Onlar süvari hissələrlə birgə vuruşmalarda iştirak etmiş olsaydılar, bəlkə də İran
orduları məğlubiyyətə uğramazdı.
Makedoniyalı İskəndərin güzəştə getməməsi, ölüm-dirim müharibəsində
inad göstərməsi, Makedoniya əsgərlərinin məqsədyonlü, nəyin uğrunda
vuruşmalara girişməsi və digər amillər onların qalib gəlmələrinin rəhni olmuşdu.
Əhəməni imperiyasının bir sıra ucqar rayonları hələ də quldarlıq quruluşunun
inkişafına görə aşağı səviyyədə idi.
Qərbi Midiya satraplığı müharibə ərəfəsində iqtisadi-sosial cəhətdən
inkişaf etmiş olan əyalətlərdən biri idi. Bu satraplığa görkəmli dövlət xadimi
Atropat başçılıq edirdi.
Əhəmənilərin sonuncu hökmdarı III Daranın hakimiyyəti dövründə
Atropat Midiya satrapı idi. Mənbələrdən bu ada ilk dəfə e. ə. 331-ci ildə təsadüf
edilir. İskəndər İss vuruşmasından (e. ə. 332) sonra Kiçik Asiya, Suriya, Finikiya,
Fələstin və s. əraziləri işğal etdi. Bu məğlubiyyətdən sonra III Dara yenidən ordu
toplayaraq İskəndərin qarşısını almağa səy göstərdi. Lakin İskəndər Dəclə və Fərat
çaylarından keçərək e. ə. 331-ci il oktyabr ayının birində qədim Assur (Aşşur)
şəhəri Ərbilin yaxınlığında olan Qavqamel kəndi ətrafında III Daranın ordularına
sonuncu və həlledici zərbə endirib onu məğlub etdi. İskəndər ilə III Dara arasında
olan İss müharibəsində Atropatın Midiya ordularına başçılıq etməsi haqqında
mənbələrdə məlumat yoxdur. Lakin güman etmək olar ki, ən qüdrətli satraplığın
hakimi kimi Midiya satrapı Atropat İskəndərlə Dara arasında baş vermiş hər üç
müharibədə iştirak etmişdir. Mənbələrdə Atropatın Midiya ordusuna, ancaq
Qavqamel vuruşmalarında (e. ə. 331) başçılıq etməsi haqqında məlumata təsadüf
edilir.
Makedoniyalı İskəndərin zəfər yürüşlərini qələmə alan Arrianın yazdığına
görə, Qavqamel döyüşündə III Daranın süvari kəşfiyyat dəstəsinə başçılıq edən
Atropatın bölməsində yarım müstəqil kadusilər, albanlar və sakasenlər də iştirak
edirdi
233
.
Arrian maraqlı bir məlumatla da bizi tanış edir. Ölkədə baş vermiş qarma-
qarışıqlıqdan istifadə edən Bariaks adlı birisi hakimiyyətə keçə bilir. Arrianın
göstərdiyinə görə Bariaks e. ə. 324-cü ildə özünü Parsua və Midiya çarı elan
etmişdi. Atropat isə onu tutub İskəndərə vermişdi
234
. Bu fakt Atropatın uzaqgörən
bir siyasətçi olduğunu göstərir. Atropat yaxşı başa düşürdü ki, artıq Əhəməni
imperiyasını dirçəltmək mümgün deyil. Ona görə də o, İskəndərlə loyal mövqedə
dayandı. Atropatın loyal münasibətini görüb ona rəğbət bəsləyən İskəndər bir
müddət onu öz yanından buraxmadı. Məşhur Suz təntənəsində iştirak edən Atropat
öz qızının makedoniyalıların süvari dəstələrinin başçısı Perdikkiyə ərə verərək
onunla qohum oldu. Dövrün siyasi nəbzini tuta bilən Atropat görkəmli diplomat
233
Arrian. Anabazis, III, 84.
234
Yenə orada.
olduğuna görə qarşıya çıxmış ağır şəraitdən bacarıqla istifadə etdi və tədricən
düşmən satrapdan etibarlı müttəfiqə çevrildi.
