Magistrantların XXI Respublika Elmi konfransı, 17-18 may 2021-ci il
469
xüsusi yer tutur. Bunun nəticəsidir ki, xalq musiqisinin maddi-mənəvi gözəlliyini təbliğ edən musiqi daim
xalqımızın ruhuna hopmuş və mənəvi dünyamızda xüsusi yer almışdır. Demək olar ki, xalqımızın təşəkkül
tapıb formalaşdığı dövrlərdən musiqi onun sirdaşı olmuşdur. Xalq musiqimizin tarixi də elə xalqımızın tarixi
qədər qədimdir. Bizim mahnılarımıza həm vətənimizdə həm də uzaq ölkələrdə qiymət verərək rəğbətlə qulaq
asanlar vardır.
Tarix boyu xalqımızın məhəbbət bəslədiyi mahnı, aşıq musiqisi, oyun havaları və muğamlar bizim
məişətimiz, mədəniyyətimiz, əməyimiz ilə bağlı olmuş və xalqımızın həyatında əvəzsiz rol oynamışdır. Öz
düşüncələrini, hislərini,
arzu istəklərini, gələcəyə olan ümidlərini və bu kimi cəhətləri ürəyindən süzülüb
gələn melodiyalarla ifadə edən insanlar xalq musiqimizin əsasını qoymuşdur və nəticədə bu istiqamətdə
inkişaf baş vermişdir.
Bununla da xalq musiqisinin janrları yaranmışdır. Məsələn, əməklə, qəhrəmanlıqla, adət-ənənələrlə, el
şənlikləri ilə, toy - düyünlərlə və digər mərasimlərlə bağlı xalq musiqisi yaranıb ki, buraya da əsasən, mahnı
və rəqslər daxildir.
Əsrlər boyu xalq tərəfindən yaradılan musiqi nümunələri Azərbaycan
professional musiqi
mədəniyyəti üçün də əsl mənbə olmuşdur. Əsası Üzeyir Hacıbəyli tərəfindən qoyulan Azərbaycan
bəstəkarlıq məktəbinin nümayəndələri öz yaradıcılıqlarını xalq musiqisi üzərində qurmuş və bunun üçün də
çox dəyərli sənət əsərləri yaratmışlar. O əsərlərin kökü xalqa bağlı olduğundan onlar daim sevilmiş, digər
ölkələrdə də uğurla səsləndirilmişdir.
Elə bu məqamda dahi sənətkarımız Üzeyir Hacıbəylinin bir kəlamını xatırlayaq. O yazır ki, “Əgər bir
musiqi sənin öz xalqının xoşuna gəlirsə, bil ki, o bütün xalqların xoşuna gələcək
və beynəlmiləl bir əsər
olacaq.” Mənim fikrimcə bu müdrik deyim bir tövsiyə olaraq Azərbaycan bəstəkarlarının yaradıcılığında öz
real təsdiqini tapmışdır. Belə ki, hansı bəstəkarın əsərini xalq sevibsə, o əsəri dünya sənətsevərləri də böyük
rəğbətlə qarşılayıblar.
Əsrimizin əvvəllərində ilk operasını – ilk Azərbaycan, ilk şərq operasını – “Leyli və Məcnun”-u
yaradan Üzeyir Hacıbəyli məhz muğamata əsaslanmışdı. XIX əsrin sonu XX əsrin əvvəllərində muğamat
Azərbaycan xalqının vokal və instrumental mədəniyyətindəki ən gözəl keyfiyyətləri özündə birləşdirirdi.
Üzeyir Hacıbəyli “Leyli və Məcnun”operasında muğamatdan savayı, xalq mahnılarından
və instrumental
havalardan da geniş istifadə etmişdir .
Üzeyir Hacıbəylinin ölməz ənənəsini onun ardıcılları uğurla davam etdirmişlər. Müslüm Maqomayev,
Asəf Zeynallı, Əfrasiyab Bədəlbəyli, Niyazi, Cövdət Hacıyev, Qara Qarayev Aqşin Əlizadə, Arif Məlikov –
bir sözlə xalqımızın yaşlı və cavan bəstəkarları özlərinin yaradıcılığında xalq mahnılarından istifadə ediblər.
Ata – babalarımızdan bizə miras qalmış qiymətli xalq mahnılarını gələcək nəsillərə olduğu kimi çatdırmaqla
xalq mahnılarını işləyib yenidən, yeni görkəmdə daha da zənginləşdirilmiş
şəkildə xalqa qaytarmaqla
vəzifələrini layiqincə yerinə yetirmişlər.
Xalq mahnıları estetik cəhətdən ancaq şifahi, yəni canlı ifa yolu ilə dinləyiciyə güclü təsir bağışlayır,
üstəlik, Azərbaycan xalq mahnıları incə, dürüst ifaya çox həssasdır. İntonasiya cəhətdən bəzi qanunlara
düzgün əməl olunmasa, mahnılarımız öz canlılığını, təsir gücünü itirər, ölüb gedər.
Xalq musiqisinin əbədiyaşarlığı yolunda başda Üzeyir Hacıbəyli olmaqla Fikrət Əmirov və onun
“silahdaşları” mühüm xidmətlər göstərmişlər. Xalq musiqisinin toplanması və nota salınması
dahi Üzeyir
bəyin xidmətlərindən başlayır. O, 1927 – ci ildə öz məsləkdaşı Müslüm Maqomayevlə birlikdə “Azərbaycan
– Türk el nəğmələri” məcmuəsini nəşr etdirir. 1930 – cu ildə onun təşəbbüsü ilə görkəmli sənətkarımız
Bülbülün rəhbərliyi ilə Konservatoriyanın nəzdində “Xalq musiqi kabineti” fəaliyyət göstərir.
Bülbülün redaktəsi və Cabbar Qaryağdıoğlunun oxusundan Səid Rüstəmov, Tofiq Quliyev və Fikrət
Əmirovun nota yazdıqları əsasında 2 cildlik “Azərbaycan xalq mahnıları” məcmuəsi yaranmışdır. Həmin
məcmuələrdə Fikrət Əmirov bu mahnıları nota yazmışdır.Azərbaycan xalq mahnıları 1 – ci cild: “Xoş
gəldin”, “Ay mübarək”, “Boyuna qurban” və s. Azərbaycan xalq mahnıları 2 – ci cild “Gülə-gülə”, “Şal
alan”, “Ceyran bala” , “Leyla” və s.
Fikrət Əmirovun “Əgər Cabbar Qaryağdıoğlu xalq musiqisinin düşünən beyni idisə, Seyid Şuşinski bu
musiqinin çırpınan ürəyidi” deməsinin səbəbi bu idi ki, o, hələ uşaq yaşından tanıyıb pərəstiş etdiyi Cabbar
Qaryağdıoğlu və Seyid Şuşinski ilə çiyin-çiyinə çalışmaqdan daha da ruhlanmış, onların sənətindən
bəhrələnmişdir.
Dostları ilə paylaş: