25
taklif etdi. Insholarni tahlil qilishda o‘quvchilarning o‘z hayotlarini ijobiy yoki
salbiy baholashlari yosh va jinsga bog‘liq holda taqsimlanishi aniqlandi.
Tadqiqotchining chiqargan xulosalariga asosan, o‘rtacha qizlar o‘g‘il bolalarga
nisbatan kichik guruhlarda ancha yuqori ijobiy baho berganlar. Katta
guruhlarda esa o‘g‘il bolalar ko‘proq o‘z hayotlarini ijobiy baholashgan. Bunga
sabab yosh ulg‘ayishi bilan oilada qizlardan bajaradigan ishlar miqdorining
ortishidir.
N.A.Ribnikov, shuningdek, “u yoki bu hodisa motivlari, umumiy hayot
jarayonining motivlarini” tahlil qiladi. Bunday motivlarni avtor 3 guruhga
ajratadi:
1. Moddiy.
2. Psixologik.
3. Noaniq.
Ko‘proq moddiy motivlar (53 %) uchraydi, tekshirilgan bolalarning 1/3
qismida (31%) psixik motivlar namoyon bo‘ldi. N.A.Ribnikov hujjatlarni tahlil
qilish bilan chegaralanib qolmaydi. U bolalarning hayotlari tavsifini bola vaqtini
o‘tkazish ma’lumotlari bilan taqqoslaydi.
Hujjatlarni miqdoriy tahlil qilishni mashhur psixolog P.P.Blonskiy ham
qo‘llagan. U 190 o‘quvchi va talabalarning “dastlabki” (-1) taassurotlarini,
shuningdek, 83 o‘quvchining “Mening bolalik to‘g‘risidagi ilk taassurotlarim”
mavzusidagi (11-13 yosh) yozma ishlarini birlamchi
taassurotlar xarakterini
aniqlash maqsadida tahlil qilgan. O‘tkazilgan tadqiqot asosida P.P.Blonskiy
muhim xulosa chiqaradi, ya’ni tekshirilgan 68% kattalar va 74% o‘quvchilar
taassurotlarining asosiy mazmuni – baxtsizlik ekani, ya’ni baxtsizlik va
qo‘rqinch – asosiy esda olib qolish omillari ekanligi aniqlanadi. Ammo
N.A.Ribnikov singari P.P.Blonskiy ham tahlil qilish jarayonini yoritib bermaydi.
Hujjatlarni tibbiy –psixodiagnostik o‘rganish natijalarini ham misol qilib
keltirish mumkin. Bunda V.N.Kasatkin tomonidan 30-50 yillar davomida
amalga oshirilgan 4 mingdan ortiq yozib olingan bemor va sog‘lom kishilarning
tush ko‘rishi mazmuni tahlil qilingan. Ularni
tahlil qilishda qatnashgan
26
kishilarning xususiyatlari va hayot sharoitlari: yoshi, jinsi, mutaxassisligi,
salomatligining ahvoli, oilaviy sharoiti, ona tili va boshqa tillarni egallaganligi,
yashash joyi, tarjimai hol ma’lumotlari, sana, tush ko‘rilgan kunning mazmuni,
tekshiriluvchining ahvoli kabilar inobatga olinadi. Tadqiqot natijalarining
ko‘rsatishicha, katta yoshdagilar ko‘rgan tushlarida ish, mutaxasislik bilan
bog‘liq bo‘lgan elementlar (62,5%), turmush-uy-joy,
kiyim-kechak, oziq-ovqat
elementlari (41,4 %); salomatlik bilan bog‘liq bo‘lgan elementlar (44,3%);
oilaviy hayot epizodlari 38,6%, 8 seksual ma’nodagi tush ko‘rish bo‘lgan.
Germaniyada K. Levin, X.Sebaldlar tomonidan 30 yillarda Prezident
Ruzvelt va uning siyosatiga qarshi fikrlar o‘rganilgan. S.Sardjent tomonidan
AQSH da G.Olport, A.Bolduin – shaxs hujjatlarini alohida shaxs psixik
strukturasini tahlil qilish maqsadida o‘rganilgan. Suitsid oldi holati, psixok
zo‘riqish holatini o‘rganish
uchun xatlar, kundaliklar mazmunini tahlil qilish
Dj.Dollard va O.Maurer, Ch.Osgud va Uolker tomonidan amalga oshirildi.
Dostları ilə paylaş: