157
PAHTEI
PROCEEDINGS OF AZERBAIJAN HIGH TECHNICAL EDUCATIONAL INSTITUTIONS
VOLUME 27 ISSUE 04 2023
E-ISSN: 2674-5224
kontekstdə müasir menecmentin əsas problemlərindən biri təsirin idarə edilməsinin əsas vasitəsi
olan idarəetmə qərarlarının hazırlanması, qəbulu və həyata keçirilməsidir. Bu cəhətdən məsələyə
yanaşdıqda problemin aktuallığı üzə çıxır.
Metodlar
Təqiqat zamanı bir neçə metodlardan istifadə olunmuşdur. İlk
növbədə məntiqi, analiz və sintez
metodlarından istifadə etməklə məlumatlar toplanmış, daha sonra isə tədqiqatın məqsədləri üçün
tələb olunan qaydada birləşdirilmişdir. Bundan əlavə, tədqiqat prosesində faktların toplanması,
qərar ağacı üsulu,
analogiya, təhlil, induksiya və deduksiya, eksperiment,
modelləşdirmə və
qiymətləndirmə, elmi abstraksiya, SWOT, SNW, PEST təhlili,
müqayisəli təhlil, sistemli
yanaşma, praktiki modelləşdirmə kimi bir sıra metodlarından da geniş istifadə olunmuşdur.
Potensial nəticələrin ehtimalını qiymətləndirmək mümkün olmadıqda, qərar
qeyri-müəyyənlik
şəraitində qəbul edilir. Bu, nəzərə alınacaq amillər
yeni və mürəkkəb olduqda, onlar haqqında
kifayət qədər müvafiq məlumat əldə etmək mümkün olmadıqda baş verir. Nəticədə, müəyyən bir
nəticənin olma ehtimalını kifayət qədər əminliklə proqnozlaşdırmaq mümkün olmur. Qeyri-
müəyyənlik sürətlə dəyişən şəraitdə qəbul edilməli olan bəzi qərarlar üçün xarakterikdir. Sosial-
mədəni, siyasi və bilik tutumlu mühit qeyri-müəyyənlik üçün ən yüksək potensiala malikdir.
Gələcəyin qeyri-müəyyənliyin iki növü mövcuddur: qeyri-müəyyənlik və fundamental qeyri-
müəyyənlik. Qeyri-müəyyənliklə gələcək aydın deyil, amma bilinə bilər. Bu tip qeyri-müəyyənlik
yalnız insanların məhdud idrak qabiliyyətləri ilə əlaqələndirilir. Fundamental qeyri-müəyyənlik
təkcə gələcək haqqında biliyin olmaması deyil, həm də onu bilməyin mümkünsüzlüyü deməkdir.
Bu işdə qeyri-mümkünlük zəruri məlumatların əhəmiyyətli bir hissəsinin hələ yaradılmaması ilə
əlaqədardır. Beləliklə, indiki ilə gələcək və keçmiş arasında əsaslı ontoloji fərqlər yaranır.
Qeyri-müəyyənliyi nəzərə almaq zərurəti onunla bağlıdır ki, bu gün qəbul edilən qərarların
effektivliyi gələcək bilinməyən şəraitdən asılıdır. Bu, ilk növbədə investisiya qərarlarına aiddir.
İqtisadiyyatda real tendensiyalar,
hadisələr tələbin strukturu, texnologiyaları ilə bağlı
proqnozlardan əhəmiyyətli dərəcədə fərqləndikdə müəssisələr, cəmiyyət əhəmiyyətli əlavə xərclər
və ya itkilərlə üzləşir (https://elibrary.ru/download/elibrary_46616486_14416177.pdf).
İdarəetmə nöqteyi-nəzərindən qeyri-müəyyənlik idarəetmə obyekti kimi sistemin və onun ətraf
mühitin həqiqi vəziyyəti haqqında məlumatsızlıqdır. İstənilən anda qeyri-müəyyənlik aşağıdakı
kimi xarakterizə edilə bilər:
- qeyri-müəyyənlik obyektin müasir şəraitdə və bilik nəzəriyyəsinin metodlarında birmənalı
şəkildə tanınmasının obyektiv mümkünsüzlüyü səbəbindən yaranır. Qeyri-müəyyənlik insanın
məhdud imkanları ilə bağlıdır;
- qeyri-müəyyənlik qeyri-qənaətbəxş (yanlış, natamam) biliklərlə əlaqələndirilir,
bunun səbəbi
müvafiq mövcud nəzəriyyələrin qeyri-kamilliyi, məlumatların olmamasıdır;
- qeyri-qənaətbəxş ölçmə və hesablama, habelə ilkin məlumatların
qəsdən təhrif edilməsi
nəticəsində yaranan məlumat qeyri-müəyyənliyi (Pırx Е.V., 2017: 1136-1139 s.);
İdarəetmə və sahibkarlıq təcrübəsi idarəetmə qərarlarının qəbulu zamanı edilən hətta kiçik səhvlər
nəticəsində itkilərin miqyasının getdikcə artmasına dəlalət edir. İdarəetmə üzrə ədəbiyyatın təhlili
göstərir ki, “idarəetmə fəaliyyəti” və “idarəetmə qərarlarının qəbulu” anlayışları bir-biri ilə sıx
bağlıdır və bir çox müəlliflər tərəfindən sinonim kimi istifadə olunur. Aydındır ki, müəlliflərin
belə mövqeyi haqlıdır, çünki idarəetmə qərarının işlənib hazırlanması və qəbulu prosesi idarəetmə
fəaliyyətinin strukturunda birinci dərəcəli, iyerarxik əhəmiyyətli yer tutur.
Məhz idarəetmə
qərarları həm bu fəaliyyətin birbaşa məzmununu, həm də nəticələrinin effektivliyini müəyyən