Microsoft Word ?Ziz? C?F?Rzad?docx
Yüklə 3,13 Mb. Pdf görüntüsü
|
- Bu səhifədəki naviqasiya:
- Baqi... Seyid Əzim Məhəmməd oğlu Şirvani 21 məhərrəmül-həram fi sənə filan
- Nuri-çeşmim, əziz şairim!
__________________Milli Kitabxana_________________ 378
Sənə bir növ degildim ümidvar, ey dust! Nə sən fəraqə səbəb olmusan, nə mən bais, Bu dərdə saldı bizi dövri-ruzigar, ey dust!..
onda hüzuruna irsal olunar. Əzizim, dostum, qardaşım Tərlan, məktəb işlərim də o qədər yaxşı getmir. Məni şəhər məktəbindən xaric elədilər. Ozümüzkü də sönən şam kimi güclə ziya verir, elə sönhasöndədi... Sənin kimi dostların köməyi olmasa, bu da gedər bətfanəyə. Dövrəmdə xeyli düşmən cəm olunub. Tərlan, heç özüm də bilmirəm ki, bu naəhl Allah bəndələri niyə başa düşmürlər ki, mən məhz onlardan ötəri, onların fərzəndlərinin sabahı üçün əlləşib çaləşıram. Külfət çoxaldıqca möhnətim də artır. Amma anam, sənin Minasoltanın deyir ki, "Sonanın yadigarını nə qədər canımda can var, öz nəvələrimdən biri kimi saxlayıb böyüdəcəm, verəcəm bir halal süd əmmişin birinə ". Qərəz, salamət ol, cənab Mahmud ağadan, İrza bəydən sənə salam dua Baqi... Seyid Əzim Məhəmməd oğlu Şirvani 21 məhərrəmül-həram fi sənə filan
İftara az qalmışdı. Bu gün Minasoltan qonşu Məşədi Qənbərgilə "orucaçdıya" çığırıldığından evdə olmayacaq idi. Çağa beşikdə yatır. Mircəfərsə bu gün Bikə nənəgilə qonaq getmişdi, uşaqlar o biri otaqda şam etmiş, tezdən yerlərini salıb oturmuş, Qaratelin söylədiyi nağılı dinləyirdilər. Ceyran bu axşamkı iftar süfrəsini təkcə ikiləri - özü və Ağa üçün hazırlayırdı. O nimdaş qələmkar dəstərxanı yerə döşədi. Günortadan bişirib hazırladığı iki nimçə üstü darçınla bəzənmiş kimi, kəh- rəba rəngli noğultərək, Ağanın çox xoşladığı şorməzə yarpaq dolması və sarımsaqlı qatıq piyalasını ortaya qoydu. Balaca çaydanı, fincan və nəlbəkiləri də süfrəyə düzdü. Ayrıca nəlbəkiyə oruc açmağa xüsusi "səvab gətirən" bir neçə xurma yığdı. Elə bu vaxt darvazanın açılması və Seyid Əzimin addım səsi eşidildi. Ceyranın ürəyi titrədi. Onsuz da obaşdandan ac idi, uşağa süd verməsinə baxmayaraq, orucunu sındırmırdı. Gəlin güclə ayaq üstə dururdu. Buna baxmayaraq ərini qarşılamaq üçün evin artırmasına çıxdı.
__________________Milli Kitabxana_________________ 379
Seyid Əzim cibindən çıxardığı bir neçə saçaqlı konfeti qapıya çıxmış Qaratellə uşaqların arasında bölüb əylənirdi. Ceyranı görüncə uşaqlardan ayrılıb otağın qapısına yaxınlaşdı: -Salam... Seyid Əzim Ceyranın saralmış, arıqlamış üzünə baxdıqca ürəyi əzilirdi: "Yenə də orucdur, ilahi, mən bu etiqadı onun ürəyindən necə çıxarım?" Lakin hələ bir söz demədən anasını soruşdu: -Məməm hanı? Ceyran xəfifcə gülümsədi, bir neçə uşaq anası olsa da, hələ də ərindən utanır, dik gözlərinin içinə baxa, arzularını açıq deyə bilmirdi: -Məşədi Qənbərgilə orucaçdıya çağırılıb... -Hə... deyirəm axı, əzana azca qalıb, amma, məməm həyətdə dəstəmaz almır, bu heç olan şeydi? Deməli şamı təklikdə eləyirik? - O da gülümsədi, lakin arvadının vəziyyətindən daxili bir əzab duyaraq, Ceyranın çənəsindən yapışdı və başını yuxarı qaldırdı. Dərinə düşmüş, aclıq və yorğunluq tökülən gözlərinə baxdı, Ceyran Ağanın onu yenə də danlayacağını başa düşdüsə də aldırmadı, üzün yana çevirdi: -Hə... Minasoltan dedi ki, gec gələcəm, məni gözləməyin, iftarınızı eləyin. İçəri girdilər. Vaxt elə uzanırdı ki, Seyid Əzim qapıdan döndü, bir də nigaran gözlərlə üfüqə baxdı. Əgər iqtidarı olsaydı, günəşi, aləməfruz afıtabı bir az da tez qüruba endirər, iftar vaxtını yaxınlaşdırardı, təki Ceyran orucunu tez açsın, ac qalmasın... Birdən Ceyran taxçaya yanaşdı, oradan bir zərf çıxarıb şairə uzatdı. -Ağa, Şirin gətirib... Şair zərfı açdı, Tərlandandı, dərhal duydu, barmaqlarını xəfıf hərəkəti ilə Ceyranın çənəsini sığalladı, yorğun gözlərinə baxdı, baxdı, heç bir söz deyə bilmədi. Dərindən köks ötürüb məktubu oxumağa başladı:
__________________Milli Kitabxana_________________ 380
tacirlərindən biridi; özü də mənimlə həmyaş olmağına görə, mənə çox meyil eləyirdi. Əvvəl illərdə mən bu yovuqluğa o qədər də maraq göstərmirdim. Səbəbi də bildiyin idi, yəni heç insanlara qaynayıb-qarışmağa özümdə qüvvət tapa bilmirdim, nəhayət ki, mən də qaradan çıxmazlığı tərk elədim. Bir-birimizə gedib- gəlişimiz artdı. Söz-söhbət çəkib bizi bir-birimizə bağladı. Qəriblik, tənhalıq bizi iki qardaşa çevirdi. Bu vaxtacan onun barəsində sənə yazacaq elə bir maraqlı xəbər yox idi, odur ki, yazmırdım. Bu günlərdə bir vəsilə oldu ki, o öz keçmiş macəra və xatirələrindən mənə danışdı. Doğrusu, onun ürəyində nə isə bir dərdi, qüssəsi olduğunu anlayırdım. Başa düşürdüm ki, onu təkcə zəlzələ diyarbədiyar salmayıb. Əziz qardaşım! Ağa Səməd macəralarım mənə danışanda öyrəndim ki, bədbəxt Sonamı ölümdən xilas eyləyən oymuş. Sən demə Alışın dəstəsində bir vaxt qaçaqçılıq eləyən cavanların ən igidlərindən, özü demişkən canavarlarından biri imiş. Mənim xahişimlə Mütrüf Ədilin öldüruldüyü gecə baş verən hadisələri mənə bircə-bircə yerli-yataqlı danışdı. İndi lap səhih bildim ki, başıma gələn qəziyyələrin ən əsas səbəbkarı, başçısı öz doğma atam olub. Mən elə əvvəldən də onun bu işdə barmağı olmağını duyurdum. Özüm də ondan təkcə məni döyüb xar- zəlil eləməyinə görə üz döndərməmişdim. Amma lap belə də bilmirdim ki, mənim atam kiminsə ölümünə razılıq, fərman verə bilər. Ozünü onlardan: o Molla Qurbanquludan, Alışdan və bir də ata adını gəzdirməyə layiq olmayan atamdan qoru, qardaş! Kərim Allah özü səni bəlalardan hifz eləsin! Əlbəttə, biz, mən və Ağa Səməd Şirvanda olsaydıq, xatircəm olardıq. Onlardan sənə heç bir sədəmə toxuna bilməzdi; amma indi hərçənd dövrən əsil dostsuz deyil... Yenə də nigaran olacağıq... Bu axır əhvalat bizim ürəyimizi Ağa Səmədlə bir-birinə elə bağlayıb ki, lap əkizə bənzəyirik... O çox dəyişilib. İndi savadını artırır, buradakı müəllimlərdən urus dilini də kamil öyrənib. Gözəl-gözəl kitablar oxuyur, deyirəm vaxtında oxuyub lazımi savad alsaydı, bədbəxt millətimizin xidmətində durardı. Neçə-neçə gözəl işlər görərdi... Elə qabiliyyətlidir ki... Tez-tez sənin yazılarından əlimizə keçənləri birlikdə oxuyub, müsahibələr eləyirik. Buranın ziyalıları ilə əlaqəmiz möhkəmdir. İranlıların məktəbinə, burda açılan öz məktəbimizə, əlimizdən gələn köməyi eləyirik. Gələn illərdə ianə məsələsi qoyulanda, cənab Ağa Səmədi də nəzərdə tutmağım xahiş edirəm. Eh,
Yüklə 3,13 Mb. Dostları ilə paylaş:
|