100
xromosomaning uzun yelkasi sababchi bo‘lib u qanday o‘zgarishidan qatiy nazar
ushbu sindrom kelib chiqishi ma`lum bo‘ldi.
Populyatsiyada uchrash chastotasi 1:700 - 1:800.
Daun sindromli bolalar tug‘ilishi ona yoshiga ko‘proq bog‘liqligi aniqlangan. 35
yoshdan keyin tug‘uvchilarda Daun sindromli bolalar tug‘ilishi ehtimoli ancha ortadi,
45 yoshdagi onalardan mazkur sindromli bolalar tug‘ilishi chastotasi 1:15ga teng.
Tashqi ko’rinishi (37-rasm). Braxisefaliya, ensaning yassilanganligi, yapaloq
yuz, ko‘z yorig‘i mongoloid tipda, epikant, Brushfild dog‘i, mikrotiya, og‘izning
doimo ochiq bo‘lishi, makroglossiya, kalta burun va puchuqlik, quloqning
displastligi, mikrognatiya, bo‘yinning kalta va keng bo‘lishi, bo‘yinda teri burmasi
mavjudligi, qo‘krak qafasining deformasiyasi, mushaklar gipotoniyasi, qo‘l va
oyoqlar kaltaligi, oyoqda 1 va 2 barmoqlar orasining keng bo‘lishi, o‘ziga xos
qadam tashlash.
37-rasm.
Daun sindromli bolalarning tashqi ko’rinishi. Chapda 11 yoshli bola idiotiya darajasi.
O’ngda 14 yoshli bola dеbillik darajasi.
Daun sindromiga malakali pediatrlar tug‘ruq xonada 90% gacha to‘g‘ri diagnoz
qo‘ya oladilar.
Ichki a`zolar nuqsonlari. Yurakda, kamroq holda ichakda, ayirish sistemasida va
eshitish nuqsonlari uchraydi.
Funktsional simptomlar. Ruhiy rivojlanishning sekin kechishi, aqliy zaiflik
(imbesillik darajasigacha), Moro refleksi kuzatilmasligi, qalqonsimon bez
faoliyatining buzilishi, tez-tez yuqumli kasalliklar bilan og‘rish, leykoz, epilepsiya.
Kasal bolalar muloyim, sinchkov, itoatli bo‘lishadi. Irqidan, millatidan qatiy nazar
Daun sindromli bolalarning qiyofasi bir biriga o‘xshash bo‘ladi (38-rasm).
Diagnostikasi. Sitogenetik tekshiruvda kariotip analizi o‘tkazilganda, genotip:
trisomiya varianti 47,XX (yoki XY), +21 (94%), translokasiya varianti 45, XX (yoki
101
XY)+(15+21) (4%), mozaitsizm varianti 47, XX+21 /46, XX yoki 47, XY+21/46,
XY (2%) uchraydi.
38-rasm. Daun sindromli bolalar. Bolalarning qiyofasi bir biriga o’xshash bo’ladi.
Dermatoglifikasi. Kaftda "maymun" burmasi bo‘lishi, 5-barmoqda bitta burma
bo‘lishi va klinodaktiliyasi (ko‘pincha har ikkalasida), barmoqlarda yoylarning ko‘p
uchrashi, atd burchagining kattalashishi 80
o
atrofida.
Instrumental funksional tykshiruvlar. Ichki a`zolarni ultratovush, ExoKG,
rentgen tekshiruvlar yordamida – oval teshik bitmasligi, triada, tetrada Falo,
ichki azolar nuqsonlari aniqlanadi.
Differensial diagnostika. Tug‘ma gipotireoz va boshqa xromosoma sindromlari
bilan differentsial diagnostika o‘tkaziladi.
Davolash. Simptomatik davolash usullari qo‘llaniladi. Tug‘ma yurak nuqsonlari
jarrohlik yo‘li bilan davolanadi. Umumiy sog‘liqni mustaxkamlovchi davolash
doimo amalga oshirib boriladi. Daun sindromli shaxslar mustaqil hayot kechira
oladi, uncha murakkab bo‘lmagan kasblarni o‘zlashtira oladi, oila qurish holatlari
uchraydi.
