73
uslubiyatini ishlab chiqish, marketing rejasiga
tavakkalchilik ulushini
kamaytirish imkonini beruvchi zaxiralarni kiritish zarur.
Tavakkalchilik deganda odatda kompaniya o‘z resurslarining bir qismini
yo‘qotishi, daromadlarni to‘liq olmasligi yoki xo‘jalik faoliyati davomida
qo‘shimcha xarajatlarning paydo bo‘lishi nazarda tutiladi. Lizing sohasi
jarayonlar dinamikasi va kapitallar aylanishi
tezligining yuqoriligi, bozor
kon’yunkturasi va tashqi muhitdagi o‘zgarishlarga sezuvchanligining yuqoriligi
bilan ajralib turadi, bu esa mazkur biznes sohasida tavakkalchilik darajasining
yuqoriligiga asosiy sabablardan biri bo‘ladi. Lizing kompaniyalari o‘z faoliyati
davomida duch keluvchi tavakkalchiliklar odatda hamma uchun bir xil bo‘ladi.
U yoki bu tavakkalchilikka uchramaslik ehtimoli ham deyarli bir xil.
Biroq
tavakkalchilik holatlaridan chiqib ketish yo‘llari turli kompaniyalar uchun
turlicha bo‘ladi. Lizing kompaniyalari o‘z faoliyati davomida duch keluvchi
tavakkalchiliklarni ikki guruhga – ichki va tashqi tavakkalchiliklarga bo‘lish
mumkin.
Tashqi tavakkalchiliklar
qatoriga quyidagilarni kiritish mumkin:
•
siyosiy tavakkalchiliklar, ular siyosiy vaziyatning o‘zgarishi, davlatning
iqtisodiy
siyosati
o‘zgarishi natijasida yuzaga keluvchi moliyaviy
yo‘qotishlarni aks ettiradi;
•
huquqiy tavakkalchiliklar, qonun hujjatlaridagi o‘zgarishlar
natijasida
yuzaga keluvchi yo‘qotishlarni aks ettiradi;
•
makroiqtisodiy tavakkalchiliklar, iqtisodiyotda kutilayotgan ko‘tarilish
va inqirozlar, bank sohasining rivojlanish darajasi,
yalpi milliy mahsulot
o‘sishining pasayishi va siyosat bilan bog‘liq xo‘jalik jarayonlarida yuzaga
keladi;
•
soliq tavakkalchiliklari, soliq sohasini tartibga soluvchi qonunchilik
hujjatlaridagi noaniqlik va ziddiyatlar.
Yuqorida sanab o‘tilgan tavakkalchiliklarni boshqarish usullari –
lizing
oluvchi joylashgan mamlakatdagi siyosiy ahvol va soliq qonunchiligining
o‘ziga xos xususiyatlari tahlili, kutilayotgan tavakkalchiliklarga mutanosib
ravishda tavakkalchilik
mukofotlarini oshirish, investitsiyalarni kafolatlash
bo‘yicha xalqaro kelishuvlardan iborat.
Dostları ilə paylaş: