24
cәhdlәri vә Osmanlı Dövlәtinin dә kömәyi ilә Azәrbaycan Cümhuriyyәti yaranıb. Ancaq bu
dövlәt, imperialist Çar Rusiyasının yerindә qurulan Bolşevik Rusiyanın qarnını ağrıtmağa
başlayıb. Çünki Azәrbaycanın müstәqilliyi digәr Türk xalqlarına da örnәk ola bilәrdi. Bu sәbәblә
27 Nisan 1920-ci il tarixindә Azәrbaycan işğal edilib, on minlәrlә insan mәrhәmәtsizcәsinә qәtlә
yәtirilib.
20-ci әsrin әvvәllәrindә Mәmmәd Əmin Rәsulzadә ilә birlikdә İranı Nev adlı qәzeti
çıxararaq xalqını şüurlandıran Şeyx Mәhәmmәd Xiyabani dostları ilә әl-әlә verib Azәrbaycan
Cümhuriyyәtinin işğalından öncә 9 Nisan 1920-ci il tarixindә Güney Azәrbaycanda paytaxt
Tәbriz olmaq şәrti ilә Azadistan Dövlәtini yaradıb. Xiyabani bir çıxışında belә deyib: “
And olsun
şərəfimə ki, o millətin ki istiqlalı yoxdur, heç bir şeyi yoxdur!
” (Altaylı, 1995:1).
Ancaq Xiyabaninin Azadistan Dövlәti altı ay qәdәr yaşaya bilib, Şah idarәsi hәm
Ruslardan, hәm dә İngilislәrdәn dәstәk alıb bu dövlәti aradan götürüb, Xiyabani vә yoldaşları
vәhşicәsinә qәtlә yetirilib.
Müstәqillik tәrәfdarı Mәhәmmәd Taqi Xan Pesyan, Heydәr Xan Əmoğlu hәrәkatları da
eyni qayda ilә mәhv edilib.
II-ci Dünya Müharibәsi Güney Azәrbaycan üçün döngә olub. İran, qüzeydәn Ruslar,
güneydәn İngilislәr tәrәfindәn işğal edilib. Rus işğalı 1941-ci ilin Sentiyabr ayının 11-ci günü
Tәbrizin tutulmasıyla başlayıb. Mir Cәfәr Pişәvәri, guya sosializmi mәnimsәdiyinә görә Şah
tәrәfindәn salındığı Kaşan Zindanından çıxarılıb. O da Tәbrizә gedәrәk Azәrbaycan Muxtar
Cümhuriyyәtini 1945-ci ilin Novruz Bayramı günü elan edib. Ardınca rәformlar hәyata keçirib,
Türkcә rәsmi dil olub. Tәbrizdә universitet yaradılıb, Türkcә qәzetlәr, jurnallar çap olunub, ana
dildә dәrsliklәr yazılıb (Arazoğlu, 2000;127). Şah bu dәfә hәm İngiltәrә, hәm dә Amerikadan
dәstәk alaraq Tәbrizi işğal edib. Sovetlәr Birliyi dә Güneydәki müstәqil Azәrbaycan dövlәtindәn
narahat olduğundan ordusunu ölkәdәn çıxarıb. Şahın qüvvәlәri Tәbrizdә sәnәt vә әdәbiyyatla
bağlı әsәrlәri kitabxanalardan meydanlara daşıyaraq od vurub. Yazıçılar, siyasәtçilәr, şairlәr
nahaq yerә güllәlәnib, sürülüb. Pişәvәri ilә yaxın dostları Bakıya pәnah gәtirib, ancaq bir müddәt
sonra o da mәxfi tәşkilatın mәmurları tәrәfindәn
qәtlә yetirilib, adına da yol qәzasında hәlak oldu
deyilib.
Güney Azәrbaycanda 1945-ci ildә başlayan yeni anlayışda vәtәn, müstәqillik, birlik vә
bәrabәrlik, millәt kimi terminlәr şeirdә daha çox dilә gәtirilmәyә başlayıb.
Şah, 1979-cu ildә ölkәni tәrk edib getsә dә yerindә yaranan
Xomeyni rejimindә dә Güney
Azәrbaycan Türklüyü öz arzusuna qovuşa bilmәyib.
Azәrbaycan Cümhuriyyәtindә yaranan hәr bir әdәbi vә tarixi hadisә Güney Azәraycanda
çox qısa müddәtdә öz әksini tapıb. 1921-ci ildә Molla Nәsrәddin Jurnalının Tәbrizә daşınması,
Güney Azәrbaycanda әdәbi mühitin formalaşmasında önәmli rol oynayıb. Jurnal, Bayramәli
Abbaszadә, Mirzә Əli Möcüz kimi şairlәri öz әtrafında yığaraq burada çağdaş anlayışın
yaranmasını tәmin edib.
