Qadoqlash materiallari va ularning vazifalari 3 Idish va qadoqlashning asosiy turlari va xossalari 6

Mevalarni idishlarga joylash usullari
Hosilni joylash. Saralash va joylash. Bu ishlar mevalarni tovar holatga kelti-rishdagi asosiy ishlar hisoblanadi. Ular dalada – ochiq yerda, bos-tirma ostida yoki omborxona hovlisi va maxsus ajratilgan xona-larda amalga oshiriladi. Saralash va joylash mas’uliyatli ishlar-dan biri bo’lib, mevalarning uzoq va sifatli saqlanishi bevosita mana shu tadbirga bog’liqdir.

Mevalar o’z idishiga to’g’ri qatorlab, to’rt-burchak usulida, diagonal shaklida va to’kma holda joylanadi (4-rasm).

Olcha va gilos havo harorati 0-1S va nisbiy namligi 85-90% atrofida bo’lgan omborlarda saqlanadi. Gilosni odatda 30 kun, olchani 10-15 kun saqlash mumkin. Lekin polietilen xaltachalarga 1 kg dan joylashtirilgan olchani bir oygacha, boshqariladigan gaz muhitida (SO₂-10% O₂-11 %_g N₂-79%) 1,5 oygacha saqlash imkoni bor.
+ulupnayni xolodilnikda 0S haroratda va nisbiy namlik 90-95% bo’lganda 3-5 kun, boshqariladigan gaz muhitida 10-15 kun saqlash mumkin. Gaz muhitining tarkibi SO₂-5-8%, 0₂-3%, N₂- 89-92% bo’lishi talab qilinadi.
TSitrus mevalar 20 kilogrammli yashiklarga shaxmat yoki diagonal usulda teriladi. Har bir meva yupqa qog’ozga o’raladi. O’rov qog’oziga 1 mg difenil eritmasi shimdirilsa, meva yaxshi saqlanadi.
TSitrus mevalar 0S atrofidagi haroratda saqlanadi. Limon 2-3S haroratda, 85-90% nisbiy namlikda, mandarin va apelьsin esa 1-2S haroratda 4-6 oy saqlanishi mumkin.
Limonlarni boshqarilib turiladigan gaz muhitida 10S haroratda 6 oygacha saqlash mumkin. Gaz muhitining tarkibi 0₂-10% N₂-90% bo’lishi lozim.
TSitrus mevalarning pishib yetilishini tezlashtirish uchun etilendan foydalaniladi. Bunda 1 l havoga 10 mg etilen gazi aralashtiriladi.
Uzum uzilgandan so’ng uni omborga joylashga alohida e’tibor berish lozim. Saqlashga qo’yiladigan uzumni uzilgandan co’ng tezda sovuq joyga joylashtirish lozim. Bunday sharoitda 24 soatgacha quyosh tushmaydigan salqin joyda turishi kerak.
/. Isroilov ma’lumotiga ko’ra, agar uzum 20-25S issiq joyda bir kun tursa saqlanish muddati 15-20 kunga qisqaradi. Uzumning harorati 9-10S ga pasaytirilsa nafas olish intensivligi ikki marta pasayadi. SHu sababli, uzumning sifatli saqlanishini ta’minlash uchun, iloji boricha tezroq omborga joylashtirish lozim.
Dastlabki sovitish bo’lmasi bo’lmagan omborlarda avval bo’lmaning 30-40% uzum joylashtiriladi, 3-4 kundan keyin yana ma’lum qismi uzum bilan to’ldiriladi.
Havoning harorati -2S past bo’lmasligi lozim. Aks holda mevalar muzlab qolishi va moddalar almashinuvi jarayoni buzilishi mumkin. Uzum muzlaganda o’z xossasini qayta tiklamaydi.
Sovutish batareyalariga yaqin joydagi uzum muzlab qolmasligi uchun batareyalar polietilen plyonka yoki qop mato bilan to’sib qo’yiladi. Saqlanuvchanligi yuqori bo’lgan uzumlarni sovutgichlarning ichkari qismiga joylashtirish lozim.
Saqlanadigan uzumning holatini muntazam tekshirib borish uchun ularning eni to’rt qator yashik enidan oshmasligi lozim. Har qator orasida yo’lakcha qo’yilishi lozim. Yashiklarning qavati 10-12 qilib, sovutish va yoritish asboblaridan 50-60 sm, devordan esa 30-40 sm nariga taxlanadi.
Uzumni saqlashda turli xil antiseptik vositalardan foydalaniladi. Bunda oltingugurt va kaliy metabisulьfit kabi moddalardan foydalaniladi.
Fumigatsiya yo’li bilan qisqa muddatli ishlov berishda omborning 1 m³ ga 3-5 g hisobidan oltingugurt yondiriladi. Sulьfit angidridni uzum joylashgan bo’lmaga ballonda ham yuborish mumkin.
Sulьfit angidrid gazi ombor havosi bilan aralashib ketishi uchun gaz berish vaqtida ventilyatorni ishga tushirish lozim. Ishlovdan keyin bo’lma shamollatiladi.
Kaliy metabisulьfit esa tabletka holida bevosita uzum joylangan yashiklarga solib qo’yiladi. U asta-sekin parchalanib sulьfit angidrid ajratib chiqaradi. Ana shunday usulda uzumnn saqlashda gazli muhit hosil bo’ladi.
Uzumni polietilen plenka materiallaridan tayyorlangan qoplarda saqlash ham yaxshi natija beradi. Oz miqdordagi uzumni sun’iy sovutish qo’llanilmaydigan yerto’lalarda saqlasa bo’ladi.


http://fayllar.org