Microsoft Word Rasional c?miyy?t? dogru doc
Yüklə 2,83 Kb. Pdf görüntüsü
|
142 azaddır. O kişinin qulu deyildir. Əgər sənin inandığın din bu fikirləri tələb edirsə, xalqa bu din lazım deyildir. Xalqın öz milli adət və ənənəsi vardır, öz paltarı vardır. Bura İran və ya Ərəbistan deyil. Əgər siz dindarlar qadına baxa bilmirsinizsə, özünüzü saxlaya bilmirsinizsə, nə üçün qadından hər yerini örtməyi tələb edirsiniz. Mədəniyyətiniz və əxlaqınız çatmırsa və özünüzü apara bilmirsinizsə, yaxşısı odur ki, özünüz öz üzünüzü, gözünüzü bağlayın, eynək geyin, çadra örtün, özünüzü axtalayın, qadına baxmayın. Necə olur, digər insanlar sakit baxır və qadın gözəlliyindən ləzzət alır, əhvalı yaxşılaşır, lakin özünü mədəni və əxlaqlı aparır. Səbəb sizin kimi düşünənlərin şüurunun dini təbliğat nəicəsində şikəst olmasıdır. Siz özünüzü dəyişin. Qadın kişilər üçün xoşbəxtlikdir, onlar gözəl olmalıdır və həyatı gözəlləşdirməlidir, nə qədər onların gözəlliyi daha çox görünürsə, bu kişi və gəncləri də mədəni və əxlaqi edir. Onlar daha rahat, sakit, mədəni olur. Bu təbiidir. Onlar çox düz davranırlar, bu onların funksiyasıdır. Plyajda insanlar çılpaq olur, Afrikada bir çox qəbilələr çılpaq yaşayır, lakin onların mədəniyyəti zorakılıq etməyə imkan vermir. Necə olur, siz radikal dindarlarda mədəniyyət, əxlaqi biliklər çatmır, sizdə Afrikanın paltarsız yaşayan qəbilələri qədər mədəniyyət çatmır ki, özünüzü normal, şüuru sağlam insan kimi aparasınız. Budur, dinin Azərbaycanda güclü təbliği, gələcəkdə belə şikəst gənclər yetişməsi və dinə qapanması, elmi bilikləri, həqiqəti inkar etməsinə, qadınları qula çevirməsinə, bütün digər insanları kafir və şeytan saymasına, bunun da nəticəsində xalq arasında dini zəmində qətl hadisələrinə, düşmən münasibətlərə gətirəcəkdir. Artıq gələcəyin toxumlarını dini icmalar, ruhanilər əkiblər, o cücərməkdədir, meyvələr yetişəndə onda gec olacaqdır. İnsanların cibi və şüuru, ağlı uğrunda ov gedir. Bunu dövlət anlamalıdır və siyasətində dəyişilik etməlidir. Azərbaycanda dövlət və cəmiyyət islamlaşmaq əvəzinə, rəsmən elmi rasionalist dünyabaxışları, humanizmi təlim etməli və onun məsləhət və göstərişlərilə yaşamalıdır. Yəni xalq elm və idrakla əsaslandırlmış ağıllı, praqmatik baxışları qəbul etməlidir- yalnız bu baxışlar inkişaf və düzgün həyat yoludur. Türkləşmək də zərərli istiqamətdir, bu istiqamət başqa dildə danışan icmalardan üz döndərmək deməkdir. Gələcək, milli-etnik avtonomiyalar olmaqla ümumdünya vətəndaşının və əxlaqının yaranması ilə olacaqdır. Türkləşmək başqa etnik qrupları da türkləşdirmək, dilini, mədəniyyətini əlindən almaq deməkdir və 143 lazım deyil. Oxşar dilli xalqların və ərazidə yaşayan digər xalqların azad və bərabər faydalı birliyinin yaradılması məsləhətdir. Başqa xalqlara münasibət humanist və qarşılıqlı bərabər faydalı iqtisadi, mədəni , elmi, texniki əlaqələr olmalıdır. Müasirlik isə müxtəlif mənalıdır və qəbul edilə bilməz. Daha dərin mənada həyatın dəyişilikləri daim müsbət istiqamətdə getməyərək, mənfi istiqamətlə o daim tarazlaşır, gah bir tərəfə, gah digər tərəfə rəqqas qanunu ilə gedir. Onun hər iki tərəfi insana faydalı və arzu edilən deyil, yalnız bir tərəfi və ona uyğun əks tərəfinin (hansı ki insanın xoşu gəlməsə də obyektiv dünya qanunu ilə qaçılmazdır) müəyyən hədlərində bu inkişaf arzu ediləndir, bu isə yalnız qızıl ortadır. Demək, müasirlik deyil (çünki mənfi istiqamət də müasirlik hesab olunur, hansı ki insanlar və cəmiyyət anlamadan və ya aldadılaraq həmin mənfi istiqamətə düçar ola bilər), məhz qızıl ortanın sağ, sol hədlərini seçmək və onunla inkişaf etmək lazımdır. Başqa sözlə, proporsiyaları optimal seçmək lazımdır. Müasirlik şüarı əvəzində dünya inkişafının yaxşılaşmaq istiqamətinə uyğun və harmonik, geri qalmayan inkişaf səviyyəsini əldə