Mistoqsijiet Parlamentari Seduta Nru. 90 It-Tnejn, ta' Marzu, 2017 fis-6: 00 p m. Mistoqsijiet għal tweġibiet orali qorti kriminali u ċivili sentenzi tal-appell
IDENTITY MALTA – APPLIKAZZJONIJIET GĦAĊ-ĊITTADINANZA MALTIJA PENDENTI
Yüklə 60,24 Kb.
|
IDENTITY MALTA – APPLIKAZZJONIJIET GĦAĊ-ĊITTADINANZA MALTIJA PENDENTI 31508. L-ONOR. PAULA MIFSUD BONNICI staqsiet lill- Ministru għall-Ġustizzja, Kultura u Gvern Lokali: Jista’ l-Ministru jgħid kemm hemm applikazzjonijiet għaċ-ċittadinanza Maltija pendenti fil-preżent ġewwa Identity Malta? Jista’ jgħid kemm minnhom huma għal ċittadinanza biż-żwieġ, b'naturalizzazzjoni u taħt l-iskema IIP? 24/02/2017 ONOR. OWEN BONNICI: Ninforma lill-Onor. Interpellant li l-informazzjoni mitluba għadha qed tinġabar. Seduta 490 06/03/2017 APPLIKAZZJONIJIET GĦAĊ-ĊITTADINANZA 31509. L-ONOR. PAULA MIFSUD BONNICI staqsiet lill- Ministru għall-Ġustizzja, Kultura u Gvern Lokali: Jista’ l-Ministru jgħid kemm hemm applikazzjonijiet għaċ-ċittadinanza Maltija li għaddew mill-istadji kollha meħtieġa u jonqoshom biss il-firma tiegħu? Jista’ jgħid kemm minnhom saret l-applikazzjoni għalihom fis-sena 2015 jew qabel u ta' liema sena hi l-aktar applikazzjoni li ilha pendenti? 24/02/2017 ONOR. OWEN BONNICI: Ninforma lil-Onorevoli Interpellant li l-informazzjoni ghadha qed tingabar. Seduta 490 06/03/2017 PERSUNI LI JKUNU JĦALLSU L-KONTRIBUZZJONIJIET – BONUS 31510. L-ONOR. PAULA MIFSUD BONNICI staqsiet lill- Ministru għall-Familja u Solidarjetà Soċjali: Jista’ l-Ministru jgħid jekk il-bonus li jitħallas kull sena lil numru ta’ persuni li jkunu ħallsu l-kontribuzzjonijiet imma li ma ħallsux biżżejjed biex jikkwalifikaw għall-pensjoni, tibqax tingħata meta dawn il-persuni jagħlqu l-75 sena u jikkwalifikaw għall-għotja ta’ €300 persuni li jkunu għadhom jgħixu d-dar? 24/02/2017 ONOR. MICHAEL FARRUGIA: Ninforma lill-Onor. Interpellant li, il-bonus li jitħallas kull sena lil numru ta’ persuni li ma jkunux ħallsu kontribuzzjonijiet biżżejjed biex ikunu intitolati għall-pensjoni, jingħata sakemm dawn l-istess persuni jagħlqu l-75 sena u wara jikkwalifikaw għall-għotja ta’ €300 jekk ikunu għadhom jgħixu ġewwa darhom. Seduta 490 06/03/2017 BREAKWATER TAL-ĠEBEL - ĦSARAT 31514. L-ONOR. ĊENSU GALEA staqsa lill- Ministru għat-Trasport u l-Infrastruttura: B'referenza għar-risposta għall-mistoqsija parlamentar 31007, jista' l-Ministru jqiegħed fuq il-Mejda tal-Kamra kopja tal-istess rapporti li hemm indikati fir-risposta? 24/02/2017 ONOR. JOE MIZZI: L-informazzjoni mitluba qed titpoġġa fuq il-Mejda tal-Kamra. Seduta 490 06/03/2017 SAN PAWL IL-BAĦAR – TAL-VEĊĊJA – XOGĦOL TA’ TISWIJA 31515. L-ONOR. ĊENSU GALEA staqsa lill- Ministru għat-Trasport u l-Infrastruttura: Jista' l-Ministru jagħti tagħrif dwar jekk il-Ministeru kkonkludiex xi investigazzjoni dwar il-passi li jridu jittieħdu biex fl-inħawi Tal-Veċċja, San Pawl il-Baħar, fejn matul ix-xhur li għaddew kienet waqgħet parti mill-blat ta' wieħed mill-għerien li hemm hemmhekk? Billi issa qed jerġa' joqrob is-sajf, u allura jerġa' jibda l-għawm, jista' jagħti tagħrif dwar jekk hux se jsir xi xogħol ta' tiswija qabel ix-xhur tas-sajf? 24/02/2017 ONOR. JOE MIZZI: Nirreferi lill-Onor Interpellant għat-tweġiba mogħtija għall-Mistoqsija Parlamentari 28804. Seduta 490 06/03/2017 SAN PAWL IL-BAĦAR – SURVEY TAL-BLAT 31516. L-ONOR. ĊENSU GALEA staqsa lill- Ministru għat-Trasport u l-Infrastruttura: Billi taħt it-Torri ta' Wignacourt, San Pawl il-Baħar, fil-livell tal-baħar jidher li tħaffer għar pjuttost kbir taħt l-istess torri, jista' l-Ministru jagħti tagħrif dwar jekk reċentement sarx xi survey tal-blat f'dan il-post? Jekk fil-fatt ma sarx tali survey, jista' jieħu l-passi neċessarji biex fl-istess inħawi jsir survey tal-blat indikat, u dan biex jiġi aċċertat jekk hemmx periklu nkella le, u biex ukoll jekk jirriżulta periklu jittieħdu l-passi neċessarji biex tali periklu jitneħħa? 24/02/2017 ONOR. JOE MIZZI: Ninforma lill-Onor. Interpellant li ser jiġi mqabbad perit tad-Dipartiment tax-Xogħlijiet biex imur jagħmel rapport dwar is-sit. Seduta 490 06/03/2017 SAN PAWL IL-BAĦAR – MANHOLES - COVERS 31517. L-ONOR. ĊENSU GALEA staqsa lill- Ministru għat-Trasport u l-Infrastruttura: Billi jidher li l-Korporazzjoni għas-Servizzi tal-Ilma m'għandhiex l-informazzjoni kollha marbuta man-numru ta' manholes li għandha fil-lokalità kollha ta' San Pawl il-Baħar, jista’ l-Ministru jagħti tagħrif dwar kif qed jiġi assigurat li dawn l-istess manholes ikollhom il-covers tagħhom preċiż mal-livell tat-triq, u dan biex ma jkunx hemm periklu għas-sewwieqa li jgħaddu minn fuq dawn l-istess tappieri? Jista' jagħti tagħrif dwar jekk Transport Malta (TM) tgħaddix informazzjoni dwar ħsarat fuq dawn it-tappieri lill-Korporazzjoni għas-Servizzi tal-Ilma , u jekk iva meta ġew mgħoddija l-aħħar rapporti? 24/02/2017 ONOR. JOE MIZZI: Ninforma lill-Onor. Interpellant li Transport Malta hija responsabbli minn toroq arterjali u distributorji. Dawn it- toroq jiġu spezzjonati perjodikament, u tali kwestjonijiet fl-infrastruttura ta’ entitajiet oħra jiġu rappurtati lill-istess entitajiet. Seduta 490 06/03/2017 TRANSPORT MALTA – STALLAZZJONI TA’ PELICAN LIGHTS 31518. L-ONOR. ĊENSU GALEA staqsa lill- Ministru għat-Trasport u l-Infrastruttura: Jista' l-Ministru jagħti tagħrif dwar jekk Transport Malta hux se tinstalla pelican lights matul il-front ta' Buġibba u l-Qawra, fejn jirriżulta li fil-fatt hemm il-ħtieġa ta' dawn l-istess lights? 