123
dələr mübadiləsi pozulur. Məlumdur ki, zəif yatmış bitkilərdə
(50%) məhsuldarlıq 2 – 3 sen aşağı düşür (6 – 8%), güclü
yatmış bitkilərdə isə 4-5 sen/ha (15 – 20%) aşağı düşür.
Bitkilərin yatması nəticəsində toxumlar xırda, yüngül və
cılız olur. Bir çox məlumatlara görə taxılların yatması nəticə-
sində toxumlarda zülalların və şəkərin miqdarı çoxalır, nişasta-
nın miqdarı azalır. Belə halda toxumların məhsuldarlıq xassə-
ləri və səpin keyfiyyəti pisləşir.
Hətta əgər yatmış və yatmamış əkinlərdən alınan toxumların
1000 ədəd dəninin kütləsi eyni olsa da onların məhsul-
darlığında mühüm fərq (2,2 sen/ha) qeyd edilir ki, bu da to-
xumların keyfiyyətinin pisləşməsi ilə bağlıdır. Yatmış bitki-
lərdən alınan toxumlar zəif nəsil verir.
Təcrübələrimizdə yatmış bitkilərdən alınan toxumlarla
əkilən arpanın məhsuldarlığı 3,6 sen/ha az olmuşdur.
Beləliklə, toxumların yatması nəticəsində yığımın pisləş-
məsi və məhsuldarlığın aşağı düşməsi ilə eyni zamanda to-
xumların məhsuldarlıq xassələri və səpin keyfiyyəti də pisləşir.
Deməli, toxumluq əkinlərdə yatmış yerləri ayrıca yığmaq və
məhsulu ərzaq və yem məqsədi ilə istifadə etmək lazımdır.
Münbit torpaqlarda əkin normasını bir qədər aşağı salmaq
lazımdır. Qısa gövdəli, yatmağa davamlı sortların əkilməsi
daha əlverişlidir.
Hal-hazırda taxılların yatmağı ilə mübarizədə kimyəvi mad-
də olan – xlorxolinxlorid (SSS və ya TUR) daha geniş istifadə
olunur. Bu preparatın sulu məhlulu ilə taxılların boruya çıxma
fazasının əvvəlində işlənməsi bitkilərin hündürlüyünün 20–
30% aşağı enməsinə, gövdənin möhkəmliyinin artırılmasına,
kök sisteminin qüvvətliliyinin artırılmasına, yatmağa davam-
lılığın güclənməsinə imkan verir, nəticədə dənin məhsuldarlığı
artır.
Sonda qeyd etmək lazımdır ki, tarla bitkilərinin toxumları-
nın keyfiyyətinə toxumların becərilmə yerinin coğrafi şəraiti və
ana bitkisinin inkişafının metereoloji şəraiti həll edici təsir
124
göstərir. Optimal ekoloji şəraitdə formalaşmış toxumlar ən yax-
şı səpin keyfiyyətinə və məhsuldarlıq xassəsinə malik olurlar.
Ölkənin müxtəlif zonalarında aparılmış çox saylı tədqiqatlar
göstərmişdir ki, coğrafi şəraitin təsiri bir qayda olaraq müxtəlif
təbii və aqrotexniki faktorlara nisbətən güclüdür. Müxtəlif
torpaq-iqlim şəraitində becərilmiş toxumları səpdikdə məhsul-
darlıqda fərq 7 sen/ha-dan artıq olmuşdur. “Taxıl və paxlalı
bitkilər” sahəvi laboratoriyasının apardığı aqrotexniki təcrübə-
lərdə isə müxtəlif gübrə dozaları və sələflər nəslin məhsul-
darlığında maksimal fərqin 1,7-2,3 s/ha olmasına imkan ver-
mişdir. Ona görə də xüsusi sənaye toxum istehsalında mühüm
məsələlərdən biri toxumların ekoloji nöqteyi nəzərdən işlən-
məsidir. Əlverişli torpaq iqlim zonalarında, yəni vilayətlərdə,
rayonlarda və respublikada, toxum istehsalında rayondaxili və
təsərrüfat daxili xüsusiliyi istifadə etmək vacibdir.
