_____________Milli Kitabxana_____________
127
ümumi prinsipinin aşkar edilməsi biliklərin köçürülməsinin daxili psixoloji şərtini
təşkil edir. Hər hansı başqa bir fəaliyyət kimi analiz-sintez və ümumiləşdirmə də,
ümumiyyətlə təfəkkür fəaliyyəti də həmişə şəxsiyyətin müəyyən təlabatlarından
irəli gəlir. Təlabat yoxdursa, onun törədə biləcəyi fəaliyyət də yoxdur. Təfəkkürü
və ya hər hansı başqa bir psixoloji prosesi öyrənərkən, psixologiya elmi məhz
hansı təlabat və motivlərin insanı idrak fəaliyyətinə sövq etdiyini, hansı konkret
şəraitdə onda analiz, sintez və s. yə təlabət əmələ gəldiyini nəzərə alır, onu bu və
ya digər ölçüdə tədqiq edir.
2.7.5. Şagirdlərdə yalnız konkret vəziyyətlərdə təfəkkür priyomlarını deyil,
təfəkkürün ümumi priyomlarını formalaşdırmaq lazımdır. Məsələn, şagirdlər tənlik
qurmaqla konkret mətnli məsələləri həll etmək bacarığına sahib olmaqla, məsələ
həllinin ümumi priyomlarından birini- tənlik qurma metodunu mənimsəyirlər.
Təfəkkürün daxili şərtləri fəallığın səviyyəsi və idrak prosesində analiz,
sintez və ümumiləşdirmə kimi fikri əməliyyatların qarşılıqlı əlaqəlilik dərəcəsi ilə
müəyyən olunur. Təfəkkürün xarici şərtləri, hər şeydən əvvəl təfəkkürün öz
obyekti, habelə subyekt və obyektə qarşılıqlı təsir edən mühitdir.
Riyazi, təbiətşünaslıq, humanitar, informatik, nəzəri və empirik təfəkkürlərin
hər birinin özünə məxsus xüsusiyyətləri, cəhətləri və komponentləri vardır.
Riyaziyyatın tədrisində ümumiləşdirmənin müvəffəqiyyətlə yerinə yetirmək üçün
bunların mahiyyətlərini, fərqini bilmək və yeri gəldikdə şagirdlərə də öyrətmək
lazımdır.
2.8. Riyaziyyatın tədrisində düzgün ümumiləşdirmə bacarığının
formalaşdırılması təlim prosesinin optimallaşdırılmasının
mühüm şərti kimi
Riyaziyyatın təlimi prosesində müvafiq anlayışlar və münasibətlər mənim-
sənilir və formalaşır. Ona görə də təlim prosesində anlayışların mənimsənilməsi və
inkişafı, teoremlər isbatı və məsələlər həlli bir sıra zəruri bacarıqların yaranmasına,
həmin bacarıqlar isə öz növbəsində daha dəqiq mənimsəməyə və inkişafa səbəb
_____________Milli Kitabxana_____________
128
olur. Şagirdlərin təlimi fəaliyyətində mühüm rol oynayan, riyazi anlayışların
mənimsənilməsi və inkişafını təmin edən, onların öyrəndikləri qaydaları,
teoremləri bütün zəruri hallara tətbiq etmək imkanı verən, yeni tipli məsələni
həmişə düzgün həll etməyə şərait yaradan bu cür əqli bacarıqlardan biri də
ümumiləşdirmədir. Daima fərqləndirmə ilə müşayiət olunan, dəqiq müqayisə
olmadan zəruri və düzgün şəkildə formalaşa bilməyən, ümumiləşdirmə insanın
fikri fəaliyyətində lazımi şəkildə özünü göstərən prosesdir.
Bunu insanın idrak obyektlərinin təbiəti tələb edir. Axı dərk etdiyimiz riyazi
obyektlər və münasibətlər, o cümlədən mənimsəmək istədiyimiz anlayışlar bir-
birilə oxşar və fərqli cəhətlərə, bir-birini tamamlayan və ya təcrid edən ünsürlərə
malikdir. Deməli, düzgün riyazi biliklərə yiyələnmək üçün düzgün ümumiləşdirmə
aparılmalıdır.
Adətən, tədris prosesində baxılan riyazi obyekt və münasibətləri təhlil
etmək, ümumi və mühüm əlamətlərini müəyyənləşdirmək, onları həmin əlamətlər
üzrə birləşdirmək, qruplaşdırmaq, bunlar haqqında ümumi bir fikrə gəlməli oluruq.
Riyazi obyekt və münasibətləri fərqləndirmək nəticəsində onların haqqında
yaranan ümumi fikir müəyyən qrup obyekt və münasibətə aid olmaqla, onlar
üzərində əməliyyat aparmağa imkan verir. Riyazi obyekt və münasibətləri fərq-
ləndirməklə yanaşı müvafiq oxşar əlamətlərə görə ümumiləşdirmək də lazım gəlir.