Klassik şeiri davam etdirәn Heyran Xanım, Şükuhi, Nәbati, Raci vә Dilsuz kimi şairlәr
bu dönәmdә Fars dilindә qәzәllәr yazıb, ancaq әsrin tәlәblәrindәn uzaq qalıblar. 1930-cu illәrdәn
sonra Mirzә Əli Möcüz, Şәhriyar, Mәhәmmәdәli Sәffәt, Hәbib Sahir, Pәrvin Etisami, Mirmehdi
Etimadın üsyankar şeirlәri Güney Azәrbaycanda ayrı bir atmosfer yaradıb.
20-ci әsrdә Güney Azәrbaycan şairlәri böyük işlәr görüb. Bunlardan Şәhriyar, Coşğun,
Mir Tağı Milani, Aşıq
Hüseyn Cavan, Mәhәmmәd Biriya,
Hәmid Nutqi Aytan, Mәhәmmәd Bağır
Niknam, Balaş Azәroğlu, Mәhәmmәd Taqi Zehtabi, Haşim Tәrlan, Əli Tudә, Yahya Şeyda,
Hökümә Billuri, Mәdinә Gülgün, Söhrab Tahir, Bulud Qaraçorlu Sәhәnd, Sönmәz (Kәrim
Mәşrutәçi), Əli Tәbrizi, Savalan (Hәsәn Mәcitzadә) әn tanınmış şәxsiyyәtlәrdir. Ancaq Güney
Azәrbaycanda çağdaş әdәbiyyatın özülünü qoyanlar Hәbib Sahir, Cavad Heyәt vә Şәhriyar
göstәrilә bilәr.
25
Güney Azәrbaycan şairlәrinin әn öndә gedәni, şübhәsiz ki Mәhәmmәd Hüseyn
Şәhriyardır. Şәhriyara sözün hәqiqi mәnasında millәt fәdaisi demәk yerinә düşәrdi. O, öz xalqının
problemlәrini, müstәqilliklә bağlı hәsrәtini qәlәmiylә usta bir şәkildә dilә gәtirib. O, sәnәtin bir
millәtin müstәqilliklә bağlı anlayışının formalaşmasında vә zirvәyә yüksәlmәsindә nә qәdәr
önәmli rol oynadığını aydın şәkildә göstәrib. Bir örnәk kimi “Sәhәndim” adlı şeirinin bir yerindә
dediyi;
“Dedin Azәr elinin bir yaralı nisgiliyәm mәn
Nisgil olsam da gülüm bir әbәdi sevgiliyәm mәn
Yad mәni atsa da öz gülşәnimin
bülbülüyәm mәn
Əbәdiyyәt gülüyәm mәn.
Elimin Farsıca da dәrdini söylәr diliyәm mәn” misralarını göstәrmәk kifayәt edәr.
Günәy Azәrbaycan әdәbiyyatında Şәhriyardan sonra adı ön plana çıxan ikinci şәxsiyyәt
Bulut Qaraçorlu Sәhәnddir. Sәhәnd 1926-cı ildә Azәrbaycanın elm vә mәdәniyyәt yurdu
Marağada dünyaya gәlib. Atası o qәdәr dә tәhsili olmayan bir insan olub. Sәhәnd, azsavadlı
zәhmәtkeş ata vә anasının nağılları, söhbәtlәri, öyüdlәri ilә böyüyüb. Pişәvәrinin rәhbәrliyi ilә
Güney Azәrbaycan Milli Hökumәtinin yaranması vә ardınca imperiya siyasәti güdәn dövlәtlәr
tәrәfindәn mәhv edilmәsi gәnc Sәhәndin ruhunda yaranan sevinc tәlatümlәrini dayandırıb vә onu
mәyus edib. Sevinc vә iftixarla yazdığı şeirlәrini davam etdirә bilmәyib.
Qаrğış zәmаnәnin qаnunlаrınа
Qаrğış ürәklәri аyırаnlаrа
Qаrğış insаnlаrı qәfәsә sаlıb
Bәşәr hüququndаn dәm vurаnlаrа.
Pişәvәri hәrәkatının yaranmasından sonra qoyulan senzur vә qadağalar Sәhәndin ruhunda
fırtınalar yaradıb.
Tаlеyimә sәn bах!
Düşüncәlәrim yаsаq,
Duyğulаrım yаsаq,
Kеçmişimdәn söz аçmаğım yasaq,
Gәlәcәyimdәn dаnışmаğım yаsаq.
Ata-babamın adın ç
әkmәyim yasaq,
Anamdan ad aparmağım yasaq,
Bilirsәn..!
Anadan
doğulandan belә
Özüm bilmiyә-bilmiyә
Dil açıb danışdığım dildә
Danışmağım da
yasaq imiş, yasaq..!
Sәhәnd, Dәdә Qorqud Dastanlarıyla alim dostu Mәhәmmәd Əli Fәrzanә vasitәsilә tanış
olub. On il üstündә işlәyәrәk dastanları nәzmә çәkib vә adını “Sazımın Sözü” qoyub. Sağlığında
iki cildi böyük çәtinliklәrlә çap olunub, qalan iki cildi isә 1979-cu ildә infarkt keçirib dünyasını
dәyişdikdәn sonra çap olunub.
Dostları ilə paylaş: