«nəticə çıxarıb. düzəlib».
Seçilmiş əsərləri
126
Fərhadlı —Amma məsələ burasındadır ki, fiziologiya,
neyrofiziologiya bir tərəfdə qalıb, telepatiya, parapisixologiya,
hipnostika meydan sulayır. Camaat bir-birinə dəyib. İnstitutda,
demək olar ki, bütün şəhərdə işlər dayanıb. Beyinlər ancaq
Adillə, onun başabəla elmi ilə məşğuldur. Bu cinayətdir.
Adil
(gülür)
—Bu profilaktikadır. Psixoloji proflaktika!
Şahin—Qoy mətbuatda məsələnin nə yerdə olduğu bütün
mürəkkəbliyi və aydınlığı ilə şərh olunsun...
Adil—Mənə təcrübə keçirmək üçün, adamların indiki
gərgin əhvali-ruhiyyəsi lazımdır. Onların keçirdikləri psixoloji
və fizioloji vəziyyətin lent yazısı lazımdır.
Fərhadlı
(nədənsə zövq alırmış kimi)
—Bu başqa məsələ,
çox orijinal məsələdir. Bu bütün dünyaya səs sala bilər. Biz
insan haqqında çox yeni fizioloji məlumat ala bilərik.
Şahin—Akademik, bu olmadı. Siz axı, eyni zamanda
inzibati işçisiniz.
Fərhadlı—Elə etmək istəyirəm ki, dostluqdan heç biriniz
inciməyəsiniz. hətta, mən inciyim, amma siz yox.
Şahin—Birimiz mütləq inciməliyik.
Fərhadlı—Fikirləşmək lazımdır
(Gedir. Lələnin və
Qubadın səsi eşidilir),
Lələnin səsi—Bir az da sən götür.
Qubadın səsi—Əə, qədir bilməzsən ə, mən sizə qibtə
eləyirəm, sən donquldanırsan.
İçəri girirlər.
Lələ—Hamınızın sabahı xeyir.
İxtiyar—Bura bax, o çamadanı birdəfəlik buradan
yığışdır!
Lələ
(Şahinə)
—Yığışdırım?
Şahin—Olar.
Lələ və Qubad çıxırlar. Koridor işıqlanır.
Lələ çamadanını yerə qoyur.
Seçilmiş əsərləri
127
Lələ—Qubad, dəyişilə bilmirəm. Sənə demədim. İçəri
girəndə fikrimdə tutmuşdum ki, çamadanı atam üstünə. Deyim
ki, bəsdir hamballığını elədim. Sənə cənnət kimi çarhovuzlu,
fantanlı bağ saldım Bilgəhdə
(Pauza).
İstəyirəm ki, mən bu gün
təcrübə qabağı yüz faiz adam olam. Amma Şahinin gözlərinə
baxan kimi gördüm ki, canlara dəyən oğuldur, mən də mane
olmadım, qoy dəysin canlara! Özüm də ki, bu gün girməliyəm
qəfəsə, bəs mən neyləyim?
Qubad—Çamadanı götür.
İşıq sönür. Laboratoriya.
Adil—Şahin, mən görürəm ki, çox vacib bir iş üçün sənə
teleqram vurublar. Sən isə qorxudan gedə bilmirsən.
Dostları ilə paylaş: