Seyfəddin Qəniyev, Səadət Veysova
246
üçün bütün imkanlarından istifadə edir. Qohumları, yaxınları ilə
məsləhətləşir, bütün ümidsizliklərə baxmayaraq bircə an da
inamını itirmir.
Şamilin həbs olunmasının bir neçə səbəbi ola bilərdi.
Çünki o, 1930-cu ildə Marksizm-Leninizm Qırmızı Profes-
sura İnstitutuna qəbul olduqdan sonra 1931-1932-ci illərdə o
institutun yataqxanasında Azərbaycan KP MK katibi A.Q.
Qarayevlə bir otaqda yaşayır. Xəlil bəy xatirələrində qeyd edir
ki, “qardaşımın Qarayevlə tanışlığı biz 3 qardaşa çox baha başa
gəldi. Biz məhz Qarayevlə tanış olmaqda ittiham edilirdik.
Mənim qardaşım Kamil isə çox güman ki, həbsdə işgəncələrə
dözməyərək, istintaq zamanı ifadə vermişdi ki, Qarayev
tərəfindən Moskvada əksinqilabi millətçi təşkilatla casusluğa
cəlb edilib. 30-cu illər 37-ci illərdən ciddi fərqlənirdi və hələ ki,
insanlara sonralar şahidi olduğumuz hadisələrdəki kimi
amansız divan tutmur, kütləvi qırğınlar aparmırdılar. Qardaşım
1932-ci ildə Moskvadan Qorki şəhərinə yola düşür və
Marksizm-Leninizm İnstitutunun (MLİ) filialına qəbul olur.
Tələbəlik illərində Şamil institut partiya təşkilatının katibi olur.
1935-ci ilin 31 dekabrında institutun direktoru onu yeni ili
birlikdə qeyd etmək üçün evlərinə dəvət edir. Aradan 10 gün
keçməmiş “Pravda” qəzetində belə bir məqalə dərc edilir ki,
Qorki şəhərindəki MLİ – nın filialında başda institutun direk-
toru olmaqla əksinqilabi trotskist təşkilatının üstü açılmışdır.
Bu təşkilatın üzvləri sırasında başqa adamlarla yanaşı qardaşım
Şamilin də adı var idi. Məhbubə xanım ərinin arxasınca
Qorkiyə kimi gedib çıxır və onun işinə yenidən baxılması
üçün çalışır. Saysiz-hesabsız müraciətlər edir. Yalnız aldığı
rədd cavabları onu geri qayıtmağa məcbur edir. 1937-ci ilə kimi
Şamildən ara-sıra xəbərlər çatırdı, gah eşdirdik ki, guya onu
istintaqa Bakıya göndəriblər, gah aylarla əlləşsək də bircə
kəlmə belə öyrənmək mümkün olmurdu. Bəzən də xəbər gəlirdi
ki, o da digər kommunistlərlə birlikdə güllələnib”.
Uzun illər ərindən xəbər bilməyən Məhbubə xanım elmə,
Məşhur xeyriyyəçi Mahmud Ağa və naməlum muğam universiteti
247
tədqiqatlara, işində irəli getməyə çalışan bir həkim qinekoloq
kimi mehrini peşəsinə salır. Həyatın çətinliklərinə mətinliklə
sinə gərən bu qadın qalan ömrünü sənətinə və övladına həsr
edir. Peşəsində professor elmi rütbəsinədək yüksəlir. Tibb İns-
titutunda akuşer-qinikologiya kafedrasının müdiri, müəl-
limlər və tələbələr cəmiyyətinin sədri, respublika mama-gine-
koloqları elmi cəmiyyətinin sədri, çoxlu sayda məqalələrin
müəllifi idi. Əməkdar həkim fəxri adına layiq görülmüşdü.
Qızını cəmiyyət üçün ləyaqətli və dəyərli insan kimi böyüdür.
Onu həyatın istənilən çətinlikləri qarşısında ruhdan düşməməyi,
biliklərin kəşf olunmayan zirvələrinə doğru inamla getməyi və
bir də nə baş verməsindən asılı olmayaraq ataları, əmiləri və ba-
baları ilə fəxr etməyi öyrədir. Məhbubə xanım Bakıda dün-
yasını dəyişəndə 73 yaşı var idi.
Şamil Mahmudbəyovun qızı Elmira xanım 1924-cü ildə
Bakıda anadan olmuşdur. O dünyanı dərk edəndə atasını nü-
fuzlu, ölkə üçün dəyərli bir şəxs kimi gördü. Anası ilə qürrə-
lənər, atası ilə fəxr edərdi. Məktəbdə uşaqlar arasında biliyi,
ağlı ilə seçilərdi. Lakin 37-ci illərin ölüm kabusu yaxınlaşdıqca
hamını bürüyüb vahiməyə salan bolşevik xofu 12-13 yaşlı
Elmiradan da yan ötmədi. Ölkədə illər boyu ad çıxaran, əməyi,
biliyi ilə vətənə xeyir verən, millətini, xalqını sevən ziyalılar
xalq düşməni elan edilərək həbs edilir, işgəncələrə məruz qalır,
güllələnir, ən yaxşı halda isə sürgün edilirdilər.
Seyfəddin Qəniyev, Səadət Veysova
248
Atasının, əmilərinin və onlarla başqa qohumlarının
bolşevik qəzəbinə tuş gəlməsi balaca qızın da taleyində izsiz
ötüşmədi. Ona Sovet İttifaqının
qardaşlığa, bərabərliyə çağıran
siyasətinin fonunda məhz bu
ideyaların daşıyıcılarının xalq
düşməni elan edilməsini anla-
maq çətin idi. Bəlkə də ona güc
verən, ailə faciələrindən aydın
məqsədlərə doğru qaldıran ana-
sının nikbinliyi idi.
Elmira xanım Tibb İnsti-
tutunu bitirir, elmlər namizədi
alimlik dərəcəsi alır. İxtisasca
kardioloqdur, Tibb inistinunun
dosentidir. Elmira iqtisad elm-
ləri namizədi, müxtəlif məsul
vəzifələrdə çalışmış Əziz Əziz-
ovla ailə həyatı qurmuşdur. İki
oğlu olub. Bu gün də Elmira
xanımın iki nəvəsi onun anası
Məhbubə xanımın və atası Şamilin adlarını vüqarla, ləya-
qətli bir nəslin davamçıları kimi daşıyırlar.
Həbib bəyin qızı Sona xanım Mahmudbəyova
Sona xanım 1900-cü ildə Bakıda anadan olmuşdur. 1918-ci
ildə Marin qadın gimnaziyasını bitirmişdir. Satıcı işləmişdir.
1964-cü ildə vəfat etmişdir.
Elmira xanım Şamil qızı
Məşhur xeyriyyəçi Mahmud Ağa və naməlum muğam universiteti
249
Həbib bəyin oğlu Kamil Mahmudbəyov
Kamil 1902-ci ildə Bakıda doğulmuşdur. Bakı realnı
məktəbdə təhsil almış, 1930-cu ildə Moskva Plan İnstitutuna
daxil olmuşdur. Şərq musiqisinin bütün alətlərində, o cümlədən
kamançada çala bilirdi. 1937-ci ilin noyabr ayında onu həbs
edirlər. Sonrakı taleyindən xəbər-ətər yoxdur.
Həbib bəyin oğlu Xəlil Mahmudbəyov
Xəlil bəy 1904-cü
ildə Bakıda anadan ol-
muşdur. 1923-cü ildə Bakı
realnı məktəbi bitirmiş,
1925-ci ildə Politexnik İns-
titutuna daxil olmuş, 1930-
cu ildə kənd təsərrüfatı mü-
təxəssisi fakültəsini bitir-
mişdir. 1929-ci ildə Kirov-
abad şəhərində traktorçular
kursuna başçılıq etmiş və
Dəlməmməd MTS-in yara-
dıcısı olmuşdur. 1930-cu il-
də Moskvada Timirzayev
adına Kənd Təsərrüfatı
Akademiyasının aspirantu-
rasına daxil olur. 1937-ci il-
də onu dövlətə qarşı çıxdı-
ğına görə həbs edirlər və
Komi ASSR-ə göndərir, da-
ha sonra Qazaxıstana sürgün edirlər.
Xəlil bəy Mahmudbəyov
Dostları ilə paylaş: |