IZOHLI LUG‘AT
Bank kafolati
– unga ko‘ra bank ushbu hujjatda ko‘rsatilgan shartlarda aytilgan
tarafga ko‘rsatilgan summani to‘lash majburiyatini oladi. Inkasso ko‘rsatmasi – bu
hujjat vositasida moliyaviy va (yoki) tijorat hujjatlarini akstept qilish va (yoki) to‘lov
o‘tkazish uchun qayta ishlash yoki unda ko‘rsatilishi mumkin bo‘lgan hujjatlarni
boshqa shartlarda taqdim etish maqsadida bankka yo‘riqnoma yoki topshiriq beriladi.
Bank trattasi
– uchinchi taraf foydasiga qo‘yiladigan tratta. U bir bank
tomonidan boshqasiga yoki bankning bo‘limi tomonidan markaziy bo‘limga yoxud
shu bankning boshqa bo‘linmasiga beriladi.
Barter operastiyasi
- bu bir yoki har xil turdagi tovarlarning ma’lum miqdorini
baho qiymati miqdoriga mos keladigan boshqa tovar yoki tovarlarga almashish
operastiyalaridir.
Bojxona ittifoqi
— ikki va undan ortiq davlatlarning bir-biriga va uchinchi
mamlakatlarga nisbatan soddalashtirilgan tarif siyosatini o‘tkazishidir.
Bojxona tarifi
— tovar oqimlarining chegarani kesib o‘tishida davlat tomonidan
olinadigan soliq miqdori ko‘rsatilgan tartiblangan tovarlar ro‘yxati.
Bojxona hujjatlari-
tovarlarni bojxona chegarasidan olib o‘tish uchun
rasmiylashtiriladi. Bu hujjatlarga quyidagilar kiradi: bojxona deklarastiyasi, import
va valyuta listenziyalari, tovarning qaerdan kelib chiqqanligi to‘g‘risidagi
guvohnoma, konsullik fakturasi, tranzit hujjatlari, veterinar, sanitar va karantin
guvohnomalari va boshqalar.
Bojxona deklaratsiyasi
asosiy bojxona hujjati bo‘lib, yukni tasarruf qiluvchi
shaxsning arizasidan iboratdir. Bu hujjat yukni tasarruf qiluvchi tomonidan tovarni
import yoki eksport qilishda bojxonaga taqdim etiladi.
Valyuta
— ma’lum bir davlatning qonun bilan o‘rnatilgan pul vositasi (milliy
valyuta), bir yoki bir necha etakchi mamlakatlarning valyutasi ko‘rinishidagi jahon
rezerv pullari, Xalqaro valyuta fondi va Evropa valyuta tizimi a’zolari tomonidan ko‘p
tomonlama xisob-kitoblarda foydalaniladigan xalqaro valyuta birliklari.
GATT-
Savdo va tariflar bo‘yicha Bosh kelishuv — tashqi savdo operastiyalarini
o‘tkazishda belgilangan tamoyillarga amal qilishga rozi bo‘lgan mamlakatlarni
birlashtiruvchi savdo va tarif masalalari bo‘yicha xalqaro akt.
Distribyutorlar
– shunday vositachilarki, ular o‘z nomi va o‘z hisobidan tovar
sotish bilan shug‘ullanadi, ularning o‘zi tovarlarning buzilish yoki yo‘qolishi, hamda
xaridorlarning to‘lovga qobiliyatsizligi natijasida vujudga keladigan qaltislikllarni o‘z
bo‘yinlariga oladi.
Dostları ilə paylaş: |
