|
MühaziRƏ 11. UŞaq qorxulari və utancaqliq problemi
|
səhifə | 6/6 | tarix | 21.04.2023 | ölçüsü | 69,16 Kb. | | #106623 |
| muhazire 115-ci sual. Uşaq dövrlərində rast gəlinən və bəzən sonrakı dövrlərə də olduğu kimi sirayət edən problemlərdən biri də utancaqlıqdır. Əksər hallarda utancaqlığın bir səbəbi göstərilir – özünüqiymətləndirmənin həddən artıq aşağı olması.
Adətən, aşağı özünüqiymətləndirmənin səbəbi hansısa real və ya uşaq tərəfindən uydurulmuş fiziki qüsurdur.
Utancaqlıq – müdafiə mexanizmini əks etdirən davranışdır. Utancaq uşaq maksimal dərəcədə gözəgörünməz olmağa çalışır. Ailədə və yaxşı tanıdığı, etibar etdikləri insanlarla münasibətdə utancaq uşaqlar tamamilə rahat olurlar, başqa insanlardan fərqlənmirlər.
Utancaqlıq, asan olmasa da, tədricən özünəinam artdıqca öz-özünə keçib gedə bilər.
Çox təəssüf ki, bəzi hallarda insan “utancaqlıq” problemini uşaqlıq dövründən böyük yaş dövrlərinə dəyişməz şəkildə, onunla barışaraq və heç bir mübarizə aparmadan (hətta uğursuz da olsa!) ötürür.
Uşağın çatışmazlıqları və üstün keyfiyyətlərinə düzgün qiymət verməklə, ailədə onun mövqeyinə hörməti artırmaqla onu hədsiz utancaqlıqdan sığortalamaq olar.
Utancaqlıqla mübarizə terapiyası. Bu terapiya qrup şəklində aparılır. Burada yalnız davranışı dəyişmək (davranış psixoterapiyasında olduğu kimi) yox, uşağın özünüqiymətləndirməsini yüksəltmək lazımdır. Utancaqlığa səbəb travmatik qorxular olduqda, davranış psixoterapiyası daha səmərəlidir.
Qrup psixoterapiyasında utancaq uşaqlar daim qrup aparıcısının müdafiəsi və diqqəti altında olmalıdırlar. Aparıcının dəstəyi ona öz fikrini söyləməyə, digər uşaqların onun fikrini eşitməsinə və uşağın öz fikrinə cavab almasına şərait yaradır. Nadir hallarda isə fərdi psixoterapiya tətbiq olunur.
Psixoloqun uşaqlara yardımının səmərəliliyi qarşıya çıxan bu və ya digər problemin səbəblərinin düzgün müəyyən edilməsindən asılıdır. Uşaq haqqında ilkin informasiyanın toplanması zamanı psixoloq uşağın normal yaşamasına və inkişafına əngəl törədən amillərin müəyyən edilməsinə xüsusilə həssaslıq göstərməlidir. Belə səbəblər sırasında utancaqlıq və qapalılığın təsiri olduqca böyükdür. Bu cür problemləri olan uşaqlar daim həyəcanlı görünür, həyatlarında baş verən dəyişikliklərə çətinliklə alışır, yeni şəraitdə və yad adamların əhatəsində qorxu hissi keçirirlər.
Utancaq uşaq qrupda və ya sinifdə o qədər də nəzərə çarpmır, fəal həmyaşıdlarının təsirinə asanlıqla düşür, onlardan qorxur. Bir çox valideyinlər yanlış olaraq utancaqlığı uşağın yaxşı tərbiyə olunmasının əlaməti hesab edir, onun daxili həyəcan və qorxusunun, diskomfortunun səbəblərini anlamırlar. Psixoloji tədqiqatlar nəticəsində müəyyən edilmişdir ki, qorxu hissi uşağın yalnız emosional deyil, həm də intellektual aləminin inkişafını blokadaya alır. Belə uşaqlarda özünüqiymətləndirmənin səviyyəsi qeyri-adekvat olur. Utancaq uşaqlar böyüdükdən sonra da şəxsi həyatda və peşəkar fəaliyyətdə işgüzar əlaqələr yaratmaqda çətinlik çəkir, ünsiyyətdən qaçırlar. Psixoloqların fikrincə, utancaq uşaqlara daha çox avtoritar valideyinləri olan ailələrdə rast gəlinir. Qadağanlar, danlaq və cəza lap kiçik yaşlarından uşaqlarda uyğunsuzluq kompleksinin inkişafına yol açır. Nəticədə uşaq hər addımda müstəqil hərəkət etməkdən qorxur, onda təşəbbüskarlıq inkişafdan qalır. O, səhv edərək danlanacağından və ya cəza alacağından qorxur. Bu da uşaqda “fəaliyyətdən qaçma” simptomunun yaranmasına səbəb olur. Yaşlıların uşağın bacarıqsız, fərsiz və qabiliyyətsiz olması haqqındakı rəyi onda dərin sarsıntı yaradır, psixoloji müdafiə mexanizmlərinin formalaşmasına əngəl törədir.
Utancaq uşaqlara daha çox ünsiyyət dairəsi məhdud olan təkuşaqlı ailələrdə və ana ilə uşağın birgə yaşadığı natamam ailələrdə rast gəlinir. Yeganə uşağını itirməkdən qorxan analar onları daim nəzarətdə saxlayır, həmyaşıdları ilə ünsiyyətdən məhrum edirlər.
Qorxu utancaqlığın simptom komplekslərinə aid edilən əlamətlərdən biridir. Qorxunun mexanizmi ondan ibarətdir ki, uşaq daim problem və münaqişələrin yaranmasına bais olmaqdan ehtiyatlanır, xoşagəlməz hallara qarşı gözləmə mövqeyində olur.
Utancaq uşaqlarla iş zamanı psixoloq aşağıdakı istiqamətlərə üstün diqqət yetirməlidir:
pozitiv özünüdərketmənin inkişaf etdirilməsi;
uşaqda özünü və öz qüvvəsinə inamın yüksəldilməsi;
başqalarına qarşı inam hissinin inkişaf etdirilməsi;
qorxunun korreksiya edilməsi;
bədən gərginliyinin aşağı salınması;
öz emosiyalarını ifadə etmək bacarıqlarının inkişafı;
kollektiv iş vərdişlərinin inkişaf etdirilməsi;
özünənəzarət vərdişlərinin formalaşdırılması;
Uşaqlarda utancaqlığın səbəblərinin diaqnostikasında psixoloq aşağıdakı metodikalardan istifadə edə bilər:
“Ailə rəsmi” testi;
Qorxunun diaqnostikası metodikası (Amen testinin modifikasiyası);
P.Beyker və M.Alvordun “Uşaqda həyəcanlılığın müəyyən edilməsi kriteriyaları” sorğusu;
Utancaq uşaqlarla iş zamanı əsas çətinlik onlarla əlaqənin, etibarlı münasibətlərinin yaradılmasında özünü göstərir. Bu zaman tələsmək lazım deyil. Psixoloq çalışmalıdır ki, uşaq ona alışsın, qarşılıqlı ünsiyyətə qoşulmağa təşəbbüs göstərsin. Bundan sonra psixoloqun iş otağında uşaqla fərdi iş aparmaq olar. Kiçikyaşlı uşaqlarla psixoterapiya, onun terapiyası və tanışlıq situasiyaları metodikalarından istifadə etmək məqsədəuyğundur. Psixoloq çalışmalıdır ki, fəaliyyət zamanı uşağın ən kiçik uğurları belə, təqdir edilsin, bəyənilsin. Psixoloq uşaqla sakit tonda, yumşaq səslə danışmalı, onunla nəzakətli rəftar etməlidir. Burada əsas şərt psixoloqun səbirliliyi və taktiki məharətə malik olmasıdır.
Dostları ilə paylaş: |
|
|