zooklorella h’a’m zookeantellalar derlik barlıq a’piwayılarda tabılg’an, ko’pshilik gidralarda
aktinide, korallarda tabılg’an. Anıqlawlarg’a qarag’anda tek zookeantellalar normal
o’setug’ınlıg’ı belgili bolg’an. Tek simbiontlar esabınan jalpaq qurt Convoluta roscoffensis
tirishilik etedi. Gidrobiontlardın’ ekzogen awqatlanıwı tiykarınan golozoylı xarakterde boladı
biraq joqarıda aytqanımızday ko’pshilik gidrobiontlar qandayda da’rejede bolsada suwda erigen
organikalıq zatlardı osmos jolı menen qabıllaw arqalı da qanaatlanadı. Golozoy awqatlanıwda
awqat zatın tabıwı dara-dara, bo’lek-differentsiyalang’an h’a’m differentsiyalanbag’an jollar
arqalı awqatlıq obektin uslaydı.
Birinshi jag’dayda awqatlanıw salıstırma u’lken obektler menen boladı yag’nıy olardın’
h’a’r qaysısının’ jeke sapası anıqlanadı h’a’m ayrıqsha o’zine ta’n sapasına qaray
differentsiyalanbag’an jol menen awqat zatın alıwshı organizmler tiykarınan mayda awqat
bo’leksheleri menen awqatlanadı yag’nıy bir bo’lekshesinin’ sapası anıqlanbaydı h’a’m awqat
zatın uslaw taktikası jeke obekt ushın emes, al toparı menen uslawg’a qa’liplesedi.
Gidrobiontlardın’ grunttı jutıwı h’a’m detritti jıynawı
Grunt penen awqatlanıw uqıplılıg’ı yag’nıy ondag’ı o’li organikalıq zatlar bakteriyalar
h’.t.b. mayda organizmler tiykarınan bentos organizmleri ushın xarakterli. Ten’iz bentosları
ishinde bunday jol menen awqat zatın tabıwı sipinkulidlerge polixetlerge Nereidae, Cepitellidae
Maldanidae t.b. Goloturiyalarg’a ten’iz kirpilerine,ten’iz juldızlarına xarakterli. Dushshı
suwlarda oligoxetler Tubibex t.b. su’yir shıbın lichinkası Chironomus t.b. organizmler ushın
xarakterli. Grunttın’ u’stin’gi betindegi detritti ko’pshilik otırıp tirishilik etiwshi h’a’m
h’a’reketshil organizmler de jıynaydı. Bunda h’a’r qıylı o’simlikleri menen qarmalawshısı
yamasa tumsıg’ı menen kirpiksheler menen awızg’a aparadı. Mıs: polixetler Cheatopterus
tipicus, exiuridler goloturiyalar 2 qaqpaqlı mollyuskalar, ofiurlar. Balıqlardan podust Xenocypris
mairolepis.
Filtratsiya. Cuwdan filtrlengen awqatlıq zatı aktiv h’a’m passiv bolıwı mu’mkin. 2-
jag’dayda awqat zatın ta’biyg’ıy suw ag’ısınan filtrlep aladı. Mıs: Rucheynik Polycentropus
u’yshesinde jasap yag’nıy jipek sabag’ınan islengen qaltasha bolıp onın’ ashıq turg’an jag’ı
ag’ısqa qarsı turadı. Qaltag’a awqatlıq bo’leksheler tiykarınan vodorosller jıynaladı h’a’m sonın’
menen awqatlanadı. Budan basqa passiv filtrlewshilerge ten’izdin’ tasıp h’a’m qaytıp turatug’ın
jerlerinde ushırasatug’ın ofiura Ophiosoma scolopendrina ten’iz liliyası h’.t.b. ambulakrial
ayaqshaları ja’rdeminde uslaydı. Aktiv filtratorlarg’a suwdı su’ziwshi apparatı arqalı o’zi
quwıwshı organizmler kiredi. Balıqlardın’ ishinde aktiv filtratorlarg’a atlantika seldi tolstolobik,
tyulka repushka ukleya h’.t.b. kiredi. Olar suwdı sag’aq apparatı arqalı su’zedi. To’men da’rejeli
xordalılardan appendikulyarlar jatadı. Shayan sıyaqlılardın’ ko’pshiligi filtratorlarg’a jatadı. Mıs:
shaqalang’an murtlı shayanlardan Daphnidae Bosminidae, Chydoridae semeyctvolarının’
filtrlewshi apparatı nasos sıyaqlı isleydi. (Smirnov 1969). Ko’kirek ayag’ının’ ritmli aldınan
artqa urıwı suwdın’ aylanısın, ag’ısın payda etedi.
Sedimentatsiya. Awqatlıq zatlardın’ sho’giwi ko’pshilik a’piwayılarda, gubkalarda
kolovratkilerde ayrım shıbın shirkeylerdin’ lichinkalarında bayqaladı. A’piwayılardan
sedimentatorlarg’a ko’pshilik infuzoriyalar h’a’m qamshılılar jatadı. İnfuzoriyalar qamshısının’
h’a’reketi menen voronka sıyaqlı iyrim payda etedi. Voronkanın’ jin’ishke jag’ı awızg’a qarap
jaylasqan. Mayda asılısıp ju’rgen bo’leksheler voronkanın’ tu’bine sho’gedi, yag’nıy ol jerde
suwdın’ h’a’reketi joq. Gubkalar tek sedimentatsiya esabınan awqatlanadı.
Jaylaw,(Pastba). O’simlik awqatlıqlarının’ toplang’an jerinde ayrım mollyuskalar, iyne
terililer balıqlar h’a’m taspaqalar jayılıp ju’redi. Nasekomalardın’ ishinde qon’ızlar Hydrous
piceus gu’lli o’cimliklerdi jeydi. Mıs: mannik, rogolistnik chastuxa t.b.
Otırıp jasawshı yamasa az h’a’reket etiwshi organizmler menen ayrım mollyuskalar iyne
terililer shayan ta’rizliler, qurtlar h’a’m balıqlar (jayılıp) o’riste ju’rip awqatlanadı.
An’shılıq,(Oxota). An’shılıq-bul jemtigin aktiv izinen quwıw yamasa onı qarawıllaw
arqalı boladı. Usıg’an baylanıslı jırtqıshlardı an’shı h’a’m an’lıp turıwshı dep bo’ledi. Mıs:
An’shılardın’ wa’killeri-kashalotlar, akulalar, kalmarlar, jırtqısh shayan ta’rizliler ko’pshilik
nasekomalardın’ lichinkaları. Otırıwshı ishek quwıslılar, gruntqa kiriwshi balıqlar, osminoglar
jemtigin qarawıllaydı yag’nıy an’lıp turadı. Ayrım jag’daylarda jırtqıshlar o’zinin’ jemtigin
o’ltirip yamasa h’a’reketsiz qılıp bolıp jeydi, al ayırımları jemtigin h’esh qanday tayarlıqsız
birden jeydi. Ku’n sıyaqlılar h’a’m radiolariyalar jemtigin aksopodiyanın’ ja’rdeminde
h’a’reketsizlendiredi, sorıwshı infuzoriyalar sorıwshı trubkasın ta’sir etip, ishek quwıslılar-
atılıwshı kletkalarının’ ja’rdeminde ta’sir etip h’a’reketsizlendiredi. Tınısh okean osminogi
Appolion jemtigi krablarg’a voronkasındag’ı za’h’a’rli suyıqlıg’ın jiberip o’ltiredi. Keyin 20-30
minutqa deyin suw za’h’a’rdi juwıp ketkenshe tu’rtpeydi. Ko’pshilik balıqlar elektr razryadı
menen jemtigin o’ltiredi.
Awqatlanıw spektrleri h’a’m awqatlıq elektiv.
Awqatlanıw spektri dep awqatlıq komponentlerdin’ sostavına tu’siniledi (yarım bir
ta’repten). Haywanlardın’ awqatlanıw spektri o’zgermeli boladı, yag’nıy o’siwshi organizmnin’
awqatqa bolg’an talabı o’zgeredi, ja’ne awqat bazasının’ waqıtqa h’a’m ken’islikke baylanıslı
o’zgermeli bolıwına baylanıslı boladı. Usıg’an baylanıslı jasına qaray jergilikli ma’wsimge
o’zgeredi dep bo’ledi. Barlıq jag’dayda da h’aywanlar awqatın saylap alıwı yag’nıy awqatlıq
elektivligi boladı. Bir ta’repten elektivlik awqatlıq obektinin’ bah’asına baylanıslı anıqlanadı. 2-
ta’repten tabılıw da’rejesine qaray anıqlanadı.