ДЦНЙА ЮЛКЯЛЯРИНИН МЦАСИР СИЙАСИ СИСТЕМЛЯРИ
149
ƏFQANISTAN
Ümumi məlumat: Əfqanıstan ərazisində ilk mərkəzləş-
dirilmiş – Durrani dövləti XVIII əsrin ortalarında təşəkkül
tapmışdır. XIX-XX əsrlərdə baş vermiş ingilis-əfqan müha-
ribələri zamanı dövlətçiliyini qoruyub saxlamağa müvəffəq
olmuş Əfqanıstan, 1919-cu ildə Britaniyanın nəzarətindən
azad olmuş və müstəqilliyini elan etmişdir.
1923-1973-cü illərdə konstitusiyalı monarxiya, 1973-cü
ildə isə Əfqanıstan Respublikası elan edilmişdir.
Asiyanın cənub-qərb hissəsində yerləşən Əfqanıstan İslam
Respublikasının paytaxtı Kabil şəhəridir.
Ölkənin ərazisi 647,500 km², əhalisi (2012) 30,419,928
nəfərdir (əhali sıxlığı 43,5 nəfər/km²).
Əfqanıstanın rəsmi dili puştu və dari dilləridir.
Dövlətin İnsan İnkişafı İndeksi - 0.398 - aşağıdır (172-ci
yer).
Dövlət quruluşu: Məhdud hakimiyyətli prezident idarə-
etmə üsuluna malik islam respublikasıdır. Milli bayram günü
olan müstəqillik günü (1919) avqust ayının 19-da qeyd olunur.
Əfqanıstanın 160 maddədən ibarət yeni Konstitusiyası 04
yanvar 2004-cü ildə qəbul edilmişdir.
İnzibati bölgüsü: Rayonlardan ibarət olan 34 vilayətə (Bəğlan,
Bədəxşan, Badğis, Bəlx, Bamiyan, Vərdək, Herat, Daykündi,
Cövzcan, Zabul, paytaxt Kabil şəhəri, Qəndəhar, Fərah, Fəryab,
Hilmənd, Xust, Kapisa, Kündüz, Künər, Qəzni, Qövr, Ləğman,
Яли Щясянов, Адил Вялийев
150
Lövgər, Nəngərhar, Nimruz, Nuristan, Pəktika, Pəktiya, Pəncşir,
Pərvan. Səməngan, Səri-Pul, Təxar, Uruzqan) bölünür.
Dövlət başçısı: Əfqanıstanın birliyinin və suverenliyinin,
təhlükəsizliyinin və ərazi bütövlüyünün, ölkə Konstitusiyanın
və qanunların aliliyinin, eləcə də vətəndaşların hüquq və azad-
lıqlarının ali təminatçısı sayılan Prezident ümumxalq səsver-
məsi yolu ilə birbaşa və gizli seçkilərdə, ardıcıl iki dəfədən
çox olmamaq şərti ilə, 5 il müddətinə seçilir.
Mövcud Konstitusiyaya əsasən dövlətin idarə olunmasın-
da geniş səlahiyyətlərə malik olan dövlət başçısı Nazirlər Ka-
binetinə rəhbərlik edir, Əfqanıstanı ölkə daxilində və beynəl-
xalq münasibətlərdə təmsil edir, nazirləri və digər ali vəzifəli
şəxsləri Parlamentin razılığı ilə təyin və vəzifədən azad edir.
Ölkə Prezidentinə dövlətin idarə edilməsində iki vitse-
prezident (2009-cu ildən etibarən marşal Məhəmməd Fahim
və 09 oktyabr 2004-cü ildən Məhəmməd Kərim Xəlili) ya-
xından köməklik edirlər.
Eyni zamanda silahlı qüvvələrin ali baş komandanı sayı-
lan dövlət başçısının dövlət siyasəti sahəsindəki qərarları, o
cümlədən ölkədə müharibə və sülhün elan edilməsi, fövqəladə
vəziyyətin tətbiqi və milli silahlı qüvvələrin kontingentinin di-
gər dövlətlərə göndərilməsi qərarı Parlamentdə təsdiq olun-
malıdır.
