67
əvvəlcədən temperaturu qaynama temperaturuna yaxın maye ilə doldurulmuş olur.
Sonra boyük sürətli yüklü zərrəcik kameranın divarında yerləşdirilmiş nazik
pəncərədən onun işçi həcminə daxil olur və öz hərəkət izi boyunca maye atomlarını
ionlaşdırır. Zərrəciyin kameranın işçi həcminə daxil olması anında kamera daxilində
təzyiqi kəskin azaltmaqla, mayenin ifrat qızmış hala keçməsinə
nail olunur. Bununla da
Şəkil 4.1. Vilson kamerasının xarici görünüşü
zərrəciyin izi boyunca yaranan ionlar əlavə kinetik enerji əldə etmiş olurlar və
bunun da hesabına hər bir ionun ətrafında mikroskopik həcmdə mayenin temperaturu
artır. Bu isə həmin yerdə mayenin qaynamasına və buxar qabarcıqlarının yaranmasına
səbəb olur. Beləliklə də, zərrəciyin izi boyunca yaranan buxar qabarcıqları zənciri onun
hərəkət izini əmələ gətirir.
4.3.4. Fotoemulsiya üsulu. Radioaktivlik hadisəsi ilə tanış olarkən qeyd
etmişdik ki, fotoqrafik üsul ionlaşdırıcı şüalanmanı qeydə almaq üçün istifadə olunan
ilk təcrübi üsul olmuşdur. Belə ki, Bekkerel məhz bu üsulla radioaktivlik şüaları qeydə
ala bilmişdur.
Radiasiyanın emulsiya təbəqəsi çəkilmiş foto lövhədə gizli xəyal əmələ
gətirmək qabiliyyətindən bu gün də ionlaşdırıcı şüalanmanı qeydə almaq üçün geniş
istifadə edilir. Böyük sürətli yüklü zərəciklər nazik laylı fotoemulsiyada hərəkət edərək
öz yollarında gizli xəyal mərkəzləri əmələ gətirir ki, bunun da aydınlaşdırılması
zərrəciyin hərəkət trayektoriyasının xəyalını (şəklini) verir.
Foto lövhəli dozimetrlərdə fotoemulsiya üsulundan əsasən ionlaşdırıcı
şüalanma dozasını ölçmək üçün istifadə edilir. Bu dozimetrlərdə insanın qəbul etdiyi
şüalanma dozasını müəyyən etmək üçün kassetdə yerləşdirilmiş xüsusi fotoqrafiya
lövhəsindən istifadə edilir. İş gününün sonunda (və yaxud da müəyyən bir müddətdən
sonra) foto lövhə standart şəraitlərdə aydınlaşdırılır və onun qaralma dərəcəsinə
əsasən qəbul olunmuş doza şüalanması müəyyən edilir.
4.3.5. Kimyəvi üsullar. Kimyəvi üsullar radiasiyanın təsiri ilə bir sıra
maddələrdə dönməz kimyəvi çevrilmələrin baş verməsinə əsaslanır. Bu cür
çevrilmələr isə şüalanmış maddələrin optik sıxlığını, onun rəngini, kimyəvi reaksiya
çıxımını dəyişdirə bilir ki, bunların da əsasında radioaktiv şüalanma qeydə alına bilir.
68
4.4. Detektorlar. İonlaşdırıcı şüalanmanı qeydə alan sayğaclar
4.4.1. Qaz ionlaşdırıcı detektorlar. Yüklü zərrəcikləri və γ ‐ kvantları qeydə
almaq üçün istifadə olunan əsas detektorlar qaz ionlaşdırıcı detektorlar tipinə aid
edilir. Bu detektorlara misal olaraq, ionlaşdırıcı kameraları, qazboşalması sayğaclarını
göstərmək olar.
Qaz ionlaşdırıcı detektorların əsas elementi içərisi qazla doldurulmuş müxtəlif
formalı kondensatorlardır. Detektorların xassələri, elektrodların formasından,
doldurulmuş
qazın təzyiqindən,
elektrodlar
arasındakı
elektrik
sahəsinin
paylanmasından və sahənin qiymətindən asılı olaraq, müxtəlif olur.
a) İonlaşdırıcı kamera. İonlaşdırıcı kamera adətən elektrodlar arasına hava
və ya hansısa qaz doldurulmuş silindrik formalı kondensatordan ibarət olur. Sxematik
olaraq, ionlaşdırıcı kameranı şəkil 4.2 ‐ dəki kimi təsvir etmək olar.
Şəkil 4. 2. İonlaşdırıcı kameranın
4
sxemi (1,2 – kondensatorun
1
köynəkləri, 3 – cərəyan γ +
‐
mənbəyi, 4 ‐ elektrik ölçü
2
+ 3
cihazının şərti işarəsidir). +
‐
Ölçmə zamanı sabit cərəyan mənbəyinin köməyi ilə kameranın
elektrodları arasında elektrik sahəsi yaradılır. Adi şəraitlərdə havada sərbəst yüklü
zərrəciklərin sayı çox az olduğundan, dövrəyə qoşulmuş ölçü cihazı bu cür dövrədə
elektrik cərəyanı olmadığını göstərir. Kameranın işçi həcmindən radioaktiv
şüalanmaya uyğun zərrəciklərin keçməsi isə qaz molekullarının ionlaşmasına səbəb
olur. Bu zaman yaranmış müsbət və mənfi yüklü ionlar elektrik sahəsinin təsiri ilə
hərəkətə başlayır və kamerada ionlaşma cərəyanı adlanan cərəyan yaranır. Yaranmış
cərəyan, adətən, mikroamperin min, bəzən də milyonda bir hissəsini təşkil etdiyindən
bu cür zəif cərəyanların olçülməsi üçün xüsusi elektron çoxaldıcılarından istifadə edilir.
İonlaşdırıcı kameranın köməyi ilə hər üç radioaktiv şüalanma növünü qeydə
almaq mümkündür. Əgər radioaktiv preparat kiçik nüfuzetmə qabiliyyətinə malik α ‐
və ya β ‐ şüalanma yaradırsa, bu halda o, kameranın daxili işçi həcmində yerləşdirilir.
Yüksək nüfuzetmə qabiliyyətli
‐ şüalanmanın qeydə alınması üçün isə radioaktiv
maddənin kamera daxilində yerləşdirilməsi vacib deyil. Belə ki, bu şüalanma növü
kameranın divarlarını sərbəst keçərək daxildə yüklü zərrəciklər yarada bilir.
Kameranın işçi həcmindən keçən böyük sürətli yüklü zərrəcik öz yolunda bir
neçə on minlərlə ion cütü yarada bilir. Qeyd edək ki, kamerada yaranan ionlaşma
cərəyanına uyğun kiçik impulsları qeydə almaq çətin olduğundan, ionlaşdırıcı
kameralardan, əsasən, çoxlu sayda ionlaşmış zərrəciklərin yaratdığı orta ionlaşma
cərəyanını ölçmək üçün istifadə edilir.
Dostları ilə paylaş: |