__________________Milli Kitabxana_________________
381
qardaş, bədbəxt Sonanın son dəqiqələrdə, ölüm ayağında özünü necə mərdanə
aparmasından elə şeylər danışdı ki, gözlərim dönəm-dönəın yaşardı... İnşallah vaxt
olar, görüş qismət olsa, nağıl elərəm sənə. İanə sarıdan yazdığın yanıqlı məktub
mənə bu kağızı başlayandan sonra, bu səhər vüsul oldu. Neyləmək olar, qardaşım!
Dövrün təqazası budur. İndilik himmət sahiblərinin cibinə göz tikməkdən savay
ayrı çarəmiz yoxdur.
Məniın burada birsürgün dostum var. Ursetin lap orta göbəyindən.
Filtilbörkdən gəlib çıxıb buralara... O elə qəribə şeylər danışır kil Adam ümid
eləyir, inanır ki, bir zaman gələcək, məktəb və maarifın sədəqəyə ehtiyacı
olmayacaq... Kim bilir...
Minasoltana, gəlinimizə və bacılara məndən salam yetir.
Baqi ehtiram: qardaşın Tərlan.
Hə, əzizim Ağa, bura bir bad xəbər gəlib çıxdı, deyirlər İsmayıl öz kiçik qardaşı
Məhəmmədi öldürüb. Bir də dedilər ki, yox, onu dəllək Hüseyn al diliynən evdən
çağırıb öldürüb, səhih xəbərdimi? Amma mən heç inana bilmədim. Çünki İsmayılı
uşaqlıqdan tanıyırdım. Qardaşı əməlli yadıma gəlmir, amma özufağırın biri idi, o
necə belə şey elər? Qərəz, salamat qal, Allah iqbalını daimi, bizi də xoş
xəbərlərinlə şad eləsin.
Tərlan.
Eşqabad, 12 zil-qəda, sənə filan
Hə, qəribədir ki, Ağa Səməd deyir: Alışlar meşədi olub hörmətə minən şəhər
əlbattə, dağüacaq. Amma əvvəl mənə Sonanı otağın içində necə izlədiyini
danışanda az qaldım boğam onu. Sonra başa düşəndə ki, bu elə o doğmaca atamla
Molla Qurbanqulunun qurmasıdır, lənət şeytana dedim. Oğlan əvvəllər tutduğu
əməllərdən elə peşman olub ki, day nə deyim... deyir... "utandığımdan indi göz açıb
abırlı adamların üzünə baxa bilmirəm, ancaq onda utanmaq nədi bilməzdim ".
Ağa indi səndən bir təvəqqəm var, əminəm ki, məni başa düşəcəksən və
Minasoltanın yanında vasitəçi olacaqsan. Sən bilirsən ki, mən ömrümün
axırınacan evlənməyəcəm. Sonanın yadigarı mənə düşür. Bu dünyada buna ən çox
haqqı olan adam varsa, o da mənəm, mən biləni. Səndən xahiş edirəm ki, hansı
yollarla olursa olsun, qızı mənə Çatdır. Xorasana gedənlərləmi, alış-verişə gələn
etibarlı tacirlərdən birinin vasitəsiləmi, necə eləyirsən elə. Özün zəhmətin çəkib
gətir Bakıda mindir gəmiyə. Mən Aşqabaddan gəlib Təzəşəhərdə qabaqlayaram.
__________________Milli Kitabxana_________________
382
Mən istəyirəm ki, Sonanın balasını özüm istədiyim kimi xoşbəxt elə özüın və
zəmanənin təqazası və tələbiylə. İndi dövran dəyişir. Buralarda .xüsusi dərs deyən
müəllimlər peyda olur, urusuycan əlbəttə. Mən də qızı oxudaram, nə bilmək olar.
Bəlkə anasının taleyi onda baş verməsin. Bıı da mənim Vətən bacılarına bir
hədiyyəm olar ki, ilk qız muəllimini onlardan ötəri mən hazırladım.
Bu xahişimə əməl etsən və yerinə yetirsən onda ömrüm uzunu sənə borclu
olacam.
Sənin tövsiyənlə "Əkinçi" qəzetini alıram. Bakılı tacir dostlarımdan Ağabba
cənabları bura göndərir. Gözlərimiz aydın olsun ki, sənin də ordakı nəzmini böyük
bir maraqla oxuduq. Hamımız binihəyat sevinmişik. Allah qələminə qüvvət, gözünə
isıq versin. Sən millətin dərdini çəkənlərə indi dayaqsan, rəhnümasan, qardaşım!
Tərlan
Seyid Əzim məktubu oxuyub qurtaranacan hər şey hazır idi, amma hələ hava
kifayət qədər qaralmadığından
Ceyran ayaq üstə can gəzdirir, süfrəyə yaxın düşüb
orucunu sındırmır, əzam gözləyirdi. Bu, Ağanın qəlbini elə sıxdı ki: "...Ah, Ceyran,
Ceyran", - deyə düşündü.
Qalxıb pəncərəyə tərəf boylandı:
-
Deyəsən, vaxtı axı?.. Ceyran onun məqsədini anlayırdı, mədəsindəki küt ağrı
bütün varlığını qırırdısa da, kandarda durub havaya baxdı:
-Yox, - dedi, - heç əzan da başlamayıb... Məktub kimdəndi?
Seyid Əzim, Ceyranın sözü orucdan dəyişmək istədiyini başa düşüb nəvazişlə
gülümsədi:
-Aga Tərlandandı! Ceyran, Qaratel səni incitmir kı?
Ceyran mehriban üzündə xəfif bir təbəssüm bəlirdi:
-Yox, amma yazıq yaman xiffət eləyir. Anasız... Hey ovundururam, elə hey
ağlayır...
Seyid Əzim nə fıkirləşdisə birdən-birə dedi:
-Ceyran, onun Eşqabadda dayısı varmış, Sonanın ölməyini eşidib, mənə o
kağız yazıb, xahiş eləyir ki, onu ora göndərim. Sən məməmi də, qızı da yavaş-
yavaş başa sal, hazırlıq gör, görüm mən Eşqabada gedən tap billəmmi?
- Hayıf, yaxşı qız idi... Qalardı bizdə...
- Yox, Ceyran, hər quşun öz yuvası! İndi ki, dayısı istəyir, saxlamaga haqqımız
yoxdu. Bir də, orda özünü qohumu yanında biləcək, o qədər də sıxılmayacaq...
__________________Milli Kitabxana_________________
383
Elə bu zaman Kəblə Mürvətin nalələri göyə ucaldı: "La ilahə illəllah..."
Seyyidin çiyinlərindən elə bil ağır yük götürüldü: "Ömrümdə əzan səsini belə
həsrətlə gözləməmişəm. Ömrümdə Kəblə Mürvətin "La ilahəsini" belə sevinclə
dinləməmişəm, necə ki, bu bir ayda... ah, Ceyran, Ceyran..."
-Bircə tez ol... - deyə o cəld süfrəyə yaxın əyləşdi. Öz əli ilə tələsik nəlbəkiyə
bir qədər dağ su töküb arvadına uzatdı. Bir dənə də xurma verdi. Ərinin qayğısı
Ceyranın gözlərini yaşartdı, qəlbini köyrəltdi. Bir anlıq aclıq da, mədəsindəki küt
ağrı da yadından çıxdı.
Yerində bütün varlığına hakim kəsilən güclü, dağlar qədər uca və qüdrətli bir
məhəbbət qaldı. O nəlbəkini aldı, xurmanı dişləyib dağ suyu içdi... Bədəninə xoş
bir istilik yayıldı...
-Ceyran, gerçəyimdi, sən neyşə mənim sözümə baxmırsan, hə?
Qadın gözlərini süfrəyə dikdi. O çətinliklə yeyirdi, bütün günün aclığından
sonra yemək çətin idi.
-Nə barədə ki?
-Özün yaxşı bilirsən nə barədə... Sənə oruc tutmaq yaramaz. Mənə inan,
əvvələn sən süd verirsən, çox zəifsən, hifzi-bədən vacibdi. Sən özün də heç
bilmirsən ki, necə günah işləyirsən. Həm çağa barədə, onun südü azalır, həm öz
barəndə - üzülürsən... Bu ən böyük günahdı. Ceyran, mənə inan, qoy babalını
mənim boynuma...
-Mən sənə inanıram, Ağa, amma... orucumu yeyə bilmirəm, qorxuram,
utanıram. Onsuz da bizim barəmizdə elə sözlər danışırlar ki... Bircə bu qalıb
deyələr ki, mən də oruc tutmuram, səni deyirlər bəsdi...
Ceyran sözlü idi, onu nə isə üzürdü, bu aclıqdan, uşaq əmizdirməkdən daha ağır
bir əzab idi. Mənəvi yorğunluq və qorxu idi ki, şair indicə bunu başa düşdü.
Bayaqdan bəri qadının üzgünlüyünü təkcə oruca həml etmişdi. O birdən-birə
dəyişmiş, daha mehriban və nəvazişkar bir səslə soruşdu:
-Nə olub bəyəm, Ceyran nə dərdin var, əzizim?
Ceyran bu nəvazişkar səsdən ötəri ölürdü: Ah, bu mehriban sözləri eşitmək
üçün çox, həmişə... eşitmək üçün o nələr etməzdi! Amma... elə şeylər danışırlar
ki... O öz məhəbbəti üçün qorxurdu. Axı bütün bunları, qeybətləri, söz-sovları
Ağaya necə demək olardı? O hardan, nədən başlayacağını bilmirdi. Neçə gün idi
ki, Ağa ilə danışmaq istəyirdi, macal tapmırdı. Gecələr yarıyacan yazır, pozur,
yerinə az qala ilk xoruz banında girir. Gündüzlər uşqolda, çöl-bayırda, kənd-
kəsəkdə, adam içində olur.