Penitensiar sistemdə vərəmə nəzarət üzrə Təlimat, 2013
68
Yeni daxil olanlar barədə gündəlik hesabat vermək. Müvafiq formada rüblük və
illik hesabat təqdim etmək.
Şöbədə saxlanmasının başa çatdırılması üçün qəbul edilmiş müalicə, həyata
keçirilmiş müşahidə və müayinə nəticələrini konsiliumun müzakirəsinə təqdim
etmək. Konsiliumun qərarına əsasən məhbusu ya yenidən müalicəyə cəlb etmək
üçün müalicə şöbəsinə və ya cəza çəkdiyi müəssisəyə göndərilir.
Azad olunduqdan sonra müalicənin aparılmasına və təşkil edilməsinə məsul
şəxslərlə əməkdaşlıq etmək.
İnfeksiyaya nəzarət tədbirlərinin tətbiqini təmin etmək.
Palliativ qayğı şöbəsi
Şöbəyə daxil olmuş və köçürülmüş bütün şəxslərin qeydiyyatını aparmaq.
Şöbədə olan bütün məhbuslar arasında zəruri səhiyyə maarifçiliyi işi aparmaq.
Konsiliumun qərarına müvafiq olaraq palliativ qayğı tədbirlərini təmin etmək.
Xəstənin vəziyyətinin monitorinqi və tamdəyərli müalicə aparmaq üçün zəruri
hallarda sahə mütəxəssislərinin konsultasiyalarını təmin etmək.
Simptomatik və təxirəsalınmaz müalicə aparmaq üçün zəruri dərman ehtiyatına
və digər vasitələrə malik olmaq.
Dərman vasitələrinin istifadəsinin və məxaricinin ciddi qeydiyyatını aparmaq.
Bütün tibbi məlumatın tələb olunan qaydada doldurulmasını, saxlanmasını və
qeydiyyatını təmin etmək.
Yeni daxil olanlar barədə gündəlik hesabat vermək. Müvafiq formada rüblük və
illik hesabat təqdim etmək.
Infeksiyaya nəzarət vasitələrin (sorucu-çıxarıcı ventilyasiya, ultrabənövşəyi
şüalandırıcılar) lazımi qaydada fəaliyyət göstərməsinə və onlara standartlara
uyğun xidmət edilməsinə nəzarət etmək. Xüsusi kitabda avadanlığın yararlılığı
barədə məlumatın qeydiyyatını aparmaq.
Fərdi infeksiyaya nəzarət vasitələrinin tətbiqini təmin etmək.
Azad olunduqdan sonra müalicənin aparılmasına və təşkil edilməsinə məsul
şəxslərlə əməkdaşlıq etmək.
Həyatın uzadılmasına deyil, onun keyfiyyətinin təmin edilməsinə çalışmaq
lazımdır. Bu zaman xəstənin qidadan və / və ya ziyarətçilərdən imtinası və ya
əksinə olan istəkləri ilə barışmaq lazımdır. Başlıca olaraq gigiyenik tələbatların
ödənilməsinə yönəlmiş şəfqət qayğısını davam etdirmək zəruridir.
Palliativ qayğının təmin edilməsinin prinsipləri həyati funksiyaların maksimal
dərəcədə əsirgəyici üsullarla dəstəklənməsinə, əsas xəstəliyi müşayiət edən ağrı
sindromuna nəzarət olunmasına əsaslanır.
Aptek şöbəsi
1-ci və 2-ci sıra VƏD-lərə İMM-nin tələbatını müəyyən etmək və sifarişini
hazırlamaq.
YT idarəedilməsi üçün İMM-nin tələbatını müəyyən etmək və sifarişini
hazırlamaq.
Mədaxil edilmiş preparatların ciddi qeydiyyatını və saxlancını təmin etmək.
Dərman preparatlarını tələb olunan temperatur rejimi və rütubət səviyyəsinə
müvafiq qaydada saxlamaq.
Bütün şöbələri zəruri preparatlarla fasiləsiz təmin etmək.
Istifadə edilməmiş preparatların qalığını geri götürmək və müvafiq qaydada
mədaxil etmək.
Penitensiar sistemdə vərəmə nəzarət üzrə Təlimat, 2013
69
Keyfiyyətə xarici nəzarət üçün təsadüfi seçmə üsulu ilə VƏD-ləri SN Dərman
vasitələrin Analitik Ekspertiza Mərkəzinə göndərmək.
Anbarda və şöbələrdə olan bütün dərman vasitələrinin hər ay hesablanmasını və
inventarizasiyasını aparmaq.
Yararlılıq müddətinə və istifadəsinə müvafiq olaraq mövcud dərman vasitələrinin
idarəolunmasını təmin etmək.
