O‘zbekiston respublikasi oliy va o‘rta maxsus ta‘lim vazirligi

S⁺⁶ birikmalari. Bunday oksidlanish darajaga ega bo‘lgan birikmalar SO₃, SF₆, SO₂C1₂ va sulfatlar kiradi. SO₃ bug‘lari yig‘ilganda suyuq holdagi uchuvchan modda olinadi (qaynash harorati 44,8°C) Bu birikma trimerlardan tashkil topgan (SO₃)₃. Agar suyuqlik sovitilsa 16,8°C larda qotib, tiniq massa hosil qiladi. U muzga o‘xshash va asbestsimon polimer tuzilishiga ega bo‘lgan birikma hosil qiladi.
Sulfat angidrid suvda eriganida sulfat kislota hosil bo‘ladi: SO₃+ H₂O = H₂SO₄
SF₆— rangsiz gaz, u bosim ostida -50,5°C da suyuqlikka aylanadi. U kislorodda ham vodorodda ham yonmaydi va unga suv ta‘sir etmaydi. SF₆ kimyoviy jihatdan juda inert. Buning sababi markaziy atomning koordinatsion to'yinganligi va SF₆ ning ionlanish energiyasi qiymati juda yuqoriligi bilan tushuntiriladi. Oltingugurtning bevosita ftor bilan ta‘siridan hosil bo‘ladi: S+3F₂=SF₆
Sulfit angidridga katalizator ishtirokida to‘g‘ridan to‘g‘ri xlor ta‘sir ettirilganda u sulfuril xloridga aylanadi: SO₂ + Cl₂ = SO₂ C1₂
Sulfuril xloradning suv bilan ta‘siridan sulfat kislota hosil bo‘ladi:
SO_2, C1₂ + 2 H₂O = H₂SO₄ + 2HC1
Oltingugurtning galogenli birikmalari. Oltingugurt monoxlorid - S₂C1₂. Qovoq rangli yoqimsiz hidga ega. S₂C1₂ o‘zida oltingugurtni eritadi va kauchukni vulkanlashda ishlatiladi. Oltingugurt ustidan quruq xlor o‘tkazish orqali olinadi: 2S + Cl₂= S₂C1₂
SC1₂- qizil rangli suyuqlik (suyuqlanish harorati - 80°C, qaynash harorati +59 °C). Bundan tashqari, oltingugurt tetraxlorid ham bor (SC1₄). Suyuq modda, uning suyuqlanish harorati - 30°C ga teng.
Oltingugurtning ftorli birikmalaridan S₂F₂ rangsiz gaz modda -35°C da suyuqlikka aylanadi. Oltingugurt tetra ftorid - SF₄ rangsiz gaz bo‘lib, -40,4°C da suyuqlikka o ‘tadi. SC1₂ ga natriy ftoridi ta‘siridan olinadi: 3SC1₂ + 4NaF = SF₄ + S₂C1₂ + 4NaCl
Oltingugurtning brom bilan faqat birgina birikmasi oltingugurt monobromidi (S₂Br₂) mavjud. S₂Br₂ qo‘ng‘ir rangli suyuqlik - 46°C da qotadi.