To’rtinshiden,
du’nya ju’zlik Deklaratsiya insan huqıqları tarawında
birlestiriw tiykarların ornattı. Deklaratsiyanın’ alg’I so’zinde: «...usı huqıq ha’me
rkinliklerdin’ xarakterin ulıwma tu’siniwusı ma’jbu’riyatlardın’ tolıq orınlanıwı
ushın u’lken a’hmiyetke iye» - dep ko’rsetilip, yag’nıy jer sharının’ tu’rli
tochkalarındag’I tu’rli siyasiy dizimge iye ma’mleketlerde insan huqıqları bir
tu’rde orınlanatug’ın bolıp qarar qılındı. Basqasha qılıp aytqanda, du’nya ju’zlik
Deklaratsiya insan huqıqları tarawında standartlastırıwdı baslap berdi.
Biraq, bul ma’niste ol birinshi orında boldı. Belgilengen insan huqıqları
dizimin
rawajlandırıw, anıqlastırıw ha’m toltırıwdın’ za’ru’rligi ja’ne
a’hmiyetliligi ma’selesi ju’zege shıqtı. Na’tiyjede İnsan huqıqları boyınsha du’nya
ju’zlik deklaratsiyadag’ı qadeler insan huqıqlarına tiyisli ko’plegen kelisimlerde
ken’eyttirildi ja’ne anıqlastırıldı.
Dekloratsiyanın’ ekinshi statyasında bılay delingen:Ha’r bir insan rasası,
denesinin’ ren’i, jınısı, tili, dini, siyasiy ha’m basqa isenimlerinen, milliy yaki
28
sotsiallıq kelip shıg’ıwı, mal-mu’lki, qatlamı yaki basqa halatına qaramastan usı
Deklaratsiyada ja’riyalang’an barlıq huqıq ha’m erkinlikke iye bolıwı tiyis.
Bunnan tısqarı, insan tiyisli bolg’an ma’mleket yamasa aymaqtın’ siyasiy,
huqıqıy yaki xalıqaralıq statusınan, usı aymaq g’a’rezsiz be, qa’wenderli me, o’zin-
o’zi basqara ma yamasa basqasha ta’rizde shekleniwshilikke qaramastan, qanday
da bir ayırmashılıq bolmawı kerek
3
.
Ha’r bir ma’mlekettin’ milliy shegaraları aymag’ında ko’pshilik xalıqtan
ajıralıp turıwshı etnikalıq, tili yamasa diniy qa’siyetlerge shaxslar toparları jasaydı.
Ha’r bir topardın’ o’zine ta’nligin saqlap qalıw ha’m barlıq az sanlı xalıq arısında,
sonday aq, az sanlı ja’ne ko’p sanlı xalıq ortasında buzılmas qatnasıqlardı qollap-
quwatlaw etnikalıq ha’m ma’deniy ha’r qıylılıqtı rawajlandırıwda ju’da’
a’hmiyetli, sol sebepli ma’mleketler ten’lik, kemsitpeslik ja’ne siyasiy g’a’rezsizlik
sıyaqlı joqarı toparları xuqıqların xu’rmet qılıw, qorg’aw menen jayg’astırıwg’a
umtıladı.
Deklaratsiyada ja’riya etilgen, jınısı, rasası, tili, dini, siyasiy yaki basqa
qarasları, milliy yaki sotsial kelip shıg’ıwı, mu’lkiy qatlamı yamasa basqa ha’r
qanday paqlarg’a qaramastan, barlıq huqıqlar ja’ne erkinliklerge iye bolıw
imkaniyatı az sanlı toparlar mashqalasına qızıg’ıwshılıq keltirip shıg’aradı.
Usı ku’nge shekem az sanlı milletler huqıqıy statusın tiykarg’ı o’lshemlerin
belgilep beriwshi bir qatar xalıqaralıq huqıqıy hu’jjetler qabıl etilgen bolıp, olardı
ishki nızamshılıqtı rawajlandırıwda tiykar sıpatında qollanıw tiyis. Ulıwma
jantasıwlar, gu’mansız, u’lken a’hmiyetke iye, biraq olar belgili mashqalalardı
sheshiw imkaniyatın bermeydi, sol sebepli ha’zirge shekem ayırım ma’mleketler
nızamshılıg’ı, anıg’ırag’ı nızamda qollanıw a’meliyatı tiykarg’ı rol oynamaqta. En’
jaqsı yuridikalıq qurallarda, eger olardı engiziw qıyın bolsa, onda na’tiyjesiz.
