44
2.2.
Beynə lxalq tə crübə də dövlə t maliyyə nə zarə tinin təş kili xüsusiyyə tlə ri
Beynəlxalq təcrübə göstərir ki, dövlət maliyyə nəzarəti dövlətin maliyyə
siyasətinin uğurla həyata keçirilməsi, eləcə də ölkədə maliyyə stabilliyi üçün şərait
yaradılmasına xidmət etməlidir. Dövlət quruluşunun təşkili xüsusiyyətlərindən asılı
olaraq bütün ölkələrdə özünəməxsus maliyyə nəzarəti sistemi formalaşır.
Beynəlxalq təcrübədə artıq çoxdan dövlət maliyyə nəzarəti orqanları
demokratik cəmiyyətin ayrılmaz tərkib hissəsi və ictimai maliyyə vəsaitlərinin idarə
edilməsinin vacib elementi kimi təşəkkül tapmışdır. Bu baxımdan digər ölkələrdə
dövlət maliyyə nəzarəti sisteminin formalaşması və fəaliyyətinin öyrənilməsi ölkəmiz
üçün böyük maraq kəsb edə bilər.
Xarici ölkələrdə dövlət maliyyə nəzarəti qanunvericiliklə müəyyən edilən və
dövlət hakimiyyət orqanları və idarələri tərəfindən həyata keçirilən nəzarət forması
olmaqla dövlətin pul və material resurslarının idarə olunmasında səhv və yanlışların,
sui istifadə hallarının, maliyyə-büdcə qanunvericiliyinin pozulmasının, dövlətin iqtisadi
(o cümlədən maliyyə) təhlükəsizliyi üçün yaranacaq təhdidlərin aşkar edilməsi və
qarşısının alınmasına yönəldilir.
Xarici ölkələrin əksəriyyətində dövlət maliyyə nəzarəti sisteminin təşkili
müxtəlif modellərə əsaslansa da, onları birləşdirən ümumi cəhət bu sistemin qeyri-
mərkəzləşdirilməsi və auditin nəzarətin müstəqil bir həlqəsi kimi fərqləndirilərək,
inkişaf etdirilməsidir.
Bu günkü gündə inkişaf etmiş ölkələrin əksəriyyətində dövlət maliyyə nəzarəti
orqanlarının bir çoxu dövlət büdcə nəzarətinin aparılmasında auditin effektivliyini əsas
götürürlər. Inkişaf etmiş ölkələrdə ali nəzarət orqanlarının həyata keçirdiyi
yoxlamaların ümumi sayında auditin effektivlik əmsalı 50% təşkil etməkdədir.
Bir çox ölkələrdə dövlət maliyyə nəzarətinin əsas həlqəsi qanunverici orqana
tabe olan nəzarət orqanıdır. Bir qayda olaraq bütün ölkələrdə dövlət vəsaitlərinin
xərclənməsinə parlament nəzarətini həyata keçirən xüsusi qurumlar mövcuddur.
Məsələn, RF-sı, Belorusiya, Litva, Moldaviya, Albaniya, srail, ndoneziya, Almaniya
kimi ölkələrdə bu məqsədlə yaradılan hesablama palataları, Braziliya, Portuqaliya,
Uruqvay kimi ölkələrdə isə hesablama tribunalları fəaliyyət göstərir.
45
Bəzi ölkələrdə isə (Avstraliya, Kanada, Danimarka, Hindistan, Misir, Böyük
Britaniya, rlandiya) dövlət maliyyə nəzarətinin funksiyalarını ayrı-ayrı vəzifəli şəxslər,
konkret halda baş auditorlar həyata keçirirlər.
Hesablama-nəzarət orqanlarının dünya təcrübəsində yaradılmasının üç modeli
mövcuddur:
• Parlament modeli (onun əsas xüsusiyyəti ondan ibarətdir ki, hesablama
palatasının formalaşdırılmasında, onun tərkibinin və sədrinin müəyyən
edilməsində aparıcı rol parlamentə məxsus olur) ;
• Qeyri-parlament modeli (qeyri-parlament modelində isə, hesablama palatasının
formalaşdırılmasında əsas rol prezidentə və ya hökumətə məxsus
olur);
• Qarışıq model (qarışıq model yuxarıda qeyd olunananların sintezi şəklində
müəyyən olunur) .
Xarici ölkələrin qanunvericilində hesablama palatalarının vəzifələri aşağıdakı kimi
müəyyən olunur:
• Dövlət büdcəsinin icrasına nəzarət etmək (məsələn, taliya Hesablama Palatası
hökumət aktlarının qanuniliyinin ilkin nəzarətini və dövlət büdcəsinin icrasına
nəzarəti həyata keçirir);
• Dövlət gəlirləri və xərclərinə nəzarət (məsələn, Bolqarıstanda Hesablama
Palatası dövlət gəlirləri və xərcləri üzərində nəzarəti həyata keçirir, maliyyə
hesabatlarının aparılma metodikalarını müəyyən edir və onların icrasına
monitorinqi həyata keçirir);
• Dövlətin ayrı-ayrı orqanlarının maliyyə fəaliyyətlərinə nəzarət (məsələn,
Avstriyada Hesablama Palatası federasiyanın, torpaqların, icmaların və
qanunvericiliklə müəyyən olunan subyektlərin maliyyə fəaliyyətləri üzərində,
Polşada ali nəzarət orqanı isə dövlət qurumlarının və onlara tabe olan müəssisə
və təşkilatların maliyyə-təsərüfat fəaliyyətləri üzərində nəzarəti həyata
keçirirlər).
Dünya ölkələrinin nəzarət-hesablama orqanlarının xarakterik xüsusiyyətləri
aşağıdakılardan ibarətdir:
46
• Maliyyə nəzarəti orqanlarının qanunverici və icra hakimiyyəti qurumlarından
asılı olmaması;
• Bu qurumların fəaliyyətində dövlətin maliyyə resurslarının məqsədli və effektiv
istifadəsinə nəzarətin əsas götürülməsi;
• Eləcə də nəzarət orqanlarının fəaliyyət səmərəliliklərinin və ya effektivliklərinin
artırılması.
Nəzarət orqanlarının fəaliyyət effektivliyi kriteriyası aparılan nəzarət tədbirləri
vasitəsilə büdcəyə qaytarılan pul vəsaitlərinin həcmi və ya büdcənin
planlaşdırılmasında analitik fəaliyyət nəticəsində qənaət olunan vəsaitlətin həcmi ilə
müəyyən olunur.
Yaponiyanın timsalında bunu daha aydın göstərə bilərik. Yaponiyada dövlət
maliyyə nəzarətini həyata keçirən başlıca orqan Hesablama Palatası hesab olunur. Bu
orqan Yaponiya konstitutsiyasına əsasən hakimiyyətin hər üç (məhkəmə, icraedici,
qanunverici) qolundan asılı deyildir. Yaponiya Hesablama Palatasının fəaliyyət
effektivliyini 336 700 milyon yena həcmində qiymətləndirmək olar. Keçən ilin
məlumatlarına əsasən məhz bu həcmdə dövlət vəsaitləri palatanın apardığı nəzarət
tədbirləri nəticəsində dövlət büdcəsinə qaytarılmışdır.
ABŞ-da isə 2010-cu ilin məlumatlarına əsasən ali dövlət maliyyə nəzarəti
orqanlarının fəaliyyət effetivliyini 49,9 milyard dollar səviyyəsində qiymətləndirmək
mümkündür.
Ə
ksər ölkələrdə parlament nəzarəti institutlarından başqa hökumət nəzarəti və ya
icra hakimiyyəti orqanlarının xətti ilə keçirilən nəzarət, eləcə də dövlət başçısına tabe
olan (prezident nəzarəti) maliyyə nəzarəti orqanları fəaliyyət göstərir. Məsələn ABŞ-
da prezident yanında Administrativ-Büdcə darəsi, federal nazirlik və idarələrdə
nəzarət xidmətləri, Böyük Britaniyada hökumət maliyyə nəzarətinin mərkəzi orqanı
olan nazirlər kabineti yanında ctimai Hesablar Komitəsi, Almaniyada Federal
Maliyyə Orqanı və s. mövcuddur.
Yuxarıda qeyd olunanları ümumiləşdirərək belə bir nəticəyə gəlmək olar ki,
xarici ölkələrdə dövlət maliyyə nəzarəti orqanları bir qayda olaraq, dövlət maliyyəsinin
idarə olunmasında vacib və aktiv rol oynayırlar. Mövcud olan dövlət maliyyə nəzarəti
orqanlarının əksəriyyəti müstəqildir və onların fəaliyyəti kifayət qədər məhsuldar və
Dostları ilə paylaş: |