70
ALİ HAŞİMOV
Azərbaycan intibahının görkəmli siması, Naxçıvanlı memar
Əcəmi Əbubəkr
oğlu Naxçıvaninin həyatı və fəaliyyəti diqqət mərkəzinə çəkilmişdir.
Beləliklə Səlcuqlar dövrünü qələmə alan tarixi nəsr nümunələrində
ümumtürk tarixinin ən güclü imperiyalarından olan Səlcuqlar dövlətinin
yaranması, formalaşması və təsir dairəsi kimi problemlərdən ədəbi-tarixi
müstəvidə bəhs olunmuşdur.
S
ƏLCUQLAR DÖVRÜNDƏN BƏHS EDƏN TARİXİ ROMANLARDA
TARİX V
Ə MÜASİRLİK PROBLEMİ
71
Min illik ortaq türk dövlətçilik tarixində Səlcuqlar dövlətinin
özünəməxsus rolu və yeri vardır. Uzun illər boyu dünya tarixində silinməz
izlər qoymuş türk imperiyaları zəngin dövlətçilik təcrübəsi, ulu mədəniyyət
və möhtəşəm dövlətçilik ənənələri formalaşdırmışdır. Bu mənada Səlcuqlar
dövlətinin yeri və tarixdəki missiyası da fərqlidir. Mövcudiyyəti dövründə
Səlcuqlar dövləti ortaq türk mədəniyyətinə, dövlətçilik dəyərlərinə, rəhbərlik
etdikləri xalqların milli dəyərlərinə, mənəvi sərvətlərinə, ədəbiyyat və
sənətlərinə böyük diqqət göstərmişlər. Bu səbəbdəndir ki, Səlcuqlar dövlətinin
tarixi, mədəniyyəti, ədəbiyyatı diqqət mərkəzində olmuş, fərqli istiqamətlərdə
öyrənilmişdir.
Azərbaycan tarixşünaslığında olduğu kimi, ədəbiyyatımızda da Səlcuqlar
dövlətinin hakimiyyəti illərində Azərbaycanın iqtisadi-siyasi, ədəbi-mədəni
inkişafı, daxili və xarici siyasətinin öyrəniləmsi diqqət mərkəzində olmuşdur.
Bu istiqamətdə XX əsrdə daha çox işlər görülmüşdür. Səlcuqlar dövləti, eyni
zamanda Azərbaycan tarixini öyrənən elmi əsərlərlə yanaşı ədəbi əsərlərdə də
dövrün tarixi mənlərə uyğun şəkildə qələmə alınmışdır.
Əvvəlcə Səlcuqlar kim idi, bölgədə hansı yerə sahib idilər sualı ətrafında
düşünək. Orta Asiyadan Aralıq dənizinə, Dərbənddən İran körfəzinə uzanan
(1037-1157) Səlcuqlar dövlətinin formalaşması nəticəsində türkçülük
düşüncəsi, dövlətçilik təcrübəsi Qafqazda və Ön Asiyada ənənvi model
yaratdı. Yenicə formalaşan islami dəyərlərin möhkəmlənməsi, xalq
kütlələrinin düşüncəsində, mədəniyyətində əhəmiyyətli təsir faktoruna
çevrilməsi prosesi də tarix olaraq Səlcuqlar dövrü ilə sıx bağlıdır. Yaxın və
orta Şərqin, eyni zamanda Qafqazın taleyində Səlcuqlar dövləti spesifik yerə
malikdir. Eyni zamanda Səlcuqların Azərbaycan gəlişi ilə Oğuz türklərinin
Azərbaycan
torpaqlarında
yaşaması
və
dövlətçilik
ənənələrini
möhkəmlətməsində yeni mərhələ başlandı. Eyni kökdən olub eyni dildə
danışan, eyni inanca sahib olan xalqların ortaq mədəniyyətinin
formalaşmasında da bu dövr əhəmiyyətlidir ona görə ki, az sonra yaranan
Azərbaycan Atabəylər dövlətinin də dövlətçilik və digər məsələlərdə dayağı
rolunu müəyyən mənada Səlcuqlar dövləti təşkil edirdi. Bu təsir mədəniyyət,
ədəbiyyat sahəsində də hiss olunmaqda idi. Belə ki, bir müddət ərəblərin təsiri
altında formalaşan, elə ərəb dilində yaranan ədəbiyyat bu dönəmdən sonra
farslaşmağa başlasa da qısa zaman sonra Azərbaycan dilində də ədəbiyyatın
yaranmasına səbəb oldu. Azərbaycan dili bu dövrlərdə Cənubi Qafqazda,
72
ALİ HAŞİMOV
Azərbaycan torpaqlarında geniş işləklik qazandı. Səlcuqlar dövlətindən
sütunları üzərində formalaşan Azərbaycan Atabəylər dövləti (1136-1225)
Azərbaycan türklərinin qədim və zəngin dövlətçilik ənənələrini yenidən
dirçəldib yeni mərhələyə çatdırdı. Eldənizlərin hökmranlığı dönəmində bütün
Azərbaycan torpaqları vahid idarəçilik sistemində birləşdirilməsi iqtisadi-
siyasi, ədəbi-mədəni sahələrdə böyük inkişafa təkan verdi, sənətkarlıq, ticarət
sahələrində olduğu kimi ədəbiyyat da güclü inkişaf mərhələsinə-intibah
dövrünə qədəm qoydu. Azərbaycan intibahı Xaqani, Nizami,
Əcəmi
dühalarını formalaşdırdı.
Tariximizin IX-XII əsrlər dövrü XX əsr Azərbaycan şeirində,
dramaturgiyasında olduğu kimi, nəsrində də geniş şəkildə öz əksini tapdı.
Azərbaycan tarixi nəsrinin görkəmli nümayəndələrindən olan Məmməd Səid
Ordubadinin “qılınc və qələm”, Oqtay Salamzadənin “
Əsrlərin sirri”, Hüseyn
İbrahimovun “
Əsrin onda biri”, Əzizə Cəfərzadənin “Cəlaliyyə” əsərlərində
Səlcuqlar və Atabəylər dövrü Azərbaycan tarixi geniş şəkildə, tarixi reallıqları
ilə canlandırıldı. Bəhs etdiyimiz tarixi mövzulu nəsr nümunələrinə nəzər
saldıqda görünür ki, qələm sahibləri eyni zamanda Səlcuqlar dövrünün
dövlətçilik ənənələrini, mədəniyyətini, ədəbiyyatını, adət-ənənələrini
mükəmməl şəkildə öyrənmiş, bu əsərləri tarixçi məntiqi, yazar həsaslığı və
vicdanı ilə qələmə almışlar.
Oqtay Salamzadənin “
Əsrlərin sirri” romanı “Gəncə qapısı”,
“Peyğəmbərin adaşı” və “Qızıl şir dəfinəsi” adlı üç hissədən ibarətdir.
Əsər
Səlcuqlu sultanı Məlikşahın Azərbaycan torpaqlarına yürüşü ilə başlayır, dahi
şair Nizami Gəncəvinin həyatı və yaradıcılığı fonunda inkişaf edir. Atabəylər
dövlətinin keçdiyi tarixi yol əsərdə müvafiq mənbələrə dayanaraq izlənmiş,
dövlətin zəifləməsi prosesi, Xarəzmşah Cəlaləddinin Azərbaycana yürüşü və
hakimiyyətinin sonlanması ilə bitmişdir.
Əsər təxminən 300 illik bir tarixi
dövrü əhatə edir, ədəbi-mədəni, ictimai-siyasi mühitin salnaməsini əhatə edir.
Romanın ilk bölmələrindən başlayaraq Nizamin Gəncəvinin ulu babaları,
Gəncədəki nufuzları kimi məsələləri diqqət mərkəzinə çəkməklə yazıçı sanki
Nizaminin sonrakı taleyinə zəmin hazırlayır. Sonraki bölmələrdə dahi
Nizaminin böyüdüyü mühit, təhsil illəri, Gəncədə, Azərbaycanda, Yaxın
Şərqdə “Söz mülkünün sultanı” kimi geniş şöhrət qazanması, ona dünya
şöhrəti gətirən poemalarının, şeirlərinin yazılması prosesindən həssaslıqla