5.3.1.2.Patau sindromi (D-trisomiyasi).
Ushbu sindrom 1960 yilda Patau tomonidan tasvirlangan bo‘lib, kasallik belgilari 13
juft xromosomaning trisomiyasi natijasida kelib chiqadi (39-rasm).
Populyatsiyada uchrash chastotasi. 1:5000-1:7000, jinslar orasida taqsimlanish 1:1
nisbatda.
Tashqi ko’rinishi. Bolalar prenatal gipoplaziya bilan tug‘iladi, mikrosefaliya, skalp
defekti, mikro yoki anoftalmiya, epikant, ko‘z yorig‘ining tor bo‘lishi, koloboma,
yuqori lab yoki tanglayning bir tomonlama yoki ikki tomonlama bitmay qolishi,
burunning puchuqligi, mikrogeniya, quloq suprasining past joylashishi va
deformatsiyalanishi, bo‘yin kaltaligi, oyoq va qo‘llarda polidaktiliya, barmoqlarning
fleksor holati, tirnoqlarning ko‘ndalangiga egilganligi, terida kapilyar gemangioma va
boshqalar.
102
Ichki a`zolar nuqsonlari: Arinsefaliya, miyacha gipoplaziyasi, yurakning tug‘ma
nuqsonlari- bo‘lmachalar va qorinchalar aro to‘siq, yirik qon tomirlar nuqsoni, aorta
dekstropozitsiyasi, Mekkel divertikuli, harakatchan ko‘richak, kindik churrasi,
buyraklarda-gidronefroz, kistalar, buyrakning ko‘p bo‘laklardan iborat bo‘lishi,
siydik yo‘llarida-gidro va megaureter, siydik nayi atreziyasi va stenozi, jinsiy
a`zolarda- chov churrasi, kriptorxizm, gipospadiya, bachadonning ikki shoxli
bo‘lishi va boshqalar.
Funktsional simptomlar. Karlik, tomir tortishishi, mushaklar gipotoniyasi, ruhiy
rivojlanishidan orqada qolish.
Diagnostika. Sitogenetik tekshiruvda kariotip analizi o‘tkazilganda, genotip :
46, XX (yoki XY) +13: yoki Robertson translokatsiyasi D/13, kamroq holda-
mozaitsizm 47, XY+13/46,XY; 47,XX+13/ 46,XX uchraydi.
39-rasm. Patau sindromli bolaning tashqi ko'rinishi.
Dermatoglifika. Barmoqlarda sirtmoqlarning va yoylarning (ayniqsa katta
barmoqda) ko‘p uchrashi, umumiy qirralar sonining kamligi, atd burchagining distal
tomonga surilishi va 108
0
katalashishi.
Instrumental funksional tykshiruvlar. Ichki a`zolarni ultratovush, ExoKG, rentgen
tekshiruvlar yordamida – yurak, oshqozon-ichak, siydik ajratish, jinsiy azolar
nuqsonlari aniqlanadi.
5.3.1.3.Edvards sindromi (E-trisomiyasi).
Populyatsiyada uchrash chastotasi. 1:5000 -1:7000, jinslar orasidagi nisbat 1:3,
qizlarda ko‘proq uchraydi.
Tashqi ko’rinishi. Skelet mushaklari va teri osti yog‘ kletchatkasi gipoplaziyasi,
dolixosefaliya, ensaning turtib chiqqanligi, qloq suprasining past joylashishi va
deformatsyayalanganligi, ko‘z yorig‘i kaltaligi, ptoz, epikant, mikroftalmiya,
mikrosomiya va mikrogeniya, tanglayning balandligi, lab va tanglay bitmasligi,
to‘sh suyagi kaltaligi, tirnoqlar gipoplaziyasi, gipertelorizm, bo‘yinning kaltaligi,
oyoq panjasi 1-barmog‘ining kaltaligi, qo‘l barmoqlarining ustma-ust joylashishi,
fleksor xolati.
a
Dostları ilə paylaş: |