|
![](/i/favi32.png) Ministry of education of azerbaijan republic sumgayit state universityMagistrantların XXI Respublika Elmi konfransı, 17-18 may 2021-ci ilmagistr2021 3 2Magistrantların XXI Respublika Elmi konfransı, 17-18 may 2021-ci il
468
rəssamlarının Bəhruz Kəngərliyə həsr etdikləri gözoxşayan təsviri və dekorativ-tətbiqi sənət nümunələri
muzeyin fondunu zənginləşdirməsində müəyyən rol oynamışdır.
Dövrün tələbinə uyğun olaraq muzey öz işini sosial şəbəkələrdə də aktiv şəkildə davam etdirir. Muzey
vətənpərvər rəssamın bəddi irsini layiqli şəkildə, şərəflə təbliğ edir.
Fikrimizcə Bəhruz Kəngərli təkcə rəssam kimi deyil, həmdə Azərbaycan xalqının görkəmli
nümayəndəsi kimi tarixə düşən şəxsiyyətlər arasında özünəməxsus yeri vardır. Məhz onun vətən və xalq
qarşısındakı xidmətləri nəzərə alınaraq, irsi gənclərə, şəhərimizi ziyarət edən xarici və yerli qonaqlara təbliğ
edilməlidir. Sağlığında özü yeni məktəb yaradan Bəhruz Kəngərli bir məktəb kimi ölümündən sonrada ya-
ratdığı sənət nümunələri ilə birlikdə əbədi xatırlanmalı və öyrənilməlidir.
QARABAĞ SƏNƏT TARİXİNİN TƏDQİQİNƏ DAİR
Quliyeva T.M.
Naxçıvan Dövlət Universiteti
E-mail:
turkanq30@gmail.com
Bu tezisin məqsədi Azərbaycan təsviri incəsənətinin çox əsirlik tarixindən və zəngin bədii
ənənələrindən bəhs etməkdir. Əhəmiyyətli tarixi coğafi mövqeyə sahib Qarabağ Azərbaycanın bu çoxəsirlik
təsviri incəsənət tarixində mühüm yeri olduğunu hesab etmək olar.
Qarabağın özünə məxsus incəsənətinin
demək olar ki, Azərbaycanın incəsənət tarixində xüsusi yeri olmuşdur. Azərbaycan təsviri incəsənət tarixinin
Qarabağ səhifələrinə nəzər salsaq, bu bölgədə təsviri incəsənətin bir çox növlərinin inkişaf edildiyinin şahidi
oluruq. Boyakarlıq, memarlıq eləcə də dekorativ tətbiqi sənətin bir çox növlərini, bədii tikmə, bədii oyma,
xalçaçılıq kimi dekorativ tədbiqi sənət sahələrinin tətbiq edildiyi əsrarəngiz sənət nümunələri düşmən
vəhşiliyinə məruz qalsa da günümüzə qədər gəlib çatmışdır. Londonun Viktoriya və Albert, Parisin Luvr,
Vaşinqtonun Metropoliten, Vyananın, Romanın, Berlinin, İstambulun, Tehranın, Qahirənin zəngin muzey
kolleksiyalarına nəzər salınsa Qarabağ ustaları tərəfindən yaradılmış belə sənət nümunələrini görmək
mümkündür. Qarabağ memarlıq və incəsənət əsərlərinin tədqiq olunması incəsənət əsərlərinin tədqiqi
sahəsində olan bu boşluğun doldurulması üçün irəliyə doğru atılmış mühüm addım ola bilər.
Qarabağ dekorativ tədbiqi sənət nümunələri kimi onun əvəzsiz memarlıq əsərlərindən Qafqaz
Albaniyası dövrünə məxsus dini istehkamlar, bazilika funksiyası daşıyan monastrlar və monastır
kompleksləri dünya əhəmiyyətli tarix-mədəniyyət abidələri hesab edilir. Eləcədə İslam dininin bu
torpaqlarda yayılması özü ilə birlikdə islam memarlığınında tədbiqi sənət sahəsində bir sıra yenilikləri
təcəssüm etdirirdi.
Lakin uzun müddətli Erməni işğalı bu sahədə aparılmalı olan çoxşaxəli tədqiqatlar üçün maneə
olmuşdur. Məlumdur ki, Azərbaycan və Ermənistan münaqişələrinin yaşandığı ilk dövürlərdən etibarən
ermənilər Qarabağ və ətaf ərazilərini hərb meydanına çevirmişdir. Əlbətdəki bu heçdə əbəs yerə deyildi.
Ermənilərin ilk hədəfi səngərlər deyil birbaşa Azərbaycan mədəniyyətinin qədimliyindən xəbər verən
memarlıq abidələri və əhəmiyyətli dəyərə sahib olan dekorativ tədbiqi sənət nümunələri olmuşdur.
Eyni zamanda 30 illik maneə ilə yanaşı, təsviri və tədbiqi sənət numunələrinin eləcə də memarlıq
abidələrinin dağıdılması, məhv edilməsi, digər bir cəhətdən isə saxtalaşdırılması ünsürləri uzun müddətli
tədqiqatların zəruriliyinin göstəricisidir. Qarabağ təsviri incəsənət əsərlərinin və memarlıq abidələrinin
tədqiqi, Qarabağın Azərbaycanın ayrılmaz bir hissəsi olduğunu incəsənət və mematlıq sübutları ilə dünya
dövlətlərində yetərincə tanıdılmasında böyük rol oynayacaqdır.
Dostları ilə paylaş: |
|
|