O’zbekiston respublikasi

8.9. Direkt-kosting tizimi bo’yicha sarflangan xarajatlarni hisobga olish va mahsulotning tannarxini kalkulatsiya qilish

Kalkulatsiya qilishning milliy tizimining nazariyasi va amaliyoti rivojlanayotgan bozor munosabatlari sharoitlarida bozor iqtisodiyoti rivojlangan mamlakatlarda qo’llanilayotgan boshqaruv hisobining tashkiliy tizimlarini o’rganishga muhtoj. Bunday tizimlardan biri to’g’ri xarajatlar bo’yicha mahsulotning tannarxini kalkulatsiya qilish tizimi hisoblanadi.

O’zgaruvchan xarajatlarni hisobga olish tizimi AQShda Buyuk depressiya davrida vujudga keldi va 50-yillarda keng tarqaldi. Buyuk depressiyadan oldin (1928 y) tayyor mahsulotning qoldiqlari to’liq xarajatlar bo’yicha hisoblangan tannarx bo’yicha baholanadigan edi. Depressiya realizatsiya qilinmagan mahsulotning katta zaxiralarini yaratishga olib keldi, to’liq xarajatlar bo’yicha baholash esa, o’sha davr tahlilchilarining fikricha foydani sun’iy buzishga olib kelgan. Ishlab chiqarishning hajmi va foydaning miqdoridan holi bo’lgan doimiy xarajatlarning hisobi daromadning qiymatiga ma’lum darajada ta’sir ko’rsatgan. Тahlilchilarning fikricha, sarflangan xarajatlarning qaytishini va ishlab chiqarishning hajmini xarajatlar va foydalar aloqasi orqali hisoblash lozim. Bu aspektda, o’xshashlikka ega bo’lgan o’zgaruvchan xarajatlarga bo’lish foydasiz deyilgan va egrilar bilan o’xshashlikka ega bo’lgan doimiy xarajatlarga ajratishga ijozat etilgan. Хarajatlarning yangi tizimi "direkt-kosting" nomini oldi.

Тizimning mazmuni- korxona ishlab chiqarish xarajatlarini kalkulatsiya qilish uslubini ko’rib chiqishda 1936-yilda Djonatan Хarris tomonidan kiritilgan "direkt-kosting reja" mazmuniga asoslanadi.

Daromadlar va zararlar to’g’risidagi oylik hisobotning mazmunida oddiy ishlab chiqarish xarajatlari va egri ustama sarflarni chegaralash boshlandi. Ishlab chiqarish sarflarini differensiatsiyalash daromadning hajmini, mahsulot realizatsiyasi hajmining bog’langanligini aniqlashga va tannarxni boshqarishga yordam berdi. Shunday qilib, bu tizimning mazmuni quyidagiga olib kelindi: to’g’ri xarajatlar tayyor mahsulotlarning turlari bo’yicha umumlashtiriladi, egri xarajatlar esa alohida schyotda to’planadi va ular vujudga kelgan davrning umumiy moliyaviy natijalariga olib boriladi. Agar har bir buyum bo’yicha tushgan daromad summasidan bu buyum bo’yicha sarflangan o’zgaruvchan xarajatlar chiqarib tashlansa unda buyum bo’yicha brutto-daromad olamiz. Hamma buyumlar bo’yicha olingan brutto-daromadni jamlab doimiy xarajatlarning umumiy summasini qoplash uchun mo’ljallangan daromadning umumiy qiymatini olish mumkin.

Direkt-kosting tizimidagi amaliy izlanishlar xarajatlar bo’linishining shartliligini ko’rsatadi. Har Bir subyektda qabul qilingan yo’l qo’yishlar natijalarni hisoblab chiqishda hisoblanishi kerak. Direkt-kosting tizimi bo’yicha tannarxni kalkulatsiya qilish ishlab chiqarishning turli hajmida doimiy sarflarning o’zgarmas qiymatini ko’zlaydi, shuning uchun boshqaruv hisobida asosiy e’tibor doimiy sarflarga qaratiladi. Subyekt va tizimli bo’linmalarning rahbarlari bu xarajatlarni boshqarishning nazorat funksiyalarini kuchaytiradilar.

Direkt-kosting tizimi bir necha farqlovchi xususiyatlarga ega: birinchisi- ishlab chiqarish xarajatlarining o’zgaruvchan va doimiyga ajratish; ikkinchisi- mahsulot tannarxini cheklangan xarajatlar bo’yicha kalkulatsiya qilish; uchinchisi- foydalar haqidagi hisobotlarni tuzishning ko’p bosqichligi.

Birinchi bosqichda tayyor mahsulotni ishlab chiqarish hajmining to’g’ri (o’zgaruvchan) xarajatlar bilan aloqasi o’rnatiladi, alohida turdagi mahsulotni ishlab chiqarishning rentabelligi aks ettiriladi. Ikkinchi bosqichda bitta schyotda umumlashtirilgan egri (doimiy) sarflar bir turdagi mahsulot realizatsiyasidan olingan qo’yilma bilan taqqoslanadi. Natijada butun ishlab chiqarish va realizatsiyaning rentabelligini aks ettiradi. Shunday qilib, bu tizim realizatsiyaga qaratilgan. Realizatsiyaning hajmi qancha ko’p bo’lsa subyekt shuncha ko’p daromad oladi. Тayyor mahsulot va tugallanmagan ishlab chiqarish faqat o’zgaruvchan (to’g’ri) xarajatlar bo’yicha baholanadi. Baholashning bunday tizimi subyektlarda realizatsiyani ko’paytirishning yangi imkoniyatlarini izlashga qiziqish uyg’otadi.

Subyektlarda direkt-kosting hisobi tizimi har-xil tartibda tashkil etilishi mumkin. Bu yerda ikkita avtonom va integratsiya yondashish ishlatiladi. Хarris tizimi boshqaruv va moliyaviy hisob integratsiyasiga asoslangan. Boshqaruv va moliyaviy hisobning umumiy tizimi bosh kitobda hamma ichki oborotlarni aks ettirishni ko’zlaydi.

Hisob yuritishning monistik (integratsiyalangan) tizimining murakkabligi, hisob muomalalarining katta hajmi bilan farq qiladi, ko’p hollarda qimmat va oddiy emasligi bilan ajralib turadi. Ko’p hollarda integratsiyalashgan tizim boshqaruv hisobi prinsipiga, ya’ni tijorat sirlarini saqlashga rioya qilmaydi (buzadi).

Foydalar to’g’risidagi hisobotni tuzishni ko’p jarayonlik asosida marjinal foydalar haqidagi hisobot yotadi. Direkt-kosting tizimidagi foyda va sarflar haqidagi taxminiy hisoboti quyidagi jadvalda keltirilgan.

Marjinal daromad usuli bo’yicha daromadlar va sarflar to’g’risidagi hisobot

№	Ko’rsatkichlar	Summa, ming so’m
1.	Realizatsiya qilingan mahsulotning hajmi	5700
2.	O’zgaruvchan xarajatlar	3300
3.	Marjinal foyda (1qator-2qator)	2400
4.	Doimiy sarflar	1370
5.	Sof foyda (yoki zarar) (3qator-4qator)	1030

Keltirilgan hisobda ikki pog’ona mavjud: yuqori- marjinal daromad; pastki- hisobda bosqichlar bo’yicha jarayonda to’ldiriladigan sof foyda. Agar o’zgaruvchan xarajatlarni ishlab chiqarish va noishlab chiqarishga bo’lsak mazkur hisobot uch bosqichda tuziladi. Birinchi bosqichda marjinal foyda mahsulot realizatsiyasidan tushgan pul bilan o’zgaruvchan ishlab chiqarish xarajatlari o’rtasidagi farq sifatida hisoblanadi. Uchinchi bosqichda jamlama marjinal foyda bilan doimiy xarajatlar summasini taqqoslash yo’li bilan sof foyda (yoki sof zarar) hisoblanadi. Keyin hisobotning pog’onaliligini doimiy xarajatlarni shartli-doimiy va shartli-o’zgaruvchanlarga bo’lish bilan ko’paytirsa bo’ladi. Ayrim hollarda pog’onalar xarajatlar va foydalarni guruhlashning boshqa belgilarini ko’zda tutishi mumkin. Masalan, aniq buyumlar yoki buyumlar guruhiga to’g’ri munosabatga ega bo’lgan doimiy xarajatlarning guruhlanishi; doimiy xarajatlarning hududlar, sotuv segmentlari yoki taqsimlash kanallari bo’yicha bo’linmalarini nazarda tutadi.

O’zgaruvchan xarajatlar bo’yicha tannarxni kalkulatsiya qilish doimiy xarajatlar, ishlab chiqarilayotgan mahsulotning har bir turiga foyda olish uchun qo’yilmalar, mahsulot chiqarishning assortimentiga rioya qilish ustidan nazorat o’rnatishni ta’minlaydi. Bunday kalkulatsiyalar mas’uliyat markazlari tomonidan nazorat qilinmaydigan xarajatlarni, daromadli va daromadsiz muomalalar o’rtasidagi farqni, me’yorlarga nisbatan xarajatlarning hulqini aniqlaydi. Nazoratning asosiy prinsipi bog’liqlik bo’ladi: material - jonli mehnat - ustama sarflar.

Bunday maqsadlarda xarajatlarning nazorat koeffitsiyentini hisoblashning oddiy ko’rinishidan foydalaniladi:

Тo’g’ri yoki o’zgaruvchan (olib borilgan-olib borilmagan) ustama sarflari

Asosiy materiallar Jonli mehnat sarflari (birlamchi xarajatlar)

Mahsulot tannarxini o’zgaruvchan xarajatlar bo’yicha kalkulatsiya qilishning boshqa muhim momenti bo’lib kalkulatsiyani hajm va daromadning muqobil nisbatini hisoblash uchun ma’lumotni shakllantiruvchi ishlab chiqarishning zararsizlik tahlili bilan aloqasi hisoblanadi.

O’zgaruvchan xarajatlar bo’yicha kalkulatsiya qilish prinsipi tanlovining ustunliklariga uning buyumlarga narx o’rnatishda to’g’ridan-to’g’ri ta’sirini, biznesning turli segmentlarining ishlab chiqaruvchanligini rag’batlantirishni kiritish lozim.

Direkt-kosting tizimi boshqaruv tizimining takomillashuviga muvofiq rivojlanadi. Rejalashtirish va boshqaruv qarorlarini qabul qilishning qayishqoqligi direkt-kosting tizimiga budjetalr (smetalar) va topshiriqlarni, ulardan foydalanish tahlilini kiritishni talab qildi. Zamonaviy direkt-kosting tizimining xususiyati bo’lib standartlarni nafaqat o’zgaruvchan xarajatlar bo’yicha, balki doimiy xarajatlar bo’yicha ham, qisman doimiy ustama sarflarning o’zgaruvchan qismi bo’yicha ishlatish hisoblanadi. Standart direkt-kosting- bu subyektning yakuniy maqsadi- sof foyda olishga erishish vositasidir.

Хulosa

Boshqaruv hisobining nazariy asoslari o’z tarkibida boshqaruv hisobining mazmuni haqida, uning predmeti va boshqaruv hisobi tomonidan amalga oshirilayotgan obyektlar, fazifalarni aks ettiruvchi vositalar haqida, prinsiplar va tashkillashtirishning tizimlari haqidagi tushunchani birlashtirishdir.

Nazorat va muhokama uchun savollar

1. 
   Boshqaruv hisobi qayerda va qachon mustaqil fan sifatida shakllangan?
   
2. 
   Boshqaruv hisobini yuritishdan asosiy maqsad nima?
   
3. 
   Boshqaruv hisobi va moliyaviy hisobning umumiyligi hamda bir-biridan farqini ayting?
   
4. 
   Boshqaruv hisobining konseptual asoslarining yoriting?
   
5. 
   Boshqaruv hisobini tartibga soluvchi me’yoriy hujjatlarni ayting?
   
6. 
   Boshqaruv hisobining predmetining tasniflang?
   
7. 
   Boshqaruv hisobining uslubi va uning elementlarini ayting?
   
8. 
   Boshqaruv hisobining obyektlari nimadan iborat?
   
9. 
   Boshqaruv hisobining tarkibiy tuzilishini yoritib bering?
   
10. 
    Boshqaruv hisobi qaysi hisob tizimiga kiradi?
    

Тavsiya etilayotgan adabiyotlar

1,Бобожонов О, Жуманиёзов К. Бошқарув ҳисоби.-Т.Адабиёт жамғармаси. 2005

2.Карпова Т.П. Управленческий учет. -М. ЮНИТИ. 2002.

3.Вахрушина М.А. «Бухгалтерский управленческий учёт». Учебник. -М.: «Финcтатинформ». 2000 г

4.http:// www. gaap. ru

5.http:// www. glavbukh. ru