II.
İnsan huqıqların qorg’awshı xalıq aralıq huqıqıy hu’jjetler.
2.1. İnsan huqıqları haqqındag’I du’nya ju’zlik dekloratsiyanın’
a’hmiyeti.
Bul İnsan huqıqları du’nya ju’zlik deklaratsiyası barlıq xalıqlar ha’m barlıq
ma’mleketler orınlawg’a umtılıwı tiyis bolg’an wazıypa sıpatında ja’riyalanar
eken, ha’r bir insan ha’m ja’miyettin’ ha’r bir sho’lkemi ba’rqulla usı
Deklaratsiyanı na’zerde tutqan halda ag’artıwshılıq ja’ne bilimlendiriw jolı menen
bul huqıq ha’m erkinliklerdin’ hu’rmet etiliwine ko’meklesiw, milliy ha’m xalıq
aralıq rawajlanıw ilajları arqalıda onın’ orınlanıwın ta’miyinlewge, Sho’lkemge
ag’za bolg’an ma’mleketler xalıqları ortasında ha’m usı ma’mleketlerdin’
yurisdiktsiyasındag’I aymaqlarda jasap atırg’an xalıqlar ortasında ulıwma ha’m
na’tiyjeli ta’n alınıwın aumtılıwı za’ru’r bolıp tabıladı.
İnsannın’ huqıq ha’m erkinlikleri – sonday universal qa’driyatlar bolıp, olar
ushın shaxs huqıqların qorg’aw boyınsha birden-bir xalıq ararlıq-huqıqıy
standartlardı ornatıw u’lken a’hmiyetke iye. İnsannın’ tiykarg’I huqıq ha’m
erkinlikleri tek g’ana ma’mlekettin’ ishki isi bolmay qaldı. Ulıwma ta’n
alıng’anınday, puqaralardın’ huqıq ha’m erkinliklerin ta’miynlew ayırıqsha bir
ma’mlekettin’ isi g’ana bolıp qalmay ol-pu’tkil du’nya ja’miyetinin’ maqsetine
aylandı.
İnsan huqıqları degende, a’dette insan shaxsının’ ajıralmas huqıqları
na’zerde tutıladı. İnsan huqıqları kontseptsiyasırasası, denesinin’ ren’i, tili, dini,
siyasiy yamasa basqa qarasları, milliy yaki sotsial kelip shıg’ıwı, jeke mu’lkinin’
barlıg’ı, qatlamı ja’nede basqa jag’daylarına qaramastan ha’r bir adam o’z
insanıylıq huqıqınan paydalanıw huqıqına iye. İnsan huqıqları yuridikalıq jaqtan
insan huqıqları tarawındag’I huqıqıy normalar menen kepillenedi, olarayırım
shaxslar yamasa adamlar toparın insan shaxsının’ tiykarg’I erkinlikleri ha’m qa’dir
qımbatına qasi ha’reketlerden qorg’aydı.
Bul normalar sha’rtnamalarda, xalıq aralıq huqıqta, printsipler jıyındısında
ha’m basqada huqıqıy normalardın’ dereklerinde o’z sa’wleleniwin tapqan. İnsan
huqıqları tarawındag’I nızamlar ma’mleket moynına anıq ta’rizde is ko’riwin
25
ju’kleydi ha’m ma’mleketlerge belgili bir xızmet tu’rlerin a’melge asırıwdı
qadag’an etedi. Sonın’ menen birge nızam insan huqıqların belgilemeydi. İnsan
huqıqları bul ha’r bir adam insan shaxsının’ na’tiyjesi bolg’an huqıqlar.
Sha’rtnamalar ha’m basqa huqıq derekleri, qag’ıydag’a muwapıq, ayrıqsha shaxs
ha’m toparlarda olardın’ o’zi nsanıylıq huqıqların a’melge asırıwg’a tosqınlıq
qılıwshı hu’kimetler ha’reketleri yaki ha’reketsizliginen ra’smiy qorg’awg’a
xızmet qıladı.
İnsan huqıqlarının’ en’ a’hmiyetli o’zgeshelikleri:
Olar ha’r bir insannın’ qa’dir-qımbatı ha’m qa’driyatın hu’rmet
qılıwg’a tiykarlang’an,
Olar universal, yag’nıy barlıq insanlarg’a ten’, hesh bir kemsitiwlersiz
qollanıladı;
Olar ajıralmas, yag’nıy hesh kim o’z insanıylıq huqıqlar ınan ayrılıp
qalıwı mu’mkin emes, bug’an ayrıqsha jag’daylar kirmeydi, olar; eger sud
ta’repinen qaysı durs shaxs jınayat islegenlikte ayıbı da’liylense,
erkinenayrılıwımu’mkin;
Olar bo’linbeydi, o’z-aratıg’ız baylanısqan, o’ytkeni insannın’ bir
huqıqına a’mel qılıp basqasına a’mel qıliw aslıq jeterli emes. A’meliyatta bir
huqıqtın’ buzılıwı basqa huqıqtın’ buzılg’anlıg’ına alıp keledi. Sol sebepli, barlıq
insan huqıqlarına ten’ a’hmiyetli dep ha’mde ha’r bir insannın’ qa’dir-qımbatı
ja’ne qa’driyatın ta’miynlewde ten’ da’rejede za’ru’r dep qaralıwı tiyis.
Bu’gingi ku’nde İnsan xuqıqları du’nya ju’zlik deklaratsiyası du’nya
ja’miyeti dıqqatının’ orayında turıptı. Deklaratsiya - (bayanlaw, ja’riyalaw)-
ma’mleket, hu’kimet, partiya, sho’lkem atınan boljaw; tiykarg’I printsiplerdi
saltanatlı tu’rde ja’riya etiw, sonday-aq, olar ja’riya etilgen hu’jjet bolıp tabıladı.
Dostları ilə paylaş: |