İskəndər Midiyaya gələrkən Atropat indi onun yaxın adamları ilə birlikdə
qalibin şərəfinə təşkil edilmiş şənliklərdə iştirak edirdi.
İskəndər Midiyada olarkən orada bəslənilən Nisa atlarına baxdı. O. 50000
atı hökmdar ordularına göndərdi. İskəndərin bir sıra siyasi tədbirlərində Atropat
şəxsən iştirak edirdi. Arrianın yazdığına görə Atropat İskəndərə 100 nəfərdən
ibarət atlı cəsur döyüşçü qadın dəstəsi bağışlamışdı. O yazır: ―Midiya satrapı
Atropat İskəndərə 100 nəfər Amazonka bağışlamışdı. Onlar kişi geyimi geymiş,
yüngül silahlarla yaraqlanmışlar‖
235
Atropat yeganə Əhəməni satrapı idi ki, İskəndər onu vəzifədən kənar
etmədi; əksinə, bəzi qonşu ərazilərin idarəsini də ona həvalə etdi.
Yuxarıda göstərdiyimiz tarixi şəraitdə Midiya-Atropatena dövlətinin əsası
belə qoyuldu. İskəndərin ölümündən sonra isə bu dövlət qurumu tam, müstəqil
siyasət yürüdən güclü bir dövlətə çevrildi. Bu dövlətin ərazisi indiki Cənubi
Azərbaycan vilayətlərini, İran Kürdüstanının bir hissəsini, Sovet Azərbaycanının
isə bəzi əyalətlərini əhatə edirdi.
Strabonun göstərdiyinə görə Atropatenanın (Kiçik Midiya) sərhədləri belə
olmuşdur.
Bu ölkə Ermənistan və Matianadan şərqdə, Böyük Midiyadan qərbə tərəf,
hər iki ölkədən şimalda yerləşmişdir. Cənubdan o, Hirkan dənizinin çökəkliyinə
yaxın əyalətlərlə və Matiana ilə həmsərhəddir
236
.
Ərəb coğrafiyaşünası İstəxriyə görə, Azərbaycan şərq dən Kuhistan və
Xəzər dənizi, qərbdən Ermənistan və şimaldan Allan, Qıbq dağları, cənubdan İraq
və Cəzirə ilə həmsərhəddir
237
. Atropatenanın qədim sərhədləri haqqında hər iki
müəllifin məlumatları təqribən eyniyyət təşkil edir. Demək, Atropatena ərazisinə
Kürdüstanın bir hissəsi, Gilanın cənub-qərbi və nəhayət, Albaniya əyalətlərinin bir
hissəsi daxil olmuşdur.
Yeni yaranmış dövlət antik müəlliflərin göstərdiyi kimi, öz banisinin adı
ilə adlanmağa başlandı. Mənbələrdə Atropatenanın iqtisadi-ictimai və mədəni
həyatı haqqında məlumat olduqca azdır. Arxeoloji qazıntılar zamanı əldə edilmiş
maddi-mədəniyyət nümunələri, bu ölkədə vaxtilə kənd təsərrüfatının, o cümlədən
əkinçiliyin, maldarlığın, bağçılığın inkişaf etdiyini sübut edir. Digər tərəfdən
arxeoloji qazıntıların nəticəsi ölkədə sənətkarlığın və şəhər həyatının yüksək
səviyyədə olduğunu göstərir.
Bu ərazidə iqtisadi və mədəni cəhətdən geridə qalmış tayfalarla yanaşı
yüksək sənətkarlıq mədəniyyətinə, şəhərlərə, ticarət mərkəzlərinə, maarif
ocaqlarına malik olan tayfalar da yaşamışdır. İstər Əhəmənilərin hakimiyyəti
235
Arrian. Anabazis, III, 84.
236
Strabon. XI, 13.
237
İstəxri. Məsalik vəl-məmalik. Tehran, 1340, s. 25 – 34.
Dostları ilə paylaş: |