Qeyd etmək lazımdır ki, toxumların becərilməsi zamanı
ekoloji şəraiti kifayət dərəcədə nizamlamaq imkanı olmadıqda,
davamlı sortları və toxumluq əkinlər üçün spesifik olan sənaye
texnologiyasını istifadə edərək ayrı-ayrı faktorların mənfi tə-
sirlərini aşağı salmaq, müsbət təsirlərini isə gücləndirmək
mümkündür.
7.2. Yüksək keyfiyyətli toxum becərilməsinin
sənaye texnologiyasının aqronomik əsasları
Toxumların texniki məqsədlər üçün becərilməsi yem və
əmtəə üçün becərilməsindən fərqlənir. Hər şeydən əvvəl bu
proses toxumların yüksək sort və səpin keyfiyyətinə görə, həm-
çinin məhsuldarlıq xassələrinə görə ixtisaslaşdırılmış toxumçu-
luq təsərrüfatlarında aparılır. (sənaye texnologiyası əsasında).
Sənaye texnologiyası elə mexanikləşdirilmiş proseslər
yığınıdır ki, burada işlərin keyfiyyəti və müəyyən müddəti
vardır. Bu da bitkilərin böyüməsi üçün optimal şəraitin yara-
dılmasına istiqamətləndirilir və konkret şəraitdə yüksək key-
125
fiyyətli toxum məhsullarının alınmasını təmin edir.
Yerli və zonal şəraiti nəzərə alaraq, elmin yeni nailiyyətləri
və qabaqcıl təcrübələr əsasında, yeni texnologiya işlənilir ki, bu
da müxtəlif kənd təsərrüfatı bitkilərinin toxum istehsalında hər
il texnoloji kartların yaradılması ilə nəticələnir.
Sənaye texnologiyasının məqsədi – müasir, səmərəli maşın
və alətlərin, məhsuldar sort və hibridlərin bioloji cəhətdən tam
qiymətli toxumlarının, planlaşdırılmış məhsul üçün gübrə nor-
malarının, torpağın becərilməsi üçün enerji qoruyucu sistem-
lərin, effektiv herbisid və pestisidlərin, əməyin elmi təşkilinin
kompleks şəkildə istifadə edilməsidir.
Belə halda əl əməyinin istifadə edilməsi tamamilə itir və
yaxud minimum dərəcəyə endirilir, maşınların istismar rejimi
optimallaşır, hər növ işin yerinə yetirilməsi dəqiqliyi ilə müəy-
yənləşir, texnoloji əməliyyatlar yeganə axımda birləşdirilir və
buraxılan məhsul dövlət standartlarına uyğun olur.
Yüksək keyfiyyətli iri və barəbər toxum materiallarının
alınması təkcə toxumların sortlara ayrılması və təmizlənməsi
üçün mexaniki üsullarla istifadənin nəticəsində yox, həmçinin
əsasən bioloji xüsusiyyətlərini və şəraitini nəzərə almaqla, xü-
susi sənaye texnologiyası şəraitində iri dənli sortların alınması
nəticəsində olur ki, bu da yüksək sort və səpin keyfiyyətinə,
məhsuldarlıq xassələrinə malik toxumların əldə olunmasına
səbəb olur.
Nəzərdə saxlamaq lazımdır ki, yüksək keyfiyyətli toxumları
bir qayda olaraq yüksək məhsuldar bitkilərdən almaq olur.
Əkinlərdə optimal bitki sıxlığı, gövdələrin bərabərliyi olmalıdır
ki, bu da toxumların bir cinsliliyinə gətirib çıxarır.
Toxumların məhsuldarlıq xassələri sortda irsi xüsusiyyətləri
ilə həmçinin xarici mühit şəraitinin təsiri altında ana bitkinin
yetişməsi və toxumların formalaşması ilə müəyyən edilir. Bu
şərait hər şeydən əvvəl ekoloji faktorların və aqrotexniki
tədbirlərin kompleksindən asılıdır.
Dostları ilə paylaş: |