Bu cür fikri əməliyyat ümumiləşdirmədir. Bu əməliyyatla riyazi obyekt və mü-
nasibətlərdəki ümumi cəhətləri aşkara çıxarırıq. Bu ümumi cəhətlər obyekt və mü-
nasibətin müəyyən əlaməti, hissəsi, ünsürü və s. ola bilər. Obyekt və münasibətlər
arasındakı bu ümumi cəhətləri aşkara çıxarmaq üçün ilk növbədə onları qarşı-
laşdırmaq, müəyyən əlamətlərinə görə müqayisə etmək, ortaq və fərqli cəhətləri
müəyyənləşdirmək və mühüm əlamətlər üzrə birləşdirmək lazım gəlir. Deməli,
riyazi obyekt və münasibətləri bir-birindən fərqləndirmək üçün onları ümumiləş-
dirməyi bacarmaq, müvafiq qrupa daxil edə bilmək imkanına yiyələnməyi
şagirdlərə öyrətmək lazımdır. Digər tərəfdən belə ümumiləşdirmə bacarığının
yaranması üçün obyekt və münasibətləri, onların əlamət və xassələrini fərqləndirə
bilmək tələb olunur. Ona görə də ümumiləşdirmə bacarığına sahib olmaq üçün ilk
_____________Milli Kitabxana_____________
129
növbədə nəzərdən keçirilən obyekt və münasibətləri mühüm əlamətlərinə görə
təhlil etməyi, həmin əlamətləri fərqləndirməyi, təcrid etməyi bacarmaq lazımdır.
Ümumiləşdirmə bir zehni bacarıq kimi formalaşmadan şagirdlərin
məqsədəyönəlmiş fəaliyyətini təmin edə bilməz. Ona görə də görkəmli psixoloq
S.L.Rubinşteyn təlim prosesində fikri fəaliyyətin analiz, sintez, mücərrədləşdirmə
və ümumiləşdirməyə əsaslandığını xüsusi olaraq qeyd edir. Öz idrak obyektlərini
düzgün fərqləndirmək və ümumiləşdirmək bacarığına yiyələnmək şagirdlərin əqli
inkişafına əsaslı təsir edir. Bu da onların riyazi təlimdə müvəffəqiyyət qazanmaları
üçün şərait yaradır.
Fikri proseslər (analiz, sintez, müqayisə, mücərrədləşdirmə, ümumiləşdirmə
və s.) həmişə faktiki olaraq müəyyən fənnin (hesab, həndəsə, cəbr, qrammatika və
s.) tətbiqi əsasında həyata keçir və buna görə də müxtəlif hesab, həndəsə və s.
əməliyyatları şəklində meydana çıxır. Ümumiləşdirmə insanda birdən-birə yaran-
mır. İdrak obyektlərini fərqləndirməyə imkan verən düzgün ümumiləşdirmənin
yaranması müxtəlif mərhələləri, inkişaf səviyyələrini keçir.
Psixoloji tədqiqatlara əsasən cisim və hadisələrin əlamət və keyfiyyətlərinin
şagirdlər tərəfindən ümumiləşdirilməsinin üç inkişaf mərhələsi mümkündür: 1)
mövcud əyani şəraitdə həyata keçirilən əməli və ya hissi; 2) əyani; 3) anlayış və ya
elmi ümumiləşdirmə.
Birinci - hissi mərhələdə ümumiləşdirmə mövcud əyani şəraitdə ayrı –ayrı
cisim və hadisələrin xarici, əyani əlamətlərini ayıraraq bilavasitə qavramaq
əsasında baş verir. Bu mərhələdə nəinki əsas və ümumi əlamətlər, hətta formal,
ikinci dərəcəli əlamətlər də ümumiləşdirilə bilir. Ona görə də belə ümumiləşdirmə
zamanı tez-tez səhvlərə yol verilir. Həmin ümumiləşdirmə bilavasitə qavrayış və
praktik fəaliyyət zamanı baş verməsi ilə əlaqədar olaraq psixoloqlar onu empirik
ümumiləşdirmə adlandırırlar. Bu mərhələ adətən, ümumiləşdirmənin elementar
inkişaf səviyyəsi hesab edilir.
İkinci səviyyə cisim və hadisələr haqqında əsas biliklərin, eləcə də əyani
obraz və təsəvvürlər şəklində əks olunan formal əlamətlərin ümumiləşdirməsi ilə
xarakterizə olunur. Üçüncü səviyyə isə cisim və hadisələrin, onların arasındakı
Dostları ilə paylaş: |