|
MüseyiB İlyasov müəllimin pedaqoji ustalığıMüəllimlik peşəsinə yiyələnməyin yolları
|
səhifə | 18/151 | tarix | 04.01.2022 | ölçüsü | 1,25 Mb. | | #82573 | növü | Dərs |
| DƏRSLİK Müəllimin pedaqoji ustalığıMüəllimlik peşəsinə yiyələnməyin yolları: Cəmiyyət ən qiymətli kapitalı olan uşaqları müəllimə etibar etdiyindən bu peşəyə yiyələnmək istəyənlər yüksək elmi biliyə və bir sıra keyfiyyətlərə malik olmalıdırlar. Respublikamızda müəllimlik peşəsinə yiyələnmək üçün kifayət dərəcədə geniş yollar–təhsil müəssisələri mövcuddur. Bunlar həm ali təhsil ocaqları–universitet və institutlar, həm də orta ixtisas məktəbləri–kolleclər formasında fəaliyyət göstərir. Ali pedaqoji təhsil verən universitetlərdə1 təhsil iki pillədə–bakalavr (təhsil müddəti əyani – 4 il, qiyabi – 5 il) və magistr (əyani – 2 il, qiyabi – 2 il 6 ay) pillələrində aparılır. Ali məktəblərə qəbul tam orta təhsil əsasında, test üsulu ilə müvafiq ali məktəblər üzrə müəyyən olunmuş fənlərdən qəbul imtahanları verməklə aparılır. Orta ixtisas məktəblərinə (kolleclərə) qəbul isə ümumi orta və tam orta təhsil bazaları əsasında aparılır. Təhsil müddəti müvafiq olaraq 4 və 2 ildir. Respublikamızda iki təhsil forması–əyani və qiyabi formalar mövcuddur. Yeganə meyar bilikdir.
Dostları ilə paylaş: |
|
|