123
olardı. Onun da ayrı dəftəri olardı. Kimlər nəmər verirdisə, onun
qeydiyyatın aparırdı.
Padşah oynamaq üçün birinci qadınnara yer verərdi. Kimsə
gəlif deyirdi ki, mən qadınnarnan oynamaq istiyirəm. Padşah onu
nəzərə alırdı və onun sifarişini qabağa salırdı. İndi mahnı çalınır,
tamada deyir kim istiyir oynasın, amma əvvəllər heylə döyüldü.
Sifarişi kim veribsə, o oynaya bilərdi. Oraya ayrı adamın girməyə
ixtiyarı yoxuydu. Əgər sifarişi mən vermişəmsə, mən kimisə dəvət
eliyirəmsə, o gələ bilər. Əgər mənnən icazəsiz mənim çaldığım
mahnıya kimsə qoşulub oynamaq istiyirdisə, o mənim xətrimə də-
yərdi. O adam oyunu saxladardı, padşaha narazılığın bildirərdi ki,
mən oynuyuramsa, filankəs kimdi? Padşah mahnını saxladardı, fər-
raşa tapşırardı ki, həmin adamı cəzalandırsın.
Məclisdə şuxlux yaratmaq üçün padşah deyə bilərdi ki, get
filankəsi çağır gəlsin. Filankəs də sayılan, pullu adamdı. Padşah
deyirdi, o ferma müdiridi, kalxozun qoyunun yeyif. Onu çək belə
görüm. Çəkirdilər bir qırağa. Fərraş da bunu çubuxluya-çubuxluya
padşahın hüzuruna aparırdı. Qalxmaq istəmiyəndə sotulun üsdünə
bir-ikisin vurardı, bunu qaldırardı ayağa. Padşahın hüzuruna aparan-
da arxadan yalannan bir-ikisin də vurardı ki, guya döyə-döyə aparır.
Birinci sifariş üçün pul alınmırdı. Bir dəfə oynamaq sənin
haqqındı. İkincini oynuyanda padşah deyir, ə fərraş, oyunu saxla.
Saxladır. – “Nədir?” – “Bəs sən cinayət eləmisən, artıq oynuyursan,
gətir cərməni ver”. Cərməni ödəyənnən soora oynuyurdu. Bu da
məclisdə qayda-qanun yaratmaqdan ötəridi. Oynamaq istiyən çoxdu,
ona görə də onu nizama salmaq üçün bir dəfədən artıq oynuyana
cərmə tətbiq eliyirdilər.
Səhər ondan-on birdən başdıyan toy axşam saat on ikiyə qədər
davam eliyirdi. Toya gələn adam aj qayıda bilməzdi. Lap axşam
onda, on birdə gəlsin, onun üçün yemək saxlanılırdı. Keçib yemək
mağarında yeməyini yeyib soora aşıq mağarına gələrdi.
Fərraşı padşah da seçə bilərdi, öy yiyəsi də. Padşah baxırdı ki,
kənddə kim fərraşlığı bacara bilər. Yaxud toy yiyəsi seçirdi ki,
mənim toyumda sən fərraşlıq elə. Əsasən padşah seçirdi. Toyun
124
dağılmasına, toyda səs-küyün, söz-söhbətin olmasına görə padşah
məsuliyyət daşıyırdı. Fərraşın əlindəki çubuq nar ağacınnan, gər-
məşov ağacınnan hazırranırdı.
Toy başdamamışdan qabaq taxtadan şax düzəldirdilər. Yastı
taxtanın ortasınnan düz bir ağacı vurardılar, dörd-beş də yana qol-
ları olardı. Onun qanatdarınnan da alma, armud, şirniyyat asılırdı.
Şaxı öy yiyəsi bəziyərdi. Şax da padşahın stolunun üstündə olardı.
Toyda şax dağıdan kənddə adnan deyilirdi ki, filankəs toyda şax
dağıtdı. Şax dağıdan ya kəndin sayılıb-seçilən adamı olurdu, ya da
imkannı adam olurdu. Toyda şuxlux yaratmaq, ev yiyəsinə xoş
gəlmək üçün şaxın pulun verib onu camaata dağıdırdı. Ödənilən
cərmə də toy yiyəsinə çatırdı. Toyda bir az şuxlux yaratmaq üçün
görürdün həmin adam şaxı götürmək istiyəndə padşah da bir
tərəfinnən tuturdu, bu da bir tərəfinnən. Bir az mübahisə eliyirdilər,
guya padşah şaxı vermək istəmir. Axırda padşah əlin çəkirdi, o da
şaxı götürüb əlində şax bir az oynuyurdu. Oynuyannan soora ya
onu dağıdırdı, ya da oynuya-oynuya camaata uzadardı, hərə ordan
bir şey götürərdi. Sporraşanda padşah deyirdi, bunun cərməsi çox
ağırdı. Tutaq ki, əlli manatdı, qoy bura, götür. Oynuyub qutarannan
sonra padşah çağırırdı ki, fərraş, filankəsi çağır bura. Padşahın
qabağınnan şax dağıdıb o. Fərraş da onu şallaxlıya-şallaxlıya gəti-
rirdi. Deyirdilər, sən padşahın qabağınnan şax götürmüsən, cərməsi
bu qədərdi. Cərməsin ödüyürdü, bir havaya da oynuyurdu gedirdi.
Bəy tərifinə qədər bəy görükməzdi. Sağdişi, soldişi ilə
qonşuda oturardı. Bəy tərifi üçün də əvvəlcədən məşəl hazırlanardı.
Keçəni əvvəlcədən qoyurdular neftin içərisinə. Neft hopurdu onun
canına. Soora onu uzun bir ağacın başına doluyub simnən bağlıyar-
dılar. O vaxdı da küçədə işıq olmazdı. Bəy tərifi başdıyanda məşəl
yandırardılar, aşıqlar da vağzalı havasıynan çıxardı çölə. Məşəli
bəyin ən yaxın adamı aparardı. Bəyin dostları da bəyin gizləndiyi
yerdə olardılar. Məşəlin işığında aşıqlar çala-çala gedərdi. Bəy evdən
çıxanda tapanca-güllə ata-ata gətirərdilər mağara. Aşıqlar qabaxda,
arxada bəyin özü, yanında sağdişi, soldişi, onnan da arxada qohum-
əqraba gəlirdilər mağara. Mağara girənnən soora bəy tərifi başlı-
125
yardı. Bəyin tərifi də gecə olardı: on iki, birə işdəmiş. O vaxta yad
adam qalmazdı, ancaq qohum-əqraba olardı. Bəy tərifi olanda bəy
stolda oturardı, yanında sağdişi, soldişi. Xanəndə bir-bir ata-ananı,
qohum-ərabanı çağırırdı, onnar bəyin xələtin verərdilər. Axırda da
bir marşnan qutarardı. Bəy gedərdi bəy otağına. Bəy otağında da
hazırlanmış bir stol olardı. Bəyin sağdişi, soldişi olardı. Orda yeyər-
dilər, içərdilər. Yengə bəyin sağdişinə, soldişinə xələt verərdi. Həmin
stolu təşkil eliyən də yengə olurdu. Bəy stolunun nə qədər xərci
varsa, yengə çəkirdi. Üçgünnükdən sonra yengə gedəndə ev yiyəsi
ona yüz manat, yüz əlli manat verib yola salardı.
Toylar əvvəllər üç günnük, yeddi günnük olardı. Mən özüm
iki günnük toylar görmüşəm. Birinci gün kəndin öz adamları dəvət
olunurdu, ikinci gün başqa kəntdən olanlar, qıraqdan olanlar,
qohum-əqraba dəvət olunurdu.
Bizdə toyda düyü yeməyi verilməz. Düyü yasda verilər. Əsa-
sən bozbaş, dolma verilərdi. Son dövrlər kabab dəbə düşüb, amma
yetmişinci ildən əvvəl kabab verilmirdi. Meyvə, su, salat olardı.
İmkannı adamlar mal ətinin soyutmasını da verərdi. İki günlük toy
axırıncı dəfə bizim kənddə 70-ci illərdə keçirilib.
Toydan bir gün qabax toyda bişirilmək üçün heyvan kəsilərdi.
O vaxdı hazır mağarlar yoxuydu. Dəmirləri gətirib qurraşdırırdın.
İçinin əşyaları – çadırı, stolu-stulu qapılardan (qonşulardan – top.)
yığılardı. Toy qutarannan soora da daşıyıb qaytarardılar. Mağarın
qurulmasında, heyvanın kəsilməsində, ətin doğranmasında iştirak
edən adamlara kəsilən heyvanın ətinnən və ya ciyərinnən yemək
bişirilirdi. Stol açılırdı mağarın içində, sabah stolun üstünə qoyula-
caq nemətlərnən stol bəzədilirdi. Ciyər bişirilirdi, amma “ciyər
axşamı” ifadəsi bizdə yoxdu. “Toy axşamı” deyərdilər. Cavannar
gecə səhərə qədər damino oynayardı, nərd oynayardı. O da bilirsən
nəyə görə? Ət mağarda saxlanırdı, onu itdən-pişikdən qorumaq məq-
sədilə cavannar halay qurub oyun oynuyurdular ki, ətə it-pişik
dəyməsin.
Əvvəllər gəlini atnan gətirərdilər. 60-70-ci illər arası yaylaxda
olanda atnan gətirilən gəlini görmüşəm. Gəlin atının belinə qırmızı
Dostları ilə paylaş: |