09 oktyabr 2004-cu ildən etibarən Əfqanıstanın hazırkı,
sayca 4-cü Prezidenti Həmid Karzaydır. 20 avqust 2009-cu il
tarixində, taliblərin seçki günü həyata keçirdikləri 70-dən çox
terror aktları ilə müşayiət olunan son Prezident seçkiləri
nəticəsində Həmid Karzay ardıcıl olaraq ikinci dəfə qalib
gələrək növbəti 5 il müddətinə ölkə Prezidenti seçilmişdir.
Qanunverici hakimiyyət: Qüvvədə olan Konstitusiyaya
əsasən Parlament (Milli Məclis) iki palatadan – 102 yerlik
Mişranu Cirqadan (Yuxarı Palata) və 249 yerlik Volesi
Cirqadan (Xalq Palatasına üzvlər birbaşa və ümumxalq
səsverməsi yolu ilə 5 il müddətinə seçilirlər) ibarətdir.
ДЦНЙА ЮЛКЯЛЯРИНИН МЦАСИР СИЙАСИ СИСТЕМЛЯРИ
151
Yuxarı Palatanın üzvlərinin 34-ü əyalət şuralarının 4 il
müddətinə seçilən nümayəndələrindən, 34 üzvü rayon şurala-
rının 3 il müddətinə seçilən təmsilçilərindən, digər 1/3 hissəsi
isə Prezident tərəfindən 5 illik müddətə təyin olunan üzvlərdən
ibarətdir.
Ölkədə qanunların hazırlanması və qəbulu, beynəlxalq
müqavilə və sazişlərin ratifikasiyası və Konstitusiya ilə müəy-
yən olunmuş digər qanunvericilik fəaliyyətini Aşağı Palata
həyata keçirir.
Əfqanıstan ali orqanlarının dövlət idarəçilik strukturunda
təmsilçilik hakimiyyətinin ənənəvi orqanı – Loya Cirqa (Ali
Şura) da fəaliyyət göstərir. Loya Cirqanın tərkibinə Parla-
mentin hər iki palatasının üzvləri, habelə əyalət və dairə şura-
larının sədrləri daxildir. Ali Şuranın işində həmçinin, səsvermə
hüququ olmayan Kabinet üzvləri (nazirlər), Ali Məhkəmənin
hakimləri və Hökumətin sədri iştirak edirlər. Bu orqanın ic-
lasları, bir qayda olaraq müstəqillik, milli suverenlik, ərazi bü-
tövlüyü, Konstitusiyaya düzəlişlərin edilməsi, habelə Prezi-
dentin məhkəmə məsuliyyəti məsələləri ilə bağlı mühüm və
taleyüklü qərarların qəbul edilməsi məqsədilə keçirilir.
Ölkədə siyasi partiyalar de-yure fəaliyyət göstərsə də,
onların nümayəndələri Parlamentdə təmsil olunmurlar.
İcraedici hakimiyyət: Nazirlər Kabinetinə rəhbərlik edən
Prezident, Parlamentin razılığı ilə Kabinet üzvlərini (27 üzvdən
ibarətdir) təyin edir. Hökumət ali qanunverici orqana qanun layi-
hələrini təqdim edir, normativlər və təlimatlar dərc edir, hər büdcə
ilinin sonunda Parlament qarşısında hesabat verir, büdcə layihələrini
və inkişaf proqramını hazırlayır, fövqəladə vəziyyətdə fərmanlar
vasitəsi ilə qanunvericilik fəaliyyətini həyata keçirir.
Əfqanıstan Hökumətinin hazırkı tərkibi 23 dekabr 2004-cü
ildə formalaşmışdır.
Məhkəmə hakimiyyəti: Ənənəvi Şəriət hüququnu və Av-
ropa hüquq məktəbinin əsas elementlərini özündə ehtiva edən
Dostları ilə paylaş: |