_______________Milli Kitabxana___________________
223
bütün maşınlar dayanır. Ürəyiniz istəyən kimi yolu
keçə bilərsiniz. Bəs necə? Mən sönməmiş bir
maşının tərpənməyə ixtiyarı yoxdur.
Qoyun sizə bir maraqlı əhvalat danışım.
ÜTÜ: - Bilirsiniz, stolu bəzəmişik və bayaqdan
sizin yolunuzu gözləyirik.
QIRMIZIGÖZ: - Eybi yoxdur. Hörmətli qo-
nağı bir az çox gözləmək adətdir. Bunu da bilmə-
lisiniz. Hə, bir dəfə gördüm ki, uzaq tanışlarımdan
biri yolu keçmək istəyir. Maşınlar isə dzın, trrrı,
vıjjjı şütüyürlər. O saat gözümü qızartdı. Iki maşın
özünü saxlaya bilməyib az qaldı ki, bir – biri ilə
toqquşsun. Amma, bu mənim heç vecimə də deyil-
di. Tanışım yavaş – yavaş adlayıb keçdi. Sonra
şlyapasını çıxarıb mənə baş əydi. Öz aramızda
qalsın, bu adam dünyanın ən məşhur müğənnisi idi.
Belə tanışlarım çoxdur. Onlar küçəni yalnız mən
dayanan yerdən keçirlər. Dünən məşhur bir rəssam
küçənin tən ortasında qalmışdı.
Yalvarıb deyirdi: - Kömək əlini uzat, dost!
O dəqiqə köməyə çatdım. Gözümü maşınlara
necə qızartdımsa tormozların xırçıltısından ca-
maatın əti ürpəşdi. Rəssam bilmədi ki, mənə necə
təşəkkür etsin. Axırda dedi: - Sənin portretini çəkib
dünyanın ən böyük sərgi salonlarından asacağam.
Siz bilən o belə bir iş görsə mənim vəzifəmi bö-
yütməzlər? Zarafat deyil, dünya sərgisi!
ÜTÜ: - (Lampacığa) Qonağımızı tezliklə ən
böyük vəzifəyə qoyacaqlar. Onu indikindən də
_______________Milli Kitabxana___________________
224
gözəl bir maşın gəzdirəcək. Təsəvvür edirsinizmi?!
Nə keyf olacaq! Yəqin ki, o həmişə qara kostyum
geyinəcək. Bəs necə?
(Qırmızıgöz Lampacığa tərəf baş əyir.)
QIRMIZIGÖZ: - Günəşin ən parlaq nəvəsinə
ehtiram. Siz necə də parlaqsınız. Mən ömrümdə
belə parlaq bir qız görməmişəm.
ÜTÜ: - (Kənara) Ilahi, necə də gözəl danışır.
Adam az qalır ağlını itirsin.
FIRÇA: - Dayan görək, sənin ağlın hələ bizə
lazım olacaq. Onu itirməyi məsləhət görmürəm.
QIRMIZIGÖZ: - Bu parlaq sarayın harasında
əyləşə bilərik?
ÜTÜ: - Ay allah, başımı itirmişəm. Hörmətli
qonaq, bax bu otağa keçin. Orada sizə layiq
qonaqlar var.
(Qırmızıgöz qonşu otağa keçir.)
ÇIRAQ nənə: - Bu cür parlaq nitqlər söyləyən
adamlardan zəhləm gedir.
LAMPACIQ: - Yox, yox nənəcan, görmədin,
o, nə qədər də mədənidir. Hamının qüsurunu o saat
görür.
ÇIRAQ nənə: - Başqasının qüsurunu görmək
azdı, adam gərək öz qüsurunu görsün.
(Ütü tez – tez qonşu otağa yemək – içmək
daşıyır.)
ÜTÜ: - Ilahi, nə qədər də mədənidir. Əgər
yalan desəm bu gözəl burnumdan məhrum olum. O
artıq yeddi şiş kabab, iyirmi bir şüşə su içib. Elə
_______________Milli Kitabxana___________________
225
gözəl yeyir ki, adam heyran qalır. O saat bilirsən ki,
bu adamı böyük qulluqlar gözləyir.
(Lampacıq yenə də saçlarını daramaqla
məşğuldur.)
ÇIRAQ nənə: - Sən yenə də saçlarınla oynayır-
san? Sənin bu bekarçılığın lap məni təngə gətirib.
LAMPACIQ: - Nənəcan, hörmətli qonağımız
bir azdan gedəcək. Birdən saçlarım qaydasında
olmasa gör nə biabırçılıq olar. (Fırça tələsik gəlir)
FIRÇA: - Ütü, ay ütü!
ÜTÜ: - Canına azar!
FIRÇA: - Sənin azar sözün də mənim üçün
əzizdir. Amma indi vəziyyət çox ciddidir.
ÜTÜ: - Nə olub ki?
FIRÇA: - Bilirsən, qonağımızın halı pisdir.
(Lampacıq bir anlıq işini yarımçıq qoyub
həyəcanla qışqırır)
LAMPACIQ: - Necə yəni pisdir?
FIRÇA: - Yox siz qətiyyən həyəcanlanmayın.
Pisdir deyəndə ki, mən aşağı başda oturub onun
necə gözəl yediyinə baxırdım. Bu mədəni adam o
qədər gözəl yeyirdi ki, sadəcə olaraq ona baxma-
maq mümkün deyildi.
LAMPACIQ: - Uzatma!
FIRÇA: - Hə, birdən bekarçılıqdan başladım
onun yediklərini hesablamağa! Məlum oldu ki, on
yeddi şiş kabab, iyirmi bir çolpa qızartması, otuz
yeddi şüşə Badamlı və başqa xırda şeylər yeyib
_______________Milli Kitabxana___________________
226
içdi. Doğrusu mən ancaq yüzəcən saya bildiyim
üçün daha arxasını hesablaya bilmədim.
ÜTÜ: - Mən ömrümdə belə mədəni adam gör-
məmişəm. Adam az qalır ağlını itirsin.
FIRÇA: - Məsələ burasındadır ki, indi qona-
ğımız yerindən tərpənə bilmir. Onu yerindən
qaldırmağa azı üç pəhləvan lazımdır.
LAMPACIQ: - Bəs niyə gözlərini döyürsən,
çıx gör kimi tapırsan. Çətini maşınına mindirməkdi,
sonra çıxıb gedər və hər şey də qaydasına düşər.
(Fırça gedir)
ÇIRAQ nənə: - Sizin bu qonağınız doğrudan
da çox mədəni imiş.
LAMPACIQ: - Gördün, nənə, amma sən
inanmırdın.
(Fırça üç pəhləvanla daxil olur.)
FIRÇA: - Maşını arxa qapıya sürdürmüşəm ki,
yaxın olsun.
(Lampacıq etiraz etmək istəyir. Amma bir söz
demir.)
Fırça ilə pəhləvanlar qonşu otağa keçir. Bir
azdan oradan boğuq bir bağırtı eşidilir.
QIRMIZIGÖZ: - Bir az mədəni olun. Az qala
qol – qabırğamı sındırmışdınız.
Pərdə
II ŞƏKIL
Dostları ilə paylaş: |