etmək, həyatı və fəaliyyəti ağılla və gələcək strategiyaları ilə qurmaq lazımdır. Başqa sözlə, rasionallıq və aşağıdakı digər şüarlar müasirlik ifadəsinə alternativ qəbul olunmalıdır. XALQIN ŞÜARI: kamilləşmək, maariflənmək, obyektiv elmi baxişlara malik olmaq, elmdə, texnikada, bilikdə, həyat şəraitində dünyada birinci olmaq, rasionalliq, rasionalizasiya, humanizm, rasional əxlaqi həyat tərzi, qızıl orta, bərabərlik, bəşəriyyətə nümunə olmalidir. Bu şüara uyğun olaraq türkləşmə və islamlaşma və müasirlik şüarları ləğv edilməli, dövlət bayrağından Aypara çıxarılmalıdır. Bayrağın rəngi və forması dəyişilməlidir. Yeni gerb yaradılmalıdır. Azərbaycan cəmiyyəti elmi dünyagörüşlü, ağıllı, qabiliyyətli, müdrik cəmiyyət obrazı əldə etməlidir. Belə cəmiyyət bütpərəst cəmiyyəti deyil ki, Aya (Aypara bütpərəstlik dövründən qalmış və ərəblər tərəfindən bizə sırınmış İl-illah adlı Ay tanrısı olmuşdur) sitayiş etsin və onu bayrağına da vursun. Orta və ali dövlət məktəblərində yalnız elmi təlim qəbul edilməli, dərsliklər dini fikir və ideyalardan təmizlənməlidir. Din tədqiqatçı deyil ki, sübut olunan düzgün mülahizələr sintez etsin və insanlara ağıl versin, onun bütün danışıqları cəmiyyətdən götürülmüş, elmdən alınmış plaqiatdır və dinin əsil məqsədi hakimiyyət və şəxsi biznesdir. Əxlaq və davranış təbliğatı isə cəmiyyətə özünü yaxşı göstərmək, öz əsil məqsədini 144 örtbasdır etmək üçündür. Soruşmaq lazımdır ki, insanlara əxlaqdan danışan belə dini mücəvirlər özləri niyə elə davranmırlar? Şagird və tələbələrin islam paltarında bu məktəblərə dərsə getməsinə qadağan qoyulmalıdır. Din və onun tədrisi tamamilə dövlətin idarəsindən, xidmətlərindən və nizamlamasından ayrılmalı, məçidlər öz seçilən nümayəndələri vasitəsilə dini idarə məclisi yaratmalı və ona özləri, dövlət məmuru qarışmadan, müəyyən kriteriyalara, bilik və əxlaqi keyfiyyətlərinə görə iki ildən bir dəyişilən baş ruhani seçməlidirlər. Dində demokratiya tam icra olunmalı və islam dini reforma edilməli; ziddiyyətli və xalqa, bəşəriyyətə zərərli fikir və göstərişlərdən təmizlənməlidir. Qəti olaraq 18 yaşına çatmayan uşaqlara dini təhsil verilməsi, məçidə aparılması, habelə belə təhsil məktəbləri , şəxsi təlim verən ruhanilərin gizli və açıq məktəbləri qadağan edilməlidir. Dini təhsili yalnız 18 yaşından sonra hər insan sərbəst öz arzusu ilə ala bilər. Uşaqlıqdan insanın şüurunun dini uydurmalarla və yaxud fərziyyələrlə və xürufatla şikəst edilməsinə yol verilə bilməz. Mərasimlər. Azərbycan cəmiyyəti Rasional cəmiyyət səviyyəsinə qədər yüksələrək özü üçün kollektiv ağılı və elmin son biliklərini tətbiq edərək bütün zəruri mərasimləri, adətləri yaratmalı, ağıla və həqiqətə, ehtiyaca uyğun olmayan mərasimləri, adətləri ləğv etməlidir. Dini mərasimlərdən imtina edilməsi məsləhətdir, hansı ki yeni ağıl cəmiyyəti üçün mənasızdır. Cəmiyyət aşağıdakı mərasimləri yaradacaq və təkmilləşdirəcəkdir: Toy- evlənmə, anadan olma, doğum günü, diplom alma, ilk əmək haqqının alınması, yeniyetməlik, cavanlıq, orta yaşlılıq, ağsaqallıq, müdriklik dövrlərinə qədəm qoyma, ölümdən əvvəl davranış və dəfn və s. Bu barədə nümunəvi rasional mərasimlər və adətlər yaradılır. Azərbaycanda ictimai olaraq və fərdi evlərdə keçirilən rasional mərasimlər layihələndirilməsi və keçirilməsi məsləhətdir. Xalqın özünün yaratdığı bu gün və gələcək üçün ağıla uyğun adətlər, mərasimlər saxlanılır. Lakin başqa xalqların və müxtəlif hakimiyyətlərin, şahların və əmirlərin, ruhanilərin məcburi yaratdığı adətlər və mərasimlər analiz edilir, inkişafa, bərabər insani münasibətlərə, humanizmə , şad, yaxşı əhvali ruhiyyəyə mane olursa, insanı kasıblaşdırır, onları xüsusi şəxslərə qul edirsə, istismara, əzaba yol açırsa, ləğv edilir. Bundan başqa müasir dünyada Yüklə 2,83 Kb. Dostları ilə paylaş:
|