16
üçün əlverişli şərait yaradır. ―Demokratizm bütün millətləri kəndi ruh və
mənəviyyatı dairəsində qalmaq şərtilə müasir mədəniyyət sərgisinin təmam
hüquqlu bir şəriki olmaq sifətilə görmək istər...‖ (yenə orada).
M.Ə.Rəsulzadə müasirləşməyi son məqsəd saymır, son məqsəd, onun
fikrincə, milli istiqlaldır. Müasirləşmək isə millətə öz milli mənliyini mühafizə
etmək üçün lazımdır. İmperializm, yəni hakim millətin oliqarxiyası əsarətdə
saxladığı millətin mənliyini, milli varlığını məhv etməyə çalışır ki, onun var –
yoxunu asanlıqla talan etsin. Geridə qalan millət, öz gələcəyini düşünməyən millət,
təbii ki, digər millətlərə yem olacaqdır. Məhəmməd Əmin imperializmdən ümumi
danışarkən konkret olaraq çar Rusiyasının yeritdiyi müstəmləkəçilik siyasətini
nəzərdə tuturdu. O yazır: ―Demək ki, imperializm əjdahası ağzından xilas olmaq və
ya sühülətlə həzm olunmamaq niyyətilə müasirləşmək, mənəvi əsliyyətləri
mədəniyyəti – bəşəriyyə nöqteyi – nəzərindən böyük bir zaid (pulyus) təşkil edən,
millətlər üçün tamamiyyəti – milliyyə və istiqlali – mədəniyyətlərini hər növ özici
təsirlərdən mühafizə eləmək məqsədi – aliyyəsi qədər zəruri bir vasitədir‖ (―Açıq
söz‖ qəzeti, 1916, № 299).
Rəsulzadə, bayaq deyildiyi kimi, müasirləşməyə bir məqsəd təki yox,
vasitə kimi baxır. Müasirləşməni milli azadlığa aparan zəruri yol sayır. O, bəşər
mədəniyyəti nöqteyi – nəzərindən millətlərin azadlığına, milli mədəniyyətin
sərbəst, maneəsiz inkişafına böyük əhəmiyyət verir. Məgər bu demokratik məsləkli
şəxsin səmimi arzuları deyilmi?
Məhəmməd Əmin ilk növbədə çar Rusiyasının milli şovinist siyasətinə
qarşı çıxırdı. Əlbəttə, bu zaman o, fikrini birbaşa ifadə etmirdi, dolayı yollar arayıb
axtarırdı. Bayaq dedik ki, yuxarıda gətirdiyimiz iqtibasda ―imperializm‖ deyəndə,
o, məhz Rusiyanı nəzərdə tuturdu. Təbii olaraq, bu zaman nə üçün sualı meydana
çıxır, hər şeydən əvvəl ona görə ki, Rəsulzadənin mənsub olduğu xalq çar
Rusiyasının yeritdiyi siyasətin əziyyətini çəkirdi.
M.Ə.Rəsulzadə xalqını sayıq olmağa səsləyir. Milli dili və mədəniyyəti
göz bəbəyi tək qorumağı məsləhət görür. Bir xalqın qəsdinə duran siyasilərin
əvvəlcə milli dili məhv etmək istədiklərini bildirir. Bu barədə sonrakı fəsildə daha
geniş söhbət açılacaqdır.
Ruslaşmış şəxslərin, öz milli dilini və mədəniyyətini bilməyən adamların
yalnız öz cəmiyyəti üçün deyil, bütün dünya üçün heç bir fayda vermədiyini
söyləyir. M.Ə.Rəsulzadə yazır: ―Təsəvvür ediniz dediyim uşağın halını: dil açıb
anası ilə rusca danışmış. Anası mağazadan gələndə yenə onu rusca dindirmiş,
həyətdə yoldaşlarını rus görmüş, onlarla o dildə söhbət eləmiş, oyun oynayarkən
rus oyunları oynamış. Məktəbdə dəxi eyni tərbiyəyə tabe olmuş. Bayramlarda
yolka bəzəyib ətrafında dönüb dolaşmış. Ən axırı məlumdur ki, daxili Rusiya
şəhərlərindən birində ali tərbiyə alıb ―aбразованны‖ olacaq. Fəqət böylə bir
―aбразованны‖dan bizim ―не aбразованны‖ millət nə gözləyə bilər və o özü
istərsə, ―millətinə‖ nə gibi bir faidə yetirə bilər? Heç!‖ (―Dirilik‖ məcmuəsi,
17
1915,№ 8.).
Burada millətindən aralı düşmüş insanın faciəsi təsvir olunur. Şübhə
yoxdur ki, təmsil olunmuş şəxs mühitinə fayda vermədiyi kimi, millətinə də fayda
verməz. Rəsulzadənin fikrincə, millətə xidmət etmək ən müqəddəs vəzifədir. Hər
bir insan millətinin tərəqqisi uğrunda mübarizə aparmalıdır. Yadlaşmış adamların
faciəsi şəxsi faciə deyil, ümummilli, bəlkə də dünyəvi faciədir. Ona görə ki, həmin
şəxs gələcəkdə böyük bir şəxsiyyət ola bilərdi. Millətinə hədsiz xidmətlərilə nəzərə
çarpardı. Ruslaşmış millət övladları həm öz millətindən qalır, həm də rus millətinə
gərəksiz olurlar. Çünki rus xalqı özü öz milli xadimlərini yetişdirir. Rəsulzadənin
bu baxımdan təməssul və istiqlal anlayışlarına münasibəti böyük maraq doğurur.
O, təməssulu ölümlə eyniləşdirir. Ayrı – ayrı şəxslərin təməssulunu millətin
tənəzzülü kimi qiymətləndirir. Ümumiyyətlə təməssulu cinayət sayır. Məhəmməd
Əminin fikrini aydın başa düşmək üçün aşağıdakı hissəni bütünlüklə vermək
məcburiyyətindəyik. ―Millətlərin ümumi şəxsiyyətlərindən keçəndən sonra bu
məsələ ilə əlaqədar olan ayrı – ayrı fərdləri də nəzərə alsaq, yenə təməssul
(assimilyatsa) ilə istiqlalın mədəni və ibdai fərqini görəcəyiz. Zənn edirəm ki, bir
istisistik tutulsa, görüləcək ki, daima müqtədir sənətkarlar mənsub olduğu
milliyyətlə maddi və mənəvi rabitə və əlaqələrini daha ziyadə saxlamış olanlar
arasından çıxır. Məsələn, yaxşı bir rus mühərriri olub da öz həyatını kəmalınca
təsvir etmək, bir rus qəlbinin, rus vicdani – ümumiyyəsinin tərcumanı ola bilmək
üçün ruslar gibi düşünmək, onlar gibi hiss edə bilmək lazımdır, bunun üçün də rus
olmaq, rus yaşamaq və rusları olduqca bilmək gərəkdir. Halbuki ruslaşmış bir
müsəlman balası, yaxud təmsil olunmuş bir erməni dığası, yaxud döndərilmiş bir
yəhudi övladı nə qədər özlüyündən uzaqlaşmış da olsa, yenə böylə rus ola bilməz.
Ola bilməyincə də, yaxşı və mufid bir rus muhərriri çıxmaz. Biaən əleyh ondakı
ibda qüvvələri əqim qalar, bundan isə yaşadığı mühit zərər çəkər. O muhitdə bu
gibilər çox isə, əqamət bir nəfərə deyil, bir milliyyət və bir qəvmiyyətə sirayət
edər. Demək, bəşəriyyət ailəsinə daxil olan bir fərdin zati - əhəmiyyət və qiyməti
əksilər, baniən əleyh bəşəriyyət bir çox zəkalardan məhrum qalar‖ (―Dirilik‖
məcmuəsi, 1914, № 2.).
M.Ə.Rəsulzadə təməssül ilə istiqlalın fərqini oxucuyz o zamnaki siyasi
quruluşun imkan verdiyi səviyyədə başa salır. Əlbəttə, istiqlala mədəni don
geyindərməklə, senzorun diqqətini yayındırmaq istəmişdir. Məqalənin yuxarıdakı
üzünü, lakin lazımlı hissəsini axıracan oxuduqda, istiqlalın ictimai – siyasi mənası
açılır. M.Ə.Rəsulzadə millətini azad və müstəqil görmək istəmişdir. Lakin bu
məqsədi hələlik yerinə yetirmək mümkün olmadığına görə milli mədəni
muxtariyyətlə kifayətlənirdi.
Biz Məhəmməd Əmin Rəsulzadənin həmin dövrdə dərc olunmuş
məqalələrinə tam bir vəhdət kimi baxmalıyıq. Unutmamalıyıq ki, ―Müsavat‖
partiyası o zamankı şəraitdə fəaliyyət göstərirdi. Rəsulzadə isə artıq partiyanın
rəhbərlərindən biri olmuşdu. Həm də ―Müsavat‖ın başlıca nəzəriyyəçisinə