24/02/2017 ONOR. JOE MIZZI: Ninforma lill-Onor. Interpellant li pelican crossings fuq toroq tal-Kunsilli huma proposti mill-Kunsilli. Il-proposti mbagħad jiġu approvati, jew le, minn Transport Malta. Preżentament Transport Malta għadha kif approvat pelikan crossing f’din il-medda. Ix-xogħlijiet fuq din il-crossing issa jsiru skont il-prioritajiet nazzjonali, fondi disponibbli u l-proċess tal-akwist. Seduta 490 06/03/2017 DĦUL TA’ 50 ĊENTEŻMU - PROĠETTI 31519. L-ONOR. ĊENSU GALEA staqsa lill- Ministru għat-Turiżmu: Jista' l-Ministru jagħti tagħrif dwar jekk hux se jinbeda xi proġett partikulari li se jiġi ffinanzjat mid-dħul li kien hemm s’issa mill-50 ċenteżmu ħlas tat-turisti għal kull lejl li turist iqatta' f'lukanda? Billi oriġinarjament kien intqal li l-Gvern kien se jagħmel top up ta' madwar żewġ miljuni fuq il-flus li jinġabru minn dan is-sors, jista' jagħti tagħrif dwar jekk fil-fatt hux se jkun hemm dan it-top up annwali, u jekk iva, jista' jassigura li dawn il-fondi fil-fatt jiġu użati għall-proġetti mressqa mill-kunsilli lokali, billi jidher li l-fondi li se jinġabru mill-50 ċenteżmu mhux se jintefqu fuq proġetti li huma prijorità fil-lokalitajiet rispettivi? 24/02/2017 ONOR. EDWARD ZAMMIT LEWIS: Ninforma lill-Onor. Interpellant sabiex jirreferi għat-tweġiba għall-Mistoqsijiet Parlamentari numru 25615, datata 25 ta’ Mejju u numru W460, datata 10 ta’ Ottubru 2016. Seduta 490 06/03/2017 IR-RABAT – TRIQ ĠORĠ BORG OLIVIER - ZEBRA CROSSING 31527. L-ONOR. ANTOINE BORG staqsa lill- Ministru għat-Trasport u l-Infrastruttura: Jista’ l-Ministru jieħu azzjoni mill-aktar fis biex iż-zebra crossing li hemm fit-Triq Ġorġ Borg Olivier kważi kantuniera ma' Triq il-Kulleġġtitressaq iżjed 'l isfel, peress li tinsab eżattament kif iddur ma' kantuniera u tista’ tkun ta' periklu għal min jaqsam it-triq, u kif ukoll għas-sewwieqa? 27/02/2017 ONOR. JOE MIZZI: Ninforma lill-Onor. Interpellant li t-Traffic Management Unit ser jistudja u jevalwa din il-proposta biex jikkonkludi fuq l-aħjar soluzzjoni f’dan ir-rigward. Seduta 490 06/03/2017 IR-RABAT – HOLD UPS U SERQ MINN DJAR U STABBILIMENTI KUMMERĊJALI 31528. L-ONOR. ANTOINE BORG staqsa lill- Ministru għall-Intern u s-Sigurtà Nazzjonali: Jista’ l-Ministru jgħid kemm kienu rrapurtati hold ups u serq minn djar u stabbilimenti kummerċjali ġewwa r-Rabat (Malta) mill-1 ta’ Jannar 2016 ‘l hawn? Kemm minnhom issolvew? 27/02/2017 ONOR. CARMELO ABELA: Ninforma lill-Onor. Interpellant illi ninsab infurmat li n-numru ta’ serq irrapurtat minn djar u stabbilimenti lill-Pulizija fir-Rabat bejn l-1 ta’ Jannar 2016 u l-31 ta’ Jannar 2017 kien jammonta għal 38 każ, illi minnhom wieħed ġie solvut. Ma kienx hemm hold ups irrapurtati fl-istess perjodu. Seduta 490 06/03/2017 ĦAŻ-ŻEBBUĠ – HOLD UPS U SERQ MINN DJAR U STABBILIMENTI KUMMERĊJALI 31529. L-ONOR. ANTOINE BORG staqsa lill- Ministru għall-Intern u s-Sigurtà Nazzjonali: Jista’ l-Ministru jgħid kemm kienu rrapurtati hold ups u serq minn djar u stabbilimenti kummerċjali ġewwa Ħaż-Żebbuġ mill-1 ta’ Jannar 2016 ‘l hawn? Kemm minnhom issolvew? 27/02/2017 ONOR. CARMELO ABELA: Ninforma lill-Onorevoli Interpellant illi ninsab infurmat li kien hemm 13 -il rapport ta’ serq minn djar u stabbilimenti kummerċjali rrappurtati lill-Pulizija f’Ħaż Żebbuġ bejn l-1 ta’ Jannar 2016 u l-31 ta’ Jannar 2017 u tlieta minnhom ġew solvuti. Ma kienx hemm każi ta’ hold ups fl-istess perjodu. Seduta 490 06/03/2017 ĦAD-DINGLI – HOLD UPS U SERQ MINN DJAR U STABBILIMENTI KUMMERĊJALI 31530. L-ONOR. ANTOINE BORG staqsa lill- Ministru għall-Intern u s-Sigurtà Nazzjonali: Jista’ l-Ministru jgħid kemm kienu rrapurtati hold ups u serq minn djar u stabbilimenti kummerċjali ġewwa Ħad-Dingli mill-1 ta’ Jannar 2016 ‘l hawn? Kemm minnhom issolvew? 27/02/2017 ONOR. CARMELO ABELA: Ninforma lill-Onorevoli Interpellant illi ninsab infurmat li kien hemm tlett rapporti ta’ serq minn djar u stabbilimenti kummerċjali rrappurtati lill-Pulizija f’Ħad Dingli bejn l-1 ta’ Jannar 2016 u l-31 ta’ Jannar 2017 u dawn għadhom mhux solvuti. Ma kienx hemm każi ta’ hold ups irrappurtati fl-istess perjodu. Seduta 490 06/03/2017 L-IMTARFA – HOLD UPS U SERQ MINN DJAR U STABBILIMENTI KUMMERĊJALI 31531. L-ONOR. ANTOINE BORG staqsa lill- Ministru għall-Intern u s-Sigurtà Nazzjonali: Jista’ l-Ministru jgħid kemm kienu rrapurtati hold ups u serq minn djar u stabbilimenti kummerċjali ġewwa l-Imtarfa mill-1 ta’ Jannar 2016 ‘l hawn? Kemm minnhom issolvew? 27/02/2017 ONOR. CARMELO ABELA: Ninforma lill-Onorevoli Interpellant illi ninsab infurmat li n-numru ta’ serq irrapurtati minn djar u stabbilimenti lill-Pulizija fl-Imtarfa bejn l-1 ta’ Jannar 2016 u l-31 ta’ Jannar 2017 kien jammonta għal tlieta u dawn għadhom mhux solvuti. Ma kienx hemm każi ta’ hold ups irrapurtati fl-istess perjodu. Seduta 490 06/03/2017 L-IMĠARR – HOLD UPS U SERQ MINN DJAR U STABBILIMENTI KUMMERĊJALI 31532. L-ONOR. ANTOINE BORG staqsa lill- Ministru għall-Intern u s-Sigurtà Nazzjonali: Jista’ l-Ministru jgħid kemm kienu rrapurtati hold ups u serq minn djar u stabbilimenti kummerċjali ġewwa l-Imġarr mill-1 ta’ Jannar 2016 ‘l hawn? Kemm minnhom issolvew? 27/02/2017 ONOR. CARMELO ABELA: Ninforma lill-Onor. Interpellant illi ninsab infurmat li kien hemm ħames rapporti ta’ serq minn djar u stabbilimenti kummerċjali rrappurtati lill-Pulizija fl-Imġarr bejn l-1 ta’ Jannar 2016 u l-31 ta’ Jannar 2017 u dawn għadhom mhux solvuti. Ma kienx hemm rapporti ta’ hold ups fl-istess perjodu. Seduta 490 06/03/2017 LOCAL PLAN REVIEW 31534. L-ONOR. ETIENNE GRECH staqsa lill- Prim Ministru: Jista’ l-Prim Ministru jgħid jekk il-Local Plan Review huwiex imminenti? 27/02/2017 ONOR. JOSEPH MUSCAT: Ġejt infurmat mill-Awtorità tal-Ippjanar li x-xogħol fuq ir-reviżjoni komprensiva tal-Pjanijiet Lokali kollha għal Malta u Għawdex kompla għaddej u issa qed ikun hemm focus fuq numru ta’ issues li huma ta’ natura aktar strateġika u li jinħtieġ ġbir ta’ aktar informazzjoni u evalwazzjoni ta’ options differenti Seduta 490 06/03/2017 PENSJONIJIET TAD-DIŻABILITÀ - TIPI 31535. L-ONOR. ETIENNE GRECH staqsa lill- Ministru għall-Familja u Solidarjetà Soċjali: Jista’ l-Ministru jgħid x’tibdiliet kien hemm fid-disability pension u x’tipi jeżistu (issa) u kif se jsir l-assessjar tal-każijiet u minn min se jsir l-assessjar? Jista’ jgħid kif u jekk hux se jkunu means tested, u jekk id-diżabilità tingħatax skont il-kundizzjoni speċifika jew jekk hux skont il-kwantità ta’ inkapaċità (skont l-Indiċi Barthel) tkun xi tkun il-kundizzjoni li persuna jkun ibati minnha? Jista’ jsemmi ċifri tat-tipi varji ta’ dan il-benefiċċju? 27/02/2017 ONOR. MICHAEL FARRUGIA: Ninforma lill-Onor. Interpellant illi, bis-saħħa tar-riforma fl-Assistenza ta’ Diżabilità nħolqu tlett livelli: · Assistenza Miżjuda għal Diżabilità Severa – fejn persuna li tkun tbagħti minn diżabilità skont l-iskali fil-liġi u jkun ċertifikat minn Bord Multi Dixxiplinarju minn 0 sa 4 skont l-iskala Barthel jitqies eleġibli għal din l-assistenza. Din l-assistenza mhix means tested. Peress li hu benefiċċju ġdid għad ma jistax jingħata n-numru ta’ benefiċjarji. · Assistenza għal Diżabilità Severa – Dan huwa l-istess benefiċċju li kien hemm qabel u sabiex persuna tikkwalifika, minbarra t-test tal-mezzi, irid ikollha diżabilità skont dak elenkat fl-iskeda tal-liġi tas-Sigurtà Soċjali. L-ammont ta’ benefiċjarji huwa ta’ 3307. · Assistenza għal Diżabilità – Dan huwa benefiċċju ġdid għal persuni li għandhom riġel jew driegħ nieqes jew ma jiffonzjonax. Dan il-benefiċċju huwa means tested. Peress li dan huwa wkoll benefiċċju ġdid għad ma hemmx statistika dwar in-numru ta’ benefiċjarji. Seduta 490 06/03/2017 BENEFIĊĊJU GĦALL-PERSUNI LI JDURU BIL-ĠENITURI TAGĦHOM 31536. L-ONOR. ETIENNE GRECH staqsa lill- Ministru għall-Familja u Solidarjetà Soċjali: Jista’ l-Ministru jgħid jekk mara miżżewġa ta’ età qabel il-pensjoni li tkun qiegħda ddur b’wieħed jew tnejn mill-ġenituri tagħha jew ta’ żewġha fl-istess domiċilju hijiex intitolata għal xi benefiċċju? Dan il-benefiċċju jkun means tested u jiddependi jekk il-mara jew żewġha jaħdmux? Dan il-benefiċċju jiddependi wkoll mill-kundizzjoni ta’ saħħa fiżika jew mentali tal-anzjan jew anzjana li qiegħda tiġi kkurata? Jekk ikun qed jingħata dan il-benefiċċju, l-anzjani jistgħu japplikaw biex joqogħdu f’dar residenzjali? Jekk l-anzjani huma ta’ ‘l fuq minn 75 sena, xorta jieħdu t-€300 fis-sena? 27/02/2017 ONOR. MICHAEL FARRUGIA: Ninforma lill-Onor. Interpellant li, skont il-parametri l-ġodda tal-Allowance Miżjuda għal Carers, persuna miżżewġa tista’ tapplika sabiex tieħu ħsieb lil ġenituri tagħha jew tal-konjuġi jekk ikunu qegħdin jgħixu fl-istess indirizz. Din l-allowance mhix means tested u min ikun qed jieħu ħsieb il-pazjent ma jridx ikun qed jaħdem. Il-pazjent jiġi sottomess għall-Bord Multi Dixxiplinarju li jara l-każ skont il-Barthel Index jew il-Mini-Mental State Examination. Ir-riżultat ta’ dipendenza tal-Barthel Index irid ikun fil-kategorija ta’ bejn 0 – 8 u r-riżultat ta’ dipendenza tal-Mini-Mental State Examination irid ikun fil-kategorija ta’ bejn 0 – 9. Il-pazjent jista’ japplika sabiex joqgħod f’dar residenzjali, iżda l-allowance miżjuda għal carers tieqaf hekk kif jibda jgħix f’dar residenzjali. Jekk l-anzjan ikun għadu jgħix fil-komunità, però mhux f’dar residenzjali, jibqa’ eliġibbli għall-għotja ta’ €300 fis-sena. Seduta 490 06/03/2017 FONDAZZJONI RICHMOND – SERVIZZI OFFRUTI – FONDI MILL-GVERN 31539. L-ONOR. STEPHEN SPITERI staqsa lill- Ministru għas-Saħħa: Jista’ l-Ministru jindika liema huma dawk is-servizzi offruti mill-Fondazzjoni Richmond li qed jirċievu fondi mill-Gvern? Jista’ jgħid kemm ġew allokati flus din is-sena għal kull servizz mogħti minn din l-NGO u x’irid wieħed jagħmel biex jagħmel użu minn dawn is-servizzi? 27/02/2017 ONOR. CHRIS FEARNE: Ninforma lill-Onorevoli Interpellant li s-servizzi mogħtija mill-Fondazzjoni Richmond li huma megħjuna finanzjarjament mill-Gvern jinkludu akkommodazzjoni provduta għall-pazjenti bi problemi ta’ saħħa mentali fi tlett hostels li jinsabu f’Ħal Qormi, Ħ’Attard u Raħal Ġdid. Dar il-Merill f’Ħal Qormi, Villa Rubery ġewwa Ħ’Attard u l-Hostel f’Raħal Ġdid joffru servizz ta’ akkomodazzjoni għal 34 pazjent. Dawn il-pazjenti jingħatalhom ukoll servizz ta’ kura għal 24 siegħa kuljum. Jingħatalhom is-sapport meħtieġ minn Carers speċjalizzati fil-qasam tal-kura tas-Saħħa Mentali. Ninfurmah ukoll li wara li l-pazjenti jkun sarilhom diversi follow ups u aktar tard assessment minn tim multidixxipplinarju, dawn ikunu jistaw jgħixu kemm jista’ jkun indipendenti fi djarhom jew f’wieħed mill-hostels tal-Fondazzjoni Richmond filwaqt li xorta jkunu qed jieħdu l-kura u s-sapport minn nies professjonali f’dan il-qasam.