Uzaq tariyxqa qaramastan insan ha’m puqaranın’ ulıwma halda huqıq ja’ne
erkinlikler ten’ligin zamanago’y xalıqaralıq-huqıqıy muwapıqlastırıw tiykarları
BMSh nın’ Ustavında belgilep qoyılg’an, dep esaplanadı, biraq az sanlı
milletlerdin’ ayırım huqıqları onda ko’rsetip o’tilmegen. Universal xalıqaralıq
3
Инсан ҳуқықлары дүнья жүзлик деклорация Т.1996. 2статья
29
hu’jjetlerge, sonday-aq, insan huqıqları boyınsha du’nyaju’zlik deklaratsiyası,
1966 jılg’ı Ekonomikalıq, sotsial ha’m ma’deniy huqıqlar boyınsha xalıqaralıq
pakt, 1966 jılg’ı Puqaralıq ha’m siyasiy huqıqlar haqqındag’ı xalıqaralıq
Pakt(onın’ qabıl etiliwi menen ma’mlekettin’ az sanlı milletler huqıqların qorg’aw
ma’jbu’riyatına aktsent berildi) kiredi. Az sanlı milletler huqıqıy jag’dayında
to’mendegi hu’jjetler a’hmiyetli orındı tutadı: Bilimlendiriw tarawında kemsitiwge
qarsı gu’res konventsiyası (1960j), Rasalıq kemsitiwdin’ ha’r qıylı ko’rinislerin
saplastırıw haqqındag’ı xalıqaralıq konventsiya (1965 j.), Rasa ha’m rasalıq
ırımshılıq haqqındag’ı deklaratsiya (1978 j.), Sabırsızlıq ha’m din yamasa isenim
tiykarındag’ı kemsitiwdin’ barlıq ko’rinislerin saplastırıw haqqındag’ı deklaratsiya
(1981 j.), Rawajlanıw huqıqı haqqındag’ı deklaratsiya (1986 j.), Bala huqıqları
haqqındag’ı konventsiya (1989 j.), Az sanlı milliy etnikalıq diniy ha’m tili az
toparlarg’a tiyisli shaxslar huqıqları haqqındag’ı deklaartsiya (1992 j.), Vena
deklaratsiyası ha’m ha’reket Da’stu’ri (1993 j), Regionallıq a’hmiyetke iye
xalıqaralıq huqıqıy hu’jjetlerden evropa insan huqıqları tiykarg’ı erkinliklerin
qorg’aw Konventsiyası (1950 j), Evropada qa’wipsizlik ha’m sheriklik boyınsha
ken’estin’ juwmaqlawshı hu’jjeti (1975 j.), EQShK ke ag’za ma’mleketler
wa’killerinin’ 1986 jılg’ı Vena ushrasıwının’ juwmaqlawshı hu’jjeti (1989 j.),
EQShK insanıy kriteriyalar konventsiyasının’ Kopengagen ken’esi hu’jjeti (1990
j.), jan’a Evropa ushın Parij Xartiyası (1990 j.), Regional tiller yamasa az sanlı
xalıqlar tilleri Evropa Xartiyası (1992 j.), Az sanlı milletlerden qorg’awdın’
baslang’ısh Konventsiyası (1995 j.), İnsan ha’m xalıqlar huqıqları haqqında
Amerika Konventsiyası (1969 j.), İnsan ha’m xalıqlar huqıqları Afrika xartiyası
(1981 j.), G’a’rezsiz Ma’mleketler Doslıq Awqamı (G’MDA) insan huqıqları ha’m
erkinlikleri (1995 j.)g’a itibar qaratıwı tiyis.
Joqarıda keltirilgenler az sanlı milletlerdin’ huqıq ha’m erkinliklerinin’
ko’rsetilgen xalıqaralıq-huqıqıy institutlarınan derek beredi. Qabıl etilgen
xalıqaralıq hu’jjetler az sanlı milletlerdin’ huqıqları qorg’alıwının’ bekkem tiykarın
payda etedi ja’ne olardı buzg’an ma’mleketler, ma’mleket organları, ma’mleketlik
sho’lkemler ha’m shaxslardı xalıqaralıq nızamlardan sırtta qılıp qoyadı.
30
1990 jılda EQShK nin’ konferentsiyası ta’repinen qabıl etilgen jan’a Evropa
ushın Parij Xartiyası az sanlı milletler huqıqların keleshektegi segiz atrıqmashlıq
qatarına qostı. Az sanlı milletlerdin’ huqıqıy qorg’alıwı ha’m olardın’ tınısh
jasawın ta’miyinlew du’nya ja’miyetinin’ en’ a’hmiyetli mashqalasına aylandı,
onın’ sheshiliwine tek g’ana ayırım bir ma’mleketlik siyasiy jag’dayı g’ana emes,
ba’lki zamanago’y du’nya tariyxı rawajlanıwının’ barısı menen baylanısqan.