Dərman vasitələrinin və sövqedici bağlamaların saxlanmasına və buraxılmasına
ciddi nəzarəti təmin etmək.
Bütün məlumatların kağız və elektron daşıyıcılarda tələb olunan doldurulmasını,
saxlanmasını və qeydiyyatını təmin etmək.
Azad olunduqdan sonra müalicənin aparılmasına və təşkil edilməsinə məsul
şəxslərlə əməkdaşlıq etmək.
Müalicə prosesi ilə əlaqədar bütün digər vasitələrin sifarişini, qeydiyyatını və
bölüşdürülməsini Əlavə 20-ə müvafiq olaraq aparmaq.
Statistika şöbəsi
Kağız və elektron daşıyıcılarda olan və toplanmış bütün mövcud məlumatların
qeydiyyatını, uçotunu və saxlancını təmin etmək.
ƏN TBİ-yə təqdim etmək üçün tələb olunan hesabatları vaxtında hazırlamaq
İMM-yə daxil olmuş məhbusların hərəkətini və xəstələrin şöbələrarası
köçürülmələrini izləmək.
Penitensiar sistemdə vərəmə nəzarət üzrə Təlimat, 2013
70
Əlavə 2: Bəlğəm toplanması proseduru
1.
Bəlğəm verəcək şəxslərin siyahısı əvvəlcədən dəqiqləşdirilir.
2.
Bəlğəm yaşayış otağında və ya digər qapalı binada / tikilidə deyil, hava şəraiti
imkan verdiyi halda açıq havada, əks halda havası yaxşı dəyişdirilən ayrıca otaqda
toplanmalıdır.
3.
Bəlğəm yığımına cavabdeh tibb personalı xüsusi qoruyucu maska taxmalıdır, ya
bəlğəm verən şəxsin yanında, ya da otağın şüşəli qapısının arxasında durub prosesə
nəzarət etməlidir. Hava axını tibb personalından bəlğəm verən şəxsə tərəf yönəlməlidir.
Öskürən şəxsin qarşısında durmaq olmaz.
4.
Kütləvi skrininq zamanı vərəm ehtimal edilən şəxslərdən bir, daxilolma skrininqi
zamanı və müraciət əsasında vərəm ehtimal edilən şəxslərdən ən azı bir bəlğəm nümunəsi
götürülür.
5.
Bəlğəm verməzdən əvvəl şəxs bir neçə dəfə ağzını su ilə yaxalamalıdır ki, ağız
boşluğunda olan qida qırıntıları bəlğəmə qarışmasın.
6.
Tibb işçisi bəlğəmin toplanması üçün nəzərdə tutulmuş qabı (konteyneri) şəxsin
siyahı üzrə adının nömrəsinə uyğun nömrələyir, bəlğəm verən şəxsə təqdim edərək, nə
edəcəyini ona izah edir. Bəlğəm nümunəsinin nömrəsini konteynerin qapağına deyil, yan
divarına qeyd etmək lazımdır.
7.
Bəlğəm verən şəxs:
- Bir neçə dəfə dərindən nəfəs alıb-verərək, sinədən öskürməlidir;
- Konteynerin qapağını açaraq öskürək nəticəsində sinədən gələrək ağıza toplanmış
bəlğəmi oraya tüpürməlidir və qapağını kip bağlamalıdır.
8.
Tibb işçisi əmin olmalıdır ki, vərəm ehtimal edilən şəxs konteynerə ağız suyu
(tüpürcək) deyil, məhz bəlğəm toplayıb.
9.
Əgər şəxs bəlğəm ifraz etməkdə çətinlik çəkirsə, bunları etmək lazımdır:
- Bir neçə dəfə çömbəlib-qalxmalı və ya qollarını yanlara və yuxarıya hərəkət
etdirməklə dərindən nəfəs alıb-verməyə nail olmalıdır;
- Sinədən və ya kürəkdən döş qəfəsini yüngül döyəcləməlidir;
- Şəxs siqaret çəkəndirsə, siqaret alışdıraraq bir neçə qullab tüstüsünü qəbul edə bilər;
- Bir stəkan qaynar suya bir çay qaşığı çay sodası və ya xörək duzu qarışdıraraq,
buxarı ilə nəfəs almaq (inhalyasiya etmək) olar.
Çalışmaq lazımdır ki, toplanmış bəlğəm nümunələri həmin gün laboratoriyaya
çatdırılsın!
Əks təqdirdə, bəlğəm nümunələri soyuq yerdə saxlanmalı və yaxın bir neçə gün ərzində
laboratoriyaya göndərilməlidir.
Dostları ilə paylaş: |