06/03/2017 PSYCHOLOGY AND FAMILY THERAPY SERVICES - PROFESSJONISTI 31540. L-ONOR. STEPHEN SPITERI staqsa lill- Ministru għall-Familja u Solidarjetà Soċjali: Jista’ l-Ministru jgħid fiex jikkonsistu l-Psychology and Family Therapy Services? Jista’ jgħid kemm hemm professjonisti joffru dawn is-servizzi u kemm kien hemm familji li bbenefikaw minn dawn is-servizzi mis-sena 2014 sad-data li fiha tkun imwieġba din il-mistoqsija? 27/02/2017 ONOR. MICHAEL FARRUGIA: Ninforma lill-Onor. Interpellant li l-informazzjoni mitluba minnu hija kif ġej: · Fis-Psychology Team bħalissa hemm 5 impjegati jaħdmu full-time, 11 jaħdmu part-time jew siegħat mnaqqsa u waħda li qiegħda fuq unpaid leave. In-numru ta’ persuni u familji li ħadem magħhom Is-Psychology Team, huwa kif ġej: 2014: 278 persuna, 2015: 287 persuna u 38 familja, 2016 (sa Ġunju): 179 persuna u 17-il familja. · Fil-Family Therapy Services bħalissa hemm 3 impjegati full-time, 3 part-time jew b’sieghat imnaqqsa u waħda fuq unpaid leave. In-numru ta’ persuni u familji li ħadmu magħhom il-ħaddiema tal-Family Therapy Services, huwa kif ġej: 2014: 93 persuna, 2015: 132 persuna u 23 familja, 2016 (sa Ġunju): 101 persuna u 6 familji. Seduta 490 06/03/2017 DIPARTIMENT GĦALL-ANZJANI U KURA FIL-KOMUNITÀ – SERVIZZ TA’ OUTREACH 31541. L-ONOR. STEPHEN SPITERI staqsa lill- Ministru għall-Familja u Solidarjetà Soċjali: Jista’ l-Ministru jgħid fiex jikkonsisti s-servizz ta’ Outreach mogħti mid-Dipartiment għall-Anzjani u Kura fil-Komunità? Jista’ jgħid x’għandu wieħed jagħmel biex jirċievi dan is-servizz u kemm hemm klijenti li bħalissa qed jirċievu dan is-servizz u jekk hemmx xi waiting list? 27/02/2017 ONOR. MICHAEL FARRUGIA: Ninforma lill-Onor. Interpellant li, is-servizz ta’ Outreach jikkonsisti f’assessjar minn tim professjonali bħal infermiera, social worker u terapisti. Mill-assessjar joħroġ jekk l-klijent għandux bżonn li jiġi assistit minn carers. L-għan tas-servizz huwa li l-klijent jerġa’ jikseb l-indipendenza tiegħu. Minn naħa l-oħra qed naraw ukoll li t-talba għall-għajnuna ta’ Respite ġewwa d-dar tal-klijent żdiedet drastikament minn sena għal sena, fil-fatt ser jibda servizz ġdid li tħabbar fil-baġit ta’ Respite fid-dar. Bħalissa ma hemmx waiting list għas-servizz ta’ Outreach. Ngħarraf lill-Onor. Interpellant li, fis-sena 2016, kienu 50 klijent li għamlu użu mis-servizz ta’ Outreach.
06/03/2017 KLABB 3-16 - SERVIZZ 31542. L-ONOR. STEPHEN SPITERI staqsa lill- Ministru għall-Edukazzjoni u x-Xogħol: Jista’ l-Ministru jgħid kemm qed jattendu studenti f’kull lokalità fejn qed jingħata s-servizz Klabb 3 – 16 u x’inhuwa l-ħlas ta’ kull student li jagħmel użu minn dan is-servizz? 27/02/2017 ONOR. EVARIST BARTOLO: Ninsab infurmat mill-Fondazzjoni għal Servizzi Edukattivi li t-tagħrif mitlub hu kif muri fit-tabella hawn taħt, kif se nsemmi:
Yüklə 60,24 Kb. Dostları ilə paylaş:
|