Az sanlı milletlerge ko’pshilikti qurawshı shaxslardag’ıday da’rejede
huqıqlardın’ beriliwi, za’ru’rli sha’rt bolsada, olardın’ huqıqıy jag’dayın a’melde
ten’ bolıwın ta’miyinlemeydi. Zamanago’y du’nyada az sanlı milletlerdin’
xuqıqların ta’miyinlew ha’m qorg’awdın’ tu’rli metodları qollanıladı: Bul olardı
global yamasa regional xarakterdegi xalıqaralıq-huqıqıy muwapıqlastırıwda,
ma’mleket ishinde basqarıwda, sonday-aq, ma’mleketlerdin’ bir bo’leginde yamasa
jergilikli basqarıwda bolıwı mu’mkin.
Usı metodlardın’ ha’r biri o’z ta’repdarları ja’ne qarsılaslarına iye, sol
sebepli a’debiyatlarda xalıqaralıq standartlardı ornatıw ja’ne ha’r bir ma’mleketti
olardı orınlawdı talap etiw usınısında, az sanlı milletler huqıqların muwapıqlastırıw
olar jasap atırg’an ma’lekettin’ g’ana isi bolıp, tek ma’mlekettin’ ishki huqıqları
tiykarında a’melge asırılıwı kerek, degen dawanı da ushıratıw mu’mkin. Usı eki
pikirde jeterli tiykarlang’an, sebebi bir ta’repten ha’r bir ma’mlekettin’ o’zine ta’n
siyasiy turmısqa iyeligi ha’mme ushın ulıwma universal qag’ıydalar dizimin islep
shıg’ıw imkaniyatın bermeydi, basqa ta’repten bolsa, az sanlı toparlar huqıqları
kiredi, solay etip xalıqaralıq da’rejede qorg’alıwı tiyis.
Az sanlı toparlarg’a tiyisli insan huqıqlarının’ barlıq ko’rinisleri sha’rtli
ra’wishte eki toparg’a bo’liniwi mu’mkin: birinshi toparg’a insan huqıqları
qorg’alıwının’ ulıwma ta’rtibi shen’berinde qorg’alıwı mu’mkin bolg’an xuqıqlar
kiredi, ekinshisine qorg’aw ushın ayrıqsha kelisimler bar bolg’anda g’ana
engiziliwi mu’mkin bolg’an huqıqlar az sanlı toparlardın’ etnikalıq, ma’deniy,
diniy o’zgerislerin ta’miyinlewshi, bunın’ menen olardin’ o’zine ta’nligin saqlap
qalıwshı huqıqlar kiredi. Tek g’ana individual ja’ne ja’ma’a’tlıq jantasıwlardın’
sintezi shen’berinde g’ana (azshılıqtı ayrıqsha topar sıpatında huqıqların qorg’aw)
31
xalıqtın’ o’zine ta’n xarakterlerge iye taypaların ko’rsetiwshi az sanlı toparlarg’a
tiyisli shaxslardın’ da ulıwma bunday toparlardın’ da huqıqları na’tiyjeli engiziliwi
mu’mkin.
Az sanlı xalıqlardı qorg’aw mashqalasın na’tiyjeli sheshiw negizinde
qosımsha yuridikalıq kepillikler menen ta’miyinleniwshi ten’lik ha’mkemsitpeslik
printsipleri jatadı. Sonı atap o’tiw za’ru’r, ha’r qanday ma’mlekettin’ milliy
siyasatı tiykarg’ı maqseti o’z puqaralarının’ a’melde ten’ligine erisiwden ibarat.
Ten’ huqıqlılıqtı sotsial ten’lik penen de, belgili etnikalıq toparg’a bolg’an zorlıqtı
qadaan etiw menen de aralastırıw mu’mkin emes. Az sanlı milletler statusı
ma’nisinde ten’ huqıqlılıq – bul azshılıqtın’ turmıs sharayatın tiykarg’ı xalq turmısı
sharayatına jaqınlastırıw ha’m usı ja’ma’a’tlerdin’ huqıqları, erkinlikleri ha’m
ma’jbu’riyatların etnikalıq ko’pshilik penen tenn’lestiriw – ana tilin, da’stu’rlerin,
dinin qollaw, milliy mekteplerin rawajlandırıw. Solay etip, haqıyqıy ten’lik az sanlı
toparlar joq bolıp ketiwine qarsı kepilliklerdi o’z ishine alg’an arnawlı huqıqlarg’a
iye bolg’anda g’ana erisiledi.
Dostları ilə paylaş: |