363
PAHTEI
PROCEEDINGS OF AZERBAIJAN HIGH TECHNICAL EDUCATIONAL INSTITUTIONS
VOLUME 27 ISSUE 04 2023
E-ISSN: 2674-5224
özünüidarəetmə orqanları, kommersiya bankları, sığorta şirkətləri,
habelə digər kommersiya
firmaları və qeyri-dövlət kommersiya təşkilatları büdcə vəsaitlərinin alınması, köçürülməsi və ya
istifadəsi məsələləri üzrə vəsaitlərin və büdcədənkənar fondların, habelə vergi, gömrük və digər
güzəştlərin mövcudluğu yoxlanılır.
Hesablama Palatası aşağıdakı funksiyaları yerinə yetirir:
- dövlət büdcələrinin layihələrinə və büdcədənkənar dövlət fondlarının (qurumlarının) büdcələrinə
rəy vermək;
- dövlət büdcəsinin mədaxil və məxaric maddələrinin, büdcədənkənar dövlət fondlarının
(qurumlarının)
büdcələrinin həcmi, strukturu və təyinatı üzrə vaxtında icrasına nəzarət etmək;
- dövlət büdcəsinin icrası haqqında illik hesabata və müvafiq qanun layihələrinə rəy vermək;
- təsdiq edilmiş dövlət büdcəsində müəyyən edilmiş dövlət büdcəsindən maliyyələşmənin təhlili,
aşkar edilmiş kənarlaşmaların aradan qaldırılması ilə bağlı təklifin hazırlanması və Milli Məclisə
təqdim edilməsi, o cümlədən bütövlükdə büdcə prosesinin təkmilləşdirilməsi;
- dövlət büdcəsinin mədaxil və xərclərinin icrası barədə Milli Məclisə rüblük
məlumat vermək;
-dövlət əmlakının idarə edilməsinə, onun sərəncamına və dövlət əmlakının özəlləşdirilməsindən
daxil olan vəsaitlərin dövlət büdcəsinə daxil olmasına nəzarət etmək;
- Azərbaycan Respublikası Milli Məclisinin və onun adından dövlət
büdcəsi və büdcədənkənar
dövlət fondları (qurumları) haqqında qanun layihələrinin, Milli Məclis tərəfindən təsdiq edilmiş
beynəlxalq müqavilələrin layihələrinin maliyyə ekspertizasının həyata keçirilməsi;
- xəzinə hesabına daxilolmaların və dövlət büdcəsi vəsaitlərinin istifadəsinin təsdiq edilmiş dövlət
büdcəsində müəyyən edilmiş göstəricilərə uyğunluğunun təhlili
və bu barədə Milli Məclisə
məlumat verilməsi;
- Azərbaycan Respublikasının Mərkəzi Bankından və müvəkkil banklardan, kredit təşkilatlarından
dövlət büdcəsi vəsaitlərinin və büdcədənkənar dövlət fondlarının (qurumlarının) bank hesabları
üzrə hərəkəti haqqında məlumat alır, onları təhlil edir və Milli Məclisə təkliflər verir;
- nəzarət tədbirləri nəticəsində aşkar edilmiş pozuntular barədə məlumatların Azərbaycan
Respublikasının Milli Məclisinə təqdim edilməsi;
- digər dövlət nəzarəti orqanları ilə birlikdə fəaliyyət göstərmək;
- qanunvericiliyə uyğun olaraq
dövlət və ümumi büdcələrin, habelə büdcədənkənar dövlət
fondlarının gəlir və xərclərinin auditinin aparılması (Azerbaycan Respublikasının “Hesablama
Palatası haqqında” 02 iyul 1999-cu il tarixli Qanunu).
Hesablama Palatası audit və tematik auditlər aparır. Qanun pozuntuları aşkar edilərsə, materialları
hüquq-mühafizə orqanlarına təqdim edir. Hesablama Palatası ilə Azərbaycan Respublikası
Prezidentinin və hökumətinin nəzarət orqanları, hüquq-mühafizə orqanları, Mərkəzi Bank, Dövlət
Vergi Xidməti və digər idarəetmə orqanları əməkdaşlıq edir. Hesablama Palatası öz funksiya və
səlahiyyətləri ilə bağlı maliyyə və büdcə nəzarətini ilkin və sonrakı maliyyə-büdcə nəzarəti
formasında həyata keçirir. İlkin
nəzarət dövlət büdcəsinə, büdcədənkənar dövlət fondlarının
büdcələrinə aid olan qanun layihələrinə baxılması mərhələsində dövlət vəsaitləri ilə bağlı maliyyə
əməliyyatları həyata keçirilənədək hüquqpozmalara şərait və səbəblərin yaradılmasının qarşısının
alınması məqsədilə həyata keçirilir. Maliyyə əməliyyatlarının dövlət büdcəsinin vəsaitlərinə və
digər dövlət fondlarına uyğunluğunun, dövlət büdcəsinin və büdcədənkənar dövlət fondlarının
büdcələrinin icrasına, dövlət əmlakının müəyyən edilmiş qaydada və müddətdə idarə edilməsinə
və sərəncamına uyğunluğunun müəyyən edilməsi məqsədilə sonrakı nəzarət həyata keçirilir.
Hesablama Palatası Azərbaycan Respublikasının Milli Məclisinə illik hesabatlar
təqdim edir və bu
hesabatlar sonradan Milli Məclisin qəzetində dərc olunur. Hesablama Palatası Azərbaycan