ilqar Məmmədov
-
digər dövlətin ərazisində vətəndaş müharibəsinin və yaxud
terror aktlarının təşkil edilməsi, onlara yardım edilməsi və ya onlarda
birbaşa iştirak edilməsi;
-
digər dövlətin ərazisinin qeyri-qanuni güc tətbiq etməklə işğal
edilməsi;
-
güc tətbiq etməklə və ya güc tətbiqi ilə hədələməklə digər
dövlətin ərazisinin ələ keçirilməsi;
-xalqları özünümüəyyənetmə hüququndan, azadlıq
və
müstəqillikdən məhrum edən zorakı hərəkətlərin törədilməsi.
Güc tətbiq etməmək və ya güclə hədələməmək prinsipinin ən
ağır pozuntusu isə silahlı təcavüz hesab olunur.''
Müasir dövrdə işğalçılıq siyasəti, bir dövlətin digərinə qarşı güc
tətbiq edilməsi antihüquqi xarakterli hadisə hesab olunduğundan, sırf
formal-hüquqi yanaşmadan çıxış edən nəzəriyyəçilər dövlətin və
ölkənin müdafiə olunması funksiyasının başqa dövlətlərin ərazisinin
zəbt edilməsi, iqtisadi imkanların artırılması və digər dövlətlər
üzərində nəzarəti həyata keçirmək imkanının əldə edilməsi məqsədi
ilə aparılan işğalçılıq fəaliyyəti (imperialist xarakterli siyasətlə) ilə
iç-içə olmasını inkar edirlər. Həmin mövqedən çıxış edən
V.A.Çetverinin yazır ki, «hüquq və dövlətçiliyin müasir paradiqması
baxımından aqressiv xarici siyasəti, aqres- siv müharibələrin
aparılmasını, imperialist fəaliyyəti dövlətin funksiyası hesab etmək
olmaz. Bu beynəlxalq hüquqa zidd olan, hüquqazidd fəaliyyətdir».2
Bu fikir elmdə son bir-iki əsrdə özünə yer alıb. Dövlətlərarası
münasibətləri tənzimləyən norma və prinsiplərə isə yalnız İkinci
Dünya müharibəsindən sonra real təsir göstərə bilmişdir.
Təxminən bir əsr bundan əvvəl tanınmış alman alimi G.Yellinek
yazırdı ki, cəmiyyətin və onun üzvlərinin, o cümlədən, dövlət
ərazisinin müdafiə olunması istisnasız olaraq dövlətin səlahiyyətinə
aiddir. «Bu funksiya və dövlətin ona müvafiq olan
'' Hüseynov L.H.
Beynəlxalq hüquq. S. 35-36.
2 Проблемы общей теории права и государства.
Под ред. Нерсесянца
В.С.
S. 630.
Збб
Dövlət və hüquq nəzəriyyəsi
məqsədi hər zaman, hətta dövlət ən rudimentar formada olduqda
belə, mövcud olmuşdur. (...) Bundan əlavə, uzun müddət müdafiə ilə
yanaşı işğallar yolu ilə dövlət ərazisinin və ya müharibələr yolu ilə
dövlət hakimiyyəti məkanının genişləndirilməsi dövlətin əsas
məqsədlərindən biri hesab olunmuşdur. İndinin özündə belə, dövlətin
digər dövlətlərlə münasibətindəki məqsəd nəzəri olaraq müdafiə
olunmaq çərçivəsinə salınsa da, müasir xalqların şüurunda dövlətin
ərazisinin genişləndirilməsi ilə bağlı müxtəlif təmayüllər, istək və
məqsəd təsəvvürləri mövcuddur. Müasir dövrün siyasi, iqtisadi, milli
düşüncəsinə görə də dövlət fəaliyyətinə bu cür münasibət bir çox
hallarda onun məqsədlərinə uyğun hesab edilir. Hamılıqla belə hesab
olunur ki, Almaniyanın birləşdirilməsi üçün Prussiyanın, İtaliyanın
birləşdirilməsi üçün isə italiyanın apardığı müharibələr. Balkan
yarımadasın- dakı dövlətlərin azad olunması məqsədi ilə Rusiya
tərəfindən törədilən müharibələr və s. hüquqauyğundur və dövlətin
məqsədlərinə cavab verir. Dövlətin böyüdülməsinin bizim dövr üçün
xarakterik olan formasına, yəni müstəmələklərə yiyələnməklə
dövlətin təsir dairəsinin genişləndirilməsinə də eyni münasibət
bəslənilir».'*
İşğalçılıq siyasətinə, bir dövlətin digərinə qarşı güc tətbiq
etməsinə müasir dövrün beynəlxalq hüquq sistemində antihüquqi
xarakterli hadisə kimi dəyər verilməsinə baxmayaraq, G.Yellina- kın
diqqətini çəkən hadisə müasir dövrdə də təkrarlanır. Özümüz də
şahidik və tədqiqatçılar da yazırlar ki, ABŞ milli maraqlarını həyata
keçirmək, təhlükəsizliyini təmin etmək, təbliğ etdiyi dəyər və
normaları dünyaya yaymaq üçün dünya liderliyinə nail olmaq və
bütün dünyada hərbi üstünlüyünü gücləndirmək siyasətini həyata
keçirir. Bu dövlətin müdafiə funksiyasını həyata keçirmək adı ilə
Əfqanıstanda, İraqda və başqa ölkələrin ərazisində apardığı
müharibələri, bilavasitə həmin ölkələrin ərazisində hərbi qüvvələri
yerləşdirməklə oradan «özünü müdafiə etməsini» nəzərdən
qaçırmaq mümkün deyil. ABŞ rəsmiləri həmin hadisələrə
* Снесаров A.E. Философия войны. M., 2003, s. 187.
367
ilqar Məmmədov
bəraət qazandırmaq üçün Amerikanın milli maraqlarından çıxış
edərək və dünyada demokratiyanı müdafiə etmək, terrorizmlə
mübarizə aparmaq məqsədi ilə başqa dövlətlərə qarşı güc tətbiq
olunduğunu bəyan edirlər. Amerikalıları, həmçinin dünya
ictimaiyyətini buna inandırmaq üçün nəhəng təbliğat mexanizmi işə
salınmışdır. Beynəlxalq təşkilatlardan da bu məqsədlə istifadə olunur.
Lakin bir çox analitiklər, tədqiqatçılar hadisələrə tənqidi yanaşaraq
ABŞ-ın
«özünümüdafiə
fəaliyyətində»
müasir
dövlətin
məqsədlərindən, beynəlxalq hüquq normalarından kənara çıxdığını
bildirirlər. Real münasibətlər, müasir dövrün siyasi gerçəklikləri bir
daha təsdiq edir ki, dövlət gücləndikcə onun özü tərəfindən
özünümüdafiə kimi qəbul etdiyi fəaliyyət daha çox başqa dövlətləri öz
təsir dairəsinə salmaq, bu və ya digər qaydada özündən asılı etmək,
digər dövlətlərə qarşı güc tətbiq etmək fəaliyyətinə çevrilir.
Dövlətin,
ölkənin
müdafiə
olunması
funksiyasının
reallaşmasında dövlətlərin hazırladığı hərbi doktrinanın xüsusi rolu
var. Hərbi doktrina dövlətin müdafiə doktrinasının ən əsas tərkib
hissəsidir. Belə ki, hərbi doktrina reallaşmadan müdafiə doktrinasının
həyata keçirilməsi mümkün deyil. Müdafiə doktrinası kompleks
tədbirlərin görülməsini ehtiva edir. Buraya həm ordunun
gücləndirilməsi, hərbi texnikanın təkmilləşdirilməsi, vətəndaşların
vətənpərvərlik ruhunda tərbiyə olunması, həm də ordunun
maddi-texniki təminatını yüksək səviyyədə həyata keçirmək üçün
iqtisadi imkanların genişləndirilməsi, hərbi qulluqçuların və onların
ailəsinin sosial ehtiyaclarının və tələbatlarının yüksək səviyyədə
ödənilməsi, ölkədə və orduda hüquq qaydasının təmin edilməsi və s.
tədbirlər daxildir.
Müasir dövrdə dövlətin müdafiə siyasəti bu sahə üzrə dövlət-
lərarası əməkdaşlığın yaradılması və inkişaf etdirilməsi ilə sıx əlaqədə
həyata keçirilir. Buna əsasən, dövlətin, ölkənin müdafiə siyasəti
yalnız dövlətin özünün müvafiq fəaliyyəti ilə məhdudlaşmır, həm də
digər dövlətlərin yardımını və ya iştirakını ehtiva edir. Bu məqsədlə
dövlətlər arasında müqavilələr bağlanır, birgə fəaliyyətin koordinasiya
olunması üçün onun maddi-texniki bazası və müvafiq mexanizmi
yaradılır.
368
Dostları ilə paylaş: |