Kiçik Asiya və Romaya aparılırdı. Digər bir yol isə Orta Asiyadan qərbə doğru
uzanıb Xəzər dənizinə gəlib çatırdı.
Z. İ. Yampolski özünün ― Kaspi dənizi ilə Kür çayına və oradan
Gürcüstan vasitəsi ilə Qara dənizə gedən yollar‖ adlı məqaləsində Bartoldun,
Manandyanın, Tompson və Parnın göstərmiş olduqları Kaspi dənizi, Kür və Rioni
çayları vasitəsilə Qara dənizə gedən ticarət yollarına əlavə olaraq, Qafqazda olan
su və quru ticarət yollarını da göstərmişdir. Müəllifə görə ehtimal ki, bu yol nəinki
daxili əhəmiyyətə malik idi, o, habelə Qafqazdan kənarda olan su yolları ilə də
əlaqədə olmuşdur...
208
.
Beləliklə, Albaniya ərazisində olan su və quruda olan ticarət yolları
Atropatenadan keçərək İranın yolları ilə qovuşurdu. Bu yollar vasitəsi ilə
Zaqafqaziyadan Beynəlnəhreynə, Elama, İraqa və digər ölkələrə metal, dəvəgözü
daşı və s. aparılırdı. Zaqafqaziya ölkələrində metallurgiya, metal istehsalı,
Atropatenada isə toxuculuğun (yun parça), duluçuluğun, habelə zəngin xammal
mənbəyinin olması, ticarət yollarının inkişağına bilavasitə şərait yaradır və qonşu
ölkələrin xalqları ilə atropatenalıların daima iqtisadi əlaqə saxlamasına kömək
göstərirdi. Bu səbəbə görə də istər Albaniya, istərsə Atropatena şəhərləri, xüsusilə
Qazaka, Fraata, Tarmakis, Aqanzana, Artabed, Partav, Qəbələ, Şəki, Şamaxı,
Dərbənd, Enian (Yunan), Paytakaran (Örənqala) və Xəzər sahilində olmuş Getara
(Qanqara) şəhərlərinin böyüyüb inkişaf etməsi təsadüfi olmamışdır. Belə bir
nəticəyə gəlmək olar ki, Midiya və Atropatena Yunanıstan və Romadan Baktriya,
Hindistan və Çinə gedən əsas karvan yolu üzərində yerləşmişdi. Bu yolun əsas
düyün nöqtəsi Ekbatan şəhəri olmaqla, ticarət yolları buradan Zaqros vasitəsi ilə
Selevkiyə, Atropatena vasitəsi ilə Zaqafqaziyaya, habelə Qara dənizə doğru
uzanırdı.
Eramızdan əvvəl II əsrə qədər Qara dənizə doğru uzanıb gedən yollar
üzərində hakimiyyət Atropatena və qismən də Ermənistan hakimlərinə məxsus
olmuşdur. Atropatenada Tranzit üçün əsas yol cənuba doğru: Qazakadan Ekbatana,
oradan Suza, Babilistana; şərqə doğru: Qazakadan, Aqanzana (Zəngana), Rey,
Damğan, Bəlx, Hindistan, Çin; şimala doğru: Marağa, Tarmakis, Artaşat, İberiya,
Qara dənizə gedən yol; Qazaka, Aqanzana, Miyana, Ərdəbil, Muğan vasitəsi ilə
Albaniya şəhərlərinə gedən yol olmuşdur.
Atropatena hökmdarları dövründə ticarət ümumdünya əhəmiyyəti kəsb
etdiyi üçün, bu ölkədə Şərq ilə Qərb arasında aparılan ticarətdə böyük rol oynamış,
istər-istəməz dünya ticarətinə cəlb edilmişdir. Bu dövrdə dövlətlər tərəfindən külli
miqdarda sikkənin zərb edilməsi də öz növbəsində dünya ticarətinin inkişaf
etməsinə misilsiz təsir göstərə bilmişdir. Demək, bu dövrdə Şərq ölkələrində sikkə
mübadiləsində (özündən əvvəlki dövrə nisbətən) ciddi bir dönüş əmələ gəlmiş, pul
208
З. И. Ямпольский. К изучении древнего пути из Каспийского моря по реке Куре через Грузии
к Черному морю. Тр. И.-та истории АН Груз. ССР, 1956, № 11, с. 161 – 180.
mübadiləsi Atropatena və Albaniyada da yayılmaqda idi
209
. Bunu sübut etmək
üçün Azərbaycanın müxtəlif rayonlarında arxeoloji qazıntılar zamanı, o cümlədən
Naxçıvan, Qəbələ, Şamaxıdan əldə edilmiş Makedoniyalı İskəndərin draxmaları və
tetradraxmalarını göstərmək olar
210
. Makedoniyalı İskəndərin monarxiyası
dağıldıqdan sonra, bir sıra Şərq ölkərində, o cümlədən Atropatena və Albaniyada
Selevki tetradraxmaları işlədilirdi. Bunun da öz növbəsində göstərdiyimiz dövrdə
istər Atropatena, istərsə də Albaniyada ticarətin inkişaf etməsinə əhəmiyyəyli təsiri
olmuşdur
211
.
Azərbaycan və ona qonşu olan ölkələrin ərazisindən Atropatena
hökmdarları adına zərb edilmiş sikkələrin tapılması e. ə. III – eramızın II əsrlərində
sikkə zərbinin burada çox az inkişaf etdiyini göstərir. Görünür ki, ticarət
Makedoniyalı İskəndər və onun canişinləri tərəfindən zərb edilmiş draxma və
tetradraxmalar vasitəsilə aparılırmış. Bu dövrdə Atropatena yun parça istehsalında
görkəmli yer tuturdu
212
.
Atropaten hökmdarının, Parfiyan şahları, Romanın görkəmli dövlət
xadimləri Ermənistan hökmdarları ilə qohumluq və dostluq etmələrinin də öz
növbəsində bu ərazidə ticarətin inkişafı üçün az təsiri olmamışdır.
Bu fikri sübut etmək üçün Strabon özünün Coğrafiya kitabında qeyd
etmişdir: ―Atropatena hökmdarı Roma imperatoru və Parfiya dövlətinin hüsn-
rəğbətini qazandığı üçün, Ermənistan romalılar tərəfindən məğlub edildikdən sonra
Sünbakini Atropatenə geri qaytarmağa məcbur olmuşlar‖
213
.
Strabon göstərir ki, midiyalılar (Böyük Midiya – A.F) farsların müəllimi
olduqları kimi, bəzilərinin dediyinə görə ermənilərin də müəllimi olmuşlar. Ona
görə ki, midiyalıların bir sıra adət-ənənələri və onların oxşarlığı ermənilər
içərisində görünməkdədir
214
.
Karvanlar İran yaylasını Hindistandan ayıran Süleyman dağlarını keçmək
üçün Kabul çayının yataq dərəsindən istifadə edirdilər. Ona görə ki, Kabuldan
Pişavər və Hind çayı vasitəsilə cənuba uzanan bu yol qısa və rahat yollardan biri
olduğu üçün gediş-gəlişi çox idi. Çünki Xeybər keçidi bu yolu çox qısaldırdı.
Atropatenanın şimal vilayətləri və Dağıstanın xeyli hissəsi qədimdə
Albaniya adlanırdı. Onun ərazisi Kiçik Qafqazdan və Kür ilə Arazın aşağı
axarından Böyük Qafqaz sıra dağlarının şimal-şərq qurtaracağına qədər uzanırdı.
Albaniya dəniz sahilində əhalisi çox olan zəngin ölkələrdən biri idi. Lakin
antik müəlliflərin verdikləri məlumata görə Albaniya ərazisində ticarət çox az
inkişaf edə bilmişdi. Görünür, burada pulun az işlədilməsi və mübadilənin natural
209
Е. А. Похомов. Манеты Азерб. М. К. А. том II. 1951. с. 141-166
210
Е. А. Похомов. Бардинский клад 1940 г. Изв. Азерб. ФАН СССР, № 8.
211
Yenə orada.
212
Rəhimzadə Səfəvi. Göstərilən əsəri, s. 38.
213
Strabon. XI, 13.
214
Yenə orada.
Dostları ilə paylaş: |