__________________Milli Kitabxana_________________
390
baxışlarını gəlindən qayınanaya çevirdi: "Salamat qalın, ana", deyib
atıqəhmərlədi .
...Yol uzun, o isə tək-tənha idi... Şair xəyalı təkmi olur? O öz tükənməz, bitib
qurtarmaz xəyalları ilə özünə həmsöhbət tapır, yola nərdivan qoyur, ürəyində
keçmişi, gələcəyi qarşılaşdırır, dostu dost, düşməni düşmən dililə danışdırırdı. İndi
həmişəki kimi... Xəyallar... xəyallar... Yollar kimi bitib-tükənməz, uzun, yorucu
ağır xatirələr... Elə onda Seyid Əzim külfət dərdi, ruzi dərdi ilə səfərə çıxmışdı...
Amma necə? İndi bu necəyə cavab verirkən, o ağır qışdakı acı bir gün gözlərinin
önündə canlandı:
Şair axşamdan bəri uşaqlara o ki, var nağıl demiş, şeir oxumuş, lətifə
söyləmişdi, amma "ac qılınca çapar", əlindən bir şey gəlməmişdi, o uşaqları
ovundura bilməmişdi. "İlahi, nə yaman dərddir aclıq dərdi. İlahi, məni aclıqla
imtahana çəkmə! Mən bu dilsiz-ağızsız körpələrin üzünə baxa bilmirəm. Mən
Ceyranın solmuş simasını seyr eləyə bilmirəm. Anamın məndən gizlətdiyi
baxışlarına nəzərim toqquşanda xəcalətdən yer ayrılmır ki, içinə girim".
İndi artıq ana və nənənin dilə tutub ovundurduğu uşaqlar bitab düsüb uyumuş,
səksəkəli, həyəcanlı bir yuxuya getmişdilər. "Ceyran, sübh əzanında deyirsən?
Doğrudan? Şirin dayı gətirəcəy? Yox? Onda bəs kim? Xortdan? Damdabaca? (o
vaxt uşaqlar lap kiçik idi) Eh, heç onlar da adama şey verər? Yəqin Ağam gedib
alacay!.." Ana zəif təbəssüm, ehmal sığallarla bu xırda başları, incə ürəkləri
ovundurmuşdu. Sonra Ceyranla məmə o biri evdə oturub nə isə pıçıldaşırdılar.
Yəqin ki, dünən Şirini hardansa gətirdiyi azuğu lobyanı qaynatmaq haqqında
məsləhətləşirlər. Gəlin deyirdi:
- Məmə, gəlsənəm, o boranını da kəsim vurum böyrünə, bir sıxma axta zoğalı
da varımızdı, eləyim pırtdama-qəlyə.
-Yox ,ay bala,-deyə Minasoltan dərindən köksünü ötürdü. Təcrübədən bildiyi
şeyi güclə dodaqlarına gətirdi - başına dönüm pırtdama iştah açar, onun gözünə bir
parça əppəyi də lazımdı axı... Yox, ele qoy lobyanı tək bişir: duzla, mədə tutandı,
ürəklərin tutar. Boramnı da eıə-belə parça-parça bişir, qoyarsan təndirə... Yox, mən
nə deyirəm, ay bala, heç belə vaxtda bir parça boranı üçün də təndir qalarlar?
Qoyarsan kürədə, tavada bişər gedər...
…..Xudaya-xudavəndə ömrüm uzunu sənə yalvarmış, əlimdən gələni eləmiş və
məni namərdə möhtac eləmə demişəm:
__________________Milli Kitabxana_________________
391
Xodavəndə, behəqqi şahi-mərdan
Məra möhtaci-namərdən məgərdan...
Bəs budurmu sənin ədlin, ya rəbbi, əgər sən varsansa, niyə o gül üzlü, günahsız
körpələri ac qoyursan? Onlar sənə neyləyiblər? Elə Molla Qurbanqulu demişkən
tutum ki, mən günahkar bəndəyəm: sənə layiqiynən dua eləməmişəm, namazımı
keçirmişəm, orucumu yemişəm. Bu mənim günahım. Mənə özün o dünyada nə
cəza verərsən qailəm. Bəs onlar, bəs məməm ki, ömründə bir gün oruc yeməyib,
bir vaxt namazı qəzaya qalmayıb, hələ hər gecə qıldığı hacət namazları ilə nə qədər
sənin dərgahına əl açıb? Bəs Ceyran, o süd əmizən, körpələr pənahı ana! Süd verə-
verə oruc-namazın keçirməyib, hər əlini qazi-yol-hacata qalxızanda, "ilahi deyib,
balalarıma yazığın gəlsin! Ruzilərini bol elə! Ərimi külfət yanında xəcalət eləmə!"
Budurmu sənin ədlin, ya rəbbi? Budurmu sənin böyüklüyün! Ey cəbbar, qəhhar,
qadir, kərim Allah!.. İndi mənharaüz tutum?.. Bu sözləri şair ondamı demişdi, ya
indi ürəyindən qopurdu nə fərqi var ki: elə köhnə hamam, köhnə tas, heç nə
dəyişməyib...
...Bayırda yel elə uğuldayır ki, elə bil yüz min canavar birdən ulayır, yüzlərlə
çaqqal birdən qəhqəhə çəkirdi... Tufan qalxmış, dağların-daşların üstünü bir neçə
gündən bəri örtmüş qarı qalxızıb havaya sovurur, yeri-göylə birləşdirirdi, qar
yağmırdısa da, elə bir çovğun idi ki, göz-gözü görmürdü. Hamı axşamdan evlərinə
çəkilmişdi. Var evlərində kürsülər buğlanırdı, manqallarda qızarmış köz kömürlər
kürsülərə uzadılmış ayaqları qızdırır, xoş istini cana yayırdı. Kürəklər mütək-
kələrə, başlar nazbalışlara söykənmiş, kürsü yorğanları çənələrəcən çəkilmişdi.
Arabir kürsünün üstündəki lahıc məcməyilərinin içində qorğa, ləpə, iydə, ləbləbi-
kişmiş, innab kimi xuşkabar götürüb ağzına atan kim, kürsünün cəhəngində isti
saxlanılan çaydanlardan çay süzüb içən kim, yağlı, xuruşu pilovları iştəha ilə içəri
ötürənlər kim idi... Əlbəttə, bu varlı, var evləri idi... Bəs bizdə nə var?.. Ceyran
əllərini hovxura-hovxura axşamdan bəri kömür xəkəsindən düzəltdiyi xəkə-
güllələri min əzabla qızartmış, manqala yığmışdı. Qoru, dəmi çıxmış manqal
kürsünün altında haçandı ki, keçmişdi. İsti külü qurdalamaqdan bir şey
çıxmayacaqdı. Qızardıb manqala əlavə eləməyə yararlı kömür yox idi. Səhərə
yaxın kürsü buza dönəcəkdi. Ac uşaqların canını soyuq
__________________Milli Kitabxana_________________
392
alacaqdı, Ceyran gərək səhər obaşdandan da avvəl duraydı, qalan xəkə-gülbləri
daldada qızarda bilsə, gətirib kürsüyə qoyaydı. Uşaqlar oyanmamış, canların soyuq
almamış...
Dərd Seyid Əzimin ürəyini almışdı... "Getməliyəm... Hara olsa getməliyəm.
Səhər onların gözlərini bir də elə bu gecəki kimi görə bilmərəm... Nağılnan gecə
ovundurdum, gündüz ovundura bilmərəm..." Bu gecə Şirvan evlərindən neçəsində
balalar belə yatmış, neçəsində belə ataları xəcalət təri basmış, necəsində belə
analar, nənələrin gözlərinə yuxu girməmişdi? Kim bilir... Tarix bu haqda bir şey
yazmır... Təkcə "quraqlıq ilinin ağır nəticələri..." "Məşhur aclıq ili" deyib keçir...
Biz də keçəkmi, dostlar? Bu olan iş deyil. Biz sizinlə sözləşmişik ki, tarixin geri
dönməyən, kitab səhifələrinə girmiş günlərinə mütləq nəzər salacağıq... Biz o
günləri bircə-bircə olmasa da, gözdən keçirəcəyik... Gəlin qalın geyinək, nağıl
həvəsli nənələr kimi ayağımıza dəmirdən çarıq geyək, əlimizə dəmir əsa alaq... Yol
uzun, səfər ağırdır...
...Sübhün gözü açılmamış Ceyranın və Minasoltanın hənirtisi gəlirdi. Seyid
Əzim yerindən durdu. Qalmığı dəridən papaqçı Əliqulu kişinin tikib Ağaya
hədiyyə elədiyi (Allah bilir ürəyində nə niyyətə vermişdi, xüms idi, nə idi) börkü
başına qoydu, çuxanın üstündən sarı, Xorasan kürkünü geydi. Dəstəgül arvadın
toxuyub pay göndərdiyi yun şətəlləri və şiblelləri ayağına çəkdi. Yaqsay dostunun
bağışladığı ağ başlığı börkün üstündən başına doladı və nağıllarda deyildiyi kimi
altdan geyinib üstdən qıfıllandı və həyətə çıxdı. Ceyran xəkə-güllə qızardırdı. Man-
qal həyətdə tüstülənirdi. Qar dayanmış, külək azalmışdı, təbiət ayazlı, sazaqlı,
şaxtalı, amma aydın bir səhər vəd edirdi. Ağanı yaraq-əsbablı, əli ağaclı, çiyni kürk
və başlıqlı həyətdə görəndə Ceyran da, Minasoltan da təəccübləndilər. Ana yenə də
həmişəki sualını verdi:
- Hara belə, oğul, xeyir ola...
Ağa gözlərini uzaqlara dikdi; o baxışlarını anasından və Ceyrandan gizləməyə,
qaçırmağa çalışırdı.
-Xeyir olmamış nə var, lənət şərə... Balaca bir gedən yerim var.
-Uzaqdımı, dərdin alım?
-Yaxşı bilmirəm, məmə, bir az geciksəm nigaran olma.
Ana hər şeyi anladı...
-Yaxşı get , Allah xeyir eləsin...
“Çox sağ ol, ana, yaxşı ki, özün başa düşürsən, sənə daha izahat nə lazım?”
Dostları ilə paylaş: |