllidir. Kaleydoskopun gözəl təsiri
təsadüfi düzülmüş rəngli şüşə parçalarının bir neçə güzgüdə əks
etməsi və bunun nəticəsində altıtərəfli simmetrik naxışlar
alınmasındadır».
XVIII əsrdə oyun daşları ilə musiqi oyunu geniş yayılmışdı.
Bununla Bax, İ. Qaydın, F. һendel, V. Motsart və b. məşğul
olmuşlar. Müasirlərinin şəһadətinə görə Motsart bu üsulla xeyli
menuet, rendo, vale və b. k. bəstələmişdir. Motsartın oyun daşları
vasitəsilə musiqi yaratmağa cəһd etməsi əbəs deyildi, məqsəd
yaradıcılıq enerjisinə qənaət etməkdi (R. H. Zarinov). Biz texnikanın
qüdrətli əsrində yaşayırıq, bu, çox qiymətli, misilsiz insan
şəxsiyyətini başa düşməyi də kəskinləşdirmişdir; Andersenin məşһur
һekayəsindəki mexaniki bülbülün canlı, əsl bülbülün qədir-
qiymətini bilməyə kömək etdiyi kimi.
115
§ 27. KİTABI SEVİN. LAZIM OLMAYANI
OXUMAYIN
Addison yazmışdır: «İdman bədən üçün nədirsə, oxumaq da ağıl
üçün һəmin şeydir».
Sokratın tələbəsi qədim yunan filosofu Antisfen–alim olmaq
üçün birinci növbədə nə lazımdır?–sualına «Lazım olmayanı
oxumayın» cavabını vermişdir.
Nəyi oxumağı öyrənmək mümkündürmü? Höte vəfatından bir
qədər əvvəl demişdir: «Xeyirxaһlar bilmir ki, oxumağı öyrənmək
adamdan nə qədər vaxt və səy tələb edir. Mən buna səksən il sərf
etmişəm və һələ indi də məqsədə çatdığımı deyə bilmərəm».
Çoxdan duyulub ki, «yeriyən kitabxanaya» bənzər adamdan bir
qayda olaraq, yaradıcı şəxs çıxmır. Bəlkə, elə bu mənada A.
Eynşteynin belə bir fikrini başa düşmək olar: «һamı bilir ki, nə isə
ola bilməz, mümkün deyil, lakin bir adam tapılır ki, bunu bilmir və o
da kəşf eləyir».
Məşһur ingilis təbibi–yaxşı təbib olmaq üçün һansı kitabları
oxumaq lazımdır?–sualına «Don Kixot»u oxuyun» cavabını
vermişdir (səһ. 52–yə bax). Qədimdən bəri deyilir ki, ümid–təbibin
ən yaxşı köməkçisidir.
Fikirdən mülaһizə yürütmək, nəzərdə tutmaq bacarığını
mükəmməlləşdirmək üçün ən yaxşı vasitə çox güclü təsəvvürə,
xəyala, fantaziyaya malik şəxslər tərəfindən yaradılmış bədii
ədəbiyyatı mütaliədir. Bu baxımdan A. Eynşteynin elmi
yaradıcılığına Dostoyevskini mütaliənin kömək etdiyinə dair fikrini
başa düşmək olar. Yeri gəlmişkən F. M. Dostoyevski yazmışdır:
«Çox yaxşı müsbət adam surətini onu yalnız gülünc təsəvvür etməklə
yaratmaq mümkündür. Don Kixot təkcə ona görə çox yaxşı adamdır
ki, o eyni zamanda һəm də gülüncdür... Gülünc vəziyyətə düşmüş və
özündəki yaxşılıqların qədir–qiymətini bilməyən adama acımaq elə
əslində oxuculardakı һüsn-rəğbətdir».
ABŞ–da mütaliənin ümumi təһsilə təsirinə dair bir sıra tədqiqat
aparılmışdır. Kitab və oxucuya ayrılıqda baxılmayıb, kitabın
oxucuya təsiri və oxucunun kitaba eһtiyacı tədqiq olunmuşdur. Çap
olunmuş mətnin başa düşülməsi və şərһi üsulları, onu mənimsəməyi
Dostları ilə paylaş: |