Qarori alohida ta‟lim ehtiyojlari bo„lgan bolalarga ta‟lim berishga oid normativ-huquqiy hujjatlarni tasdiqlash to„G„risida

2-bob. Komissiyaning maqsad va vazifalari 
6. Komissiyaning maqsadi 6 yoshdan 18 yoshgacha bo„lgan alohida ta‟lim ehtiyojlari 
bo„lgan bolalarni aniqlash va ularni ixtisoslashtirilgan ta‟lim muassasalariga (6 yoshdagi bolalarni 
ixtisoslashtirilgan ta‟lim muassasalaridagi tayyorlov guruhlariga) yuborish uchun xulosa berishdan 
iborat. 
7. Komissiya quyidagi asosiy vazifalarni amalga oshiradi: 
bolalarni jismoniy yoki psixik rivojlanishidagi nuqsonlarini aniqlash uchun ota-onalar yoki 
ularning o„rnini bosuvchi shaxslar ishtirokida ko„rikdan o„tkazadi; 
bolalarni ko„rikdan o„tkazishda ular bilan bevosita muloqot qiladi va ulardagi nuqsonlarni 
tasdiqlovchi hujjatlarni o„rganadi; 
bolaning jismoniy yoki psixik rivojlanishidagi nuqsonlari haqida yashash joyidagi 
shifoxona vrachlari tomonidan qo„yilgan tashxisning ishonchliligini o„rganadi; 
bolalarning rivojlanishidagi nuqsonlarni kompleks ravishda tekshirish natijalari asosida 
ularning imkoniyatlarini aniqlaydi; 
bolaning jismoniy yoki psixik rivojlanishidagi nuqsoniga qo„yilgan tashxis o„z tasdig„ini 
topsa, ularni tegishli ixtisoslashtirilgan ta‟lim muassasalariga yuborish uchun xulosa beradi; 

---

bolalarni bir ixtisoslashtirilgan ta‟lim muassasasidan boshqa ixtisoslashtirilgan ta‟lim 
muassasasiga yoki inklyuziv sharoitda ta‟lim olishi uchun umumta‟lim muassasasiga o„tkazish 
yuzasidan xulosa beradi; 
bolalarni inklyuziv sharoitda ta‟lim olishi uchun umumta‟lim tashkilotlariga yuborish 
uchun yo„llanma beradi; 
bolalarni ixtisoslashtirilgan ta‟lim muassasasidan O„zbekiston Respublikasi Sog„liqni 
saqlash vazirligi hamda Tibbiy-ijtimoiy xizmatlarni rivojlantirish agentligining tegishli 
muassasasiga o„tkazish yuzasidan xulosa beradi; 
alohida ta‟lim ehtiyojlari bo„lgan bolalar bilan ishlaydigan pedagog, psixolog, tibbiyot 
xodimlari hamda ota-onalar yoki ularning o„rnini bosuvchi shaxslarga zarur maslahatlar beradi; 
qonunchilik hujjatlariga muvofiq boshqa vazifalarni amalga oshiradi.