də dilin müstəsna əhəmiyyəti vardır. Çünki insan aid olduğu
etnosun mədəni-mənəvi dəyərlərini məhz dil vasitəsilə
mənimsəyir və dil həmin etnosun psixologiyasını şəxsə
ötürən əsas vasitədir. Odur ki, bir başqa dildə danışıb özünü
tamam başqa etnosa aid edən və özünü aid etdiyi etnosun
dilini bilməyən insanlarda (azərbaycanca bilməyən, lakin
özünü azərbaycalı sayan şəxslərdə) milli şüur adətən zəif
olur. Belə insanlar artıq qismən assimilyasiya olunmuşdur.
Təsadüfi deyil ki, bir milləti əritmək, aradan götürmək
istəyəndə ilk növbədə onun öz dilini əlindən alırlar. Çünki dil
milli şüuru əsrdən əsrə ötürən və millətin bütövlüyünü
saxlayan ən əsas vasitədir. Ana dili anlayışı qanunvericilikdə
açıqlanmır. Ana dili insanın tərbiyə aldığı və özü üçün əsas
ünsiyyət vasitəsi hesab etdiyi dildir. Konstitusiyada
müəyyənləşdirilir ki, insan istədiyi dildə tərbiyə ala,
yaradıcılıqla məşğul ola bilər. Bu da ondan irəli gəlir ki, çox
vaxt həyatda insanın tərbiyə aldığı dil təhsil aldığı dillə və ya
yaradıcılıq üçün istifadə etdiyi dillə üst-üstə düşür. Tərbiyə
dili, adətən, fərdin ilkin olaraq mənimsədiyi dildir. Bu dildə
fərd ilkin vərdişləri mənimsəyir. Təhsil dili fərdin oxuduğu
dildir. Yaradıcılıq dili isə şəxsin öz elmi-bədii fəaliyyətində
istifadə etdiyi dildir. İnsan istədiyi dildə danışa bilər. Dil
əlaməti əsasında hüquqların məhdudlaşdırıl- masma qəti yol
verilmir. Şəxsin dövlət dilini bilmədiyi təqdirdə onun üçün
dövlət orqanlarında ünsiyyət zamanı (xüsusilə də cinayət və
mülki prosesdə) tərcüməçi xidməti təmin edilməlidir.
Azərbaycan Respublikası kimi çoxmillətli bir dövlətdə milli
dil və milli mənsubiyyət hüququ xüsusilə böyük əhəmiyyətə
malikdir.
— 176 —
§ 8. Nikah hüququ
Nikah hüququ insanların təbii hüququdur. Nikah,
insanların ailə qurmaq məqsədilə müvafiq dövlət orqanında
qeydə alman könüllü ittifaqıdır. Nikah iki şəxs arasında əmələ
gələcək ailə, məişət, mülki və digər münasibətlərin
rəsmiləşdirilmə formasıdır və sonradan bu münasibətlərdən
törənən nəticələrin dövlət üçün hüquqi fakt kimi qəbul
olunmasına səbəb olur. Nikahla bağlı iki əsas fikir
mövcuddur. Birinci fikrə görə, nikah müqavilə hesab oluna
bilməz. O, adətən, ömürlük bağlanılır, şəxsi münsibətlərə
söykənir və insanlararası münasibətlərin xüsusi formasını
nəzərdə tutur. Ona görə də nikaha müqavilə anlayışı şamil
edilə bilməz və nikahdan yaranan məsələlər də öhdəlik rejimi
ilə əlaqələndirilməməlidir. Nikah iqtisadi məzmundan
məhrumdur. İkinci fikrə görə, nikah müqavilələrin xüsusi
növüdür, çünki insanlararası razılıqdan irəli gəlir. Buna görə
də nikaha müqavilə-öhdəlik anlayışları şamil edilə bilər. Bu
fikrin tərəfdarları nikahın iqtisadi məzmuna malik olduğunu
iddia edirlər. Hal-hazırda müxtəlif ölkələrdə fərqli fikirlər
əsasında qanunvericilik aktları qəbul olunur. Birinci fikir
(klassik nikah) nikahdaxili münasbətlərin nə iləsə
əvəzlənməsinə imkan vermir. Burada bütün nikahdaxili
münasibətlər tərəflərin özləri arasında qeyri-formal şəkildə
həll olunur (dövlətin müdaxilə etmədiyi sahə). İkinci fikir
(müqavilə nikahı) qəbul olunan dövlətlərdə tərəflər
nikahdaxili məsələləri formal-müqavilə əsasında həll edirlər
və bu zaman belə müqavilələri də digər müqavilələr kimi
dövlət mühafizə etməlidir. Əslində isə hər iki növ üzrə
bağlanmış nikah münasibətləri dövlət tərəfindən mühafizə
olunur. Ərlə arvad arasında yaranan hər bir mübahisə on
— 177 —
lardan birinin təşəbbüsü ilə məhkəmələrdə araşdırılır və
zəruri hallarda qanunun göstərişlərinə müvafiq olaraq
qərarlar qəbul edilir. Doğrudur, ərlə arvadın arasında yaranan
əmlak mübahisələrinin həlli məhkəmə təcrübəsində çox
mürəkkəb nüanslar doğurur, sübutların toplanması bəzən
hətta mümkün olmur. Nikah mübahisələrinin həlli zamanı
ərlə arvadın arasında bağlanmış yazılı müqavilə mübahisənin
araşdırılmasını asanlaşdırmış olardı. Lakin bu heç də o demək
deyildir ki, nikah müqavilə əsasında bağlanmayıbsa, dövlət
onu tənzimləməməlidir, müdafiə etməməlidir.
Azərbaycan Respublikasında nikah klassik nikah
anlayışına söykənir. Bununla belə, müqavilə bağlamağa icazə
verilir. Lakin bu müqavilənin məzmunu bir çox qərb
dövlətlərindən fərqli olaraq, ancaq əmlak münasibətləri ilə
bağlı ola bilər və şəxsi münasibətələrin müqavilədə nəzərdə
tutulmasına qanun yol vermir.
Bir sosial institut kimi nikah qədim tarixə malikdir və hər
bir xalqın dini, dünyagörüşü ilə sıx bağlıdır. Nikahın dövlət
tərəfindən nizamlanması onunla əlaqədardır ki, dövlət ailəni
himayə edir və nikah da ailənin əmələ gəlmə əsasıdır. Nikah
mütləq müəyyən yaşla şərtlənir. Bu yaş həddinin nəzərə
alınması obyektiv tələbdir və onun qanunvericilikdə əks
olunması da bundan irəli gəlir. Nikah yaşı insanların
psixofızioloji baxımdan yetkinləşdiyi və ailə münasibətləri
üçün hazır olduqları dövrü ifadə edir. Bu yaşa çatmadan
bağlanan nikah etibarsız sayılır, çünki nikah bu halda nəzərdə
tutulmuş təyinatını ödəmir. Nikah yaşı kişilər üçün 18,
qadınlar üçün 17-dir. Ailə həyatı quran şəxslərin ərizəsi ilə
müvafiq orqan bu yaşı bir il də azalda bilər.
— 178 —
Dostları